ਸ਼ਿਮਲਾ: ਕਾਲਕਾ-ਸ਼ਿਮਲਾ ਵਿਰਾਸਤੀ ਰੇਲਵੇ ਟ੍ਰੈਕ ‘ਤੇ ਛੁੱਟੀਆਂ ਦੀ ਵਿਸ਼ੇਸ਼ ਟਰੇਨ ਐਤਵਾਰ ਤੋਂ ਚੱਲਣੀ ਸ਼ੁਰੂ ਹੋ ਜਾਵੇਗੀ। ਗਰਮੀਆਂ ਦੀਆਂ ਛੁੱਟੀਆਂ ਦੌਰਾਨ ਵੱਡੀ ਗਿਣਤੀ ਵਿੱਚ ਸੈਲਾਨੀ ਰੇਲ ਰਾਹੀਂ ਸ਼ਿਮਲਾ ਆ ਰਹੇ ਹਨ। ਲੰਬੀ ਵੇਟਿੰਗ ਲਿਸਟ ਕਾਰਨ ਸ਼ਿਮਲਾ ਆਉਣ ਵਾਲੀਆਂ ਟਰੇਨਾਂ ‘ਚ ਸੀਟ ਬੁੱਕ ਕਰਵਾਉਣ ‘ਚ ਸੈਲਾਨੀਆਂ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉੱਤਰੀ ਰੇਲਵੇ ਸੈਲਾਨੀਆਂ ਨੂੰ ਵਾਧੂ ਸਹੂਲਤਾਂ ਪ੍ਰਦਾਨ ਕਰਨ ਲਈ ਇੱਕ ਵਾਧੂ ਵਿਸ਼ੇਸ਼ ਟਰੇਨ ਚਲਾਉਣ ਜਾ ਰਿਹਾ ਹੈ।
ਦਸ ਦਈਏ ਕਿ ਹਾਲੀਡੇ ਸਪੈਸ਼ਲ ਟਰੇਨ ਨੂੰ ਮਈ ਦੇ ਪਹਿਲੇ ਹਫਤੇ ਚਲਾਉਣ ਦੀ ਯੋਜਨਾ ਸੀ ਪਰ ਯਾਤਰੀਆਂ ਦੀ ਭਾਰੀ ਮੰਗ ਨੂੰ ਦੇਖਦੇ ਹੋਏ ਰੇਲਵੇ ਪ੍ਰਬੰਧਨ ਨੇ ਐਤਵਾਰ ਤੋਂ ਇਸ ਟਰੇਨ ਨੂੰ ਚਲਾਉਣ ਦਾ ਫੈਸਲਾ ਕੀਤਾ ਹੈ। ਇਹ ਟਰੇਨ ਕਾਲਕਾ ਤੋਂ 01:05 ਵਜੇ ਰਵਾਨਾ ਹੋਵੇਗੀ ਅਤੇ 07:30 ਵਜੇ ਸ਼ਿਮਲਾ ਪਹੁੰਚੇਗੀ। ਸ਼ਿਮਲਾ ਤੋਂ ਸਵੇਰੇ 9:20 ‘ਤੇ ਰਵਾਨਾ ਹੋਵੇਗੀ, 3:50 ‘ਤੇ ਕਾਲਕਾ ਪਹੁੰਚੇਗੀ। ਡਿਵੀਜ਼ਨਲ ਰੇਲਵੇ ਮੈਨੇਜਰ ਅੰਬਾਲਾ ਮਨਦੀਪ ਸਿੰਘ ਭਾਟੀਆ ਨੇ ਦੱਸਿਆ ਕਿ ਕਾਲਕਾ ਅਤੇ ਸ਼ਿਮਲਾ ਵਿਚਕਾਰ ਛੁੱਟੀਆਂ ਵਾਲੀ ਵਿਸ਼ੇਸ਼ ਟਰੇਨ ਐਤਵਾਰ ਤੋਂ ਸ਼ੁਰੂ ਕੀਤੀ ਜਾ ਰਹੀ ਹੈ। ਸੈਲਾਨੀਆਂ ਦੀ ਸਹੂਲਤ ਲਈ 1 ਜੁਲਾਈ ਤੱਕ ਵਿਸ਼ੇਸ਼ ਟਰੇਨ ਚਲਾਈ ਜਾਵੇਗੀ।
ਦੂਜੇ ਪਾਸੇ ਹਿਮਾਚਲ ਰੋਡ ਟਰਾਂਸਪੋਰਟ ਕਾਰਪੋਰੇਸ਼ਨ ਊਨਾ ਡਿਪੂ ਜਲਦੀ ਹੀ ਊਨਾ ਤੋਂ ਜੰਮੂ-ਕਟੜਾ ਲਈ ਬੱਸ ਦੀ ਸਹੂਲਤ ਸ਼ੁਰੂ ਕਰੇਗਾ। ਊਨਾ ਡਿਪੂ ਨੇ ਟਰਾਂਸਪੋਰਟ ਵਿਭਾਗ ਕੋਲ ਇਸ ਲਈ ਪਰਮਿਟ ਲਈ ਅਰਜ਼ੀ ਦਿੱਤੀ ਹੈ। ਬੱਸ ਸੁਵਿਧਾ ਸ਼ੁਰੂ ਹੋਣ ਨਾਲ ਮਾਤਾ ਵੈਸ਼ਨੋ ਦੇਵੀ ਦੇ ਦਰਸ਼ਨਾਂ ਲਈ ਜਾਣ ਵਾਲੇ ਯਾਤਰੀਆਂ ਨੂੰ ਲਾਭ ਮਿਲੇਗਾ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
