ਭਾਰਤ ਵੱਲੋਂ ਤੋਹਫ਼ੇ ਵਜੋਂ ਦਿੱਤੇ ਗਏ ਪੰਜ ਮੋਰ ਜਨੇਵਾ ਸਥਿਤ ਸੰਯੁਕਤ ਰਾਸ਼ਟਰ ਦੇ ਦਫ਼ਤਰ ਪਹੁੰਚੇ

ਜਨੇਵਾ: ਭਾਰਤ ਵੱਲੋਂ ਤੋਹਫ਼ੇ ਵਜੋਂ ਦਿੱਤੇ ਗਏ ਪੰਜ ਨਵੇਂ ਮੋਰ ਜਨੇਵਾ ਸਥਿਤ ਸੰਯੁਕਤ ਰਾਸ਼ਟਰ ਦੇ ਦਫ਼ਤਰ ਪਹੁੰਚ ਗਏ ਹਨ। ਇਨ੍ਹਾਂ ਮੋਰਾਂ ਨੂੰ ਸਵਿਟਜ਼ਰਲੈਂਡ ਵਿੱਚ ‘ਪੈਲੇਸ ਆਫ਼ ਨੇਸ਼ਨਜ਼’ (Palace of Nations) ਦੇ ਅਹਾਤੇ ਵਿੱਚ ਰੱਖਿਆ ਗਿਆ ਹੈ। ਭਾਰਤ ਵੱਲੋਂ ਦਿੱਤਾ ਗਿਆ ਇਹ ਤੋਹਫ਼ਾ ਇੱਕ ਪੁਰਾਣੀ ਪਰੰਪਰਾ ਨੂੰ ਕਾਇਮ ਰੱਖਦਾ ਹੈ ਅਤੇ ਭਾਰਤ ਤੇ ਸੰਯੁਕਤ ਰਾਸ਼ਟਰ ਵਿਚਕਾਰ ਡੂੰਘੇ ਸਬੰਧਾਂ ਨੂੰ ਦਰਸਾਉਂਦਾ ਹੈ। ਸੰਯੁਕਤ ਰਾਸ਼ਟਰ ਵਿੱਚ ਭਾਰਤ ਦੇ ਸਥਾਈ ਮਿਸ਼ਨ ਨੇ ਇਸ ਨੂੰ ਭਾਰਤ ਅਤੇ ਸੰਯੁਕਤ ਰਾਸ਼ਟਰ ਵਿਚਕਾਰ ਭਾਈਵਾਲੀ ਦਾ ਇੱਕ ਨਵਾਂ ਪਹਿਲੂ ਕਰਾਰ ਦਿੱਤਾ ਹੈ। ਮਿਸ਼ਨ ਨੇ ‘ਐਕਸ’ (X) ‘ਤੇ ਲਿਖਿਆ, “ਸਾਂਝੇਦਾਰੀ ਦਾ ਇੱਕ ਹੋਰ ਪਹਿਲੂ। ਭਾਰਤ ਨੇ ਜਨੇਵਾ ਵਿੱਚ ਸੰਯੁਕਤ ਰਾਸ਼ਟਰ ਨੂੰ ਪੰਜ ਨੌਜਵਾਨ ਮੋਰ ਤੋਹਫ਼ੇ ਵਜੋਂ ਦਿੱਤੇ ਹਨ। ਰਾਸ਼ਟਰੀ ਪੰਛੀ ਹੋਣ ਦੇ ਨਾਤੇ, ਮੋਰ ਹਰੇਕ ਭਾਰਤੀ ਦੇ ਦਿਲ ਵਿੱਚ ਇੱਕ ਵਿਸ਼ੇਸ਼ ਸਥਾਨ ਰੱਖਦਾ ਹੈ।”

ਜਨੇਵਾ ਵਿੱਚ ਸੰਯੁਕਤ ਰਾਸ਼ਟਰ ਨੇ ਵੀ ਭਾਰਤ ਦੇ ਇਸ ਤੋਹਫ਼ੇ ਦਾ ਸਵਾਗਤ ਕੀਤਾ ਹੈ। ਸੰਯੁਕਤ ਰਾਸ਼ਟਰ ਜਿਨੀਵਾ ਨੇ X ‘ਤੇ ਲਿਖਿਆ, ‘ਪਾਂਡਾ ਕੂਟਨੀਤੀ’ ਨੂੰ ਭੁੱਲ ਜਾਓ; ਜਨੇਵਾ ਸਥਿਤ ਸੰਯੁਕਤ ਰਾਸ਼ਟਰ ਵਿੱਚ ਪੰਜ ਮੋਰ ਪਹੁੰਚੇ ਹਨ। ਇਹ ਭਾਰਤ ਵੱਲੋਂ ਦਿੱਤਾ ਗਿਆ ਇੱਕ ਤੋਹਫ਼ਾ ਹੈ, ਜੋ ਸੰਯੁਕਤ ਰਾਸ਼ਟਰ ਦੀ ਸਥਾਪਨਾ ਤੋਂ ਵੀ ਪੁਰਾਣੀ ਇੱਕ ਪਰੰਪਰਾ ਨੂੰ ਅੱਗੇ ਵਧਾਉਂਦਾ ਹੈ। ਜਨੇਵਾ ਵਿੱਚ ਮੌਜੂਦ ਇਨ੍ਹਾਂ ਸਭ ਤੋਂ ਨਵੇਂ ਅਤੇ ਸ਼ਾਨਦਾਰ ‘ਕੂਟਨੀਤਕਾਂ’ ਨੂੰ ਮਿਲੋ।

Today, @IndiaUNGeneva gifted 5 peacocks 🦚 to @ungeneva: a nod to India’s national bird and to a tradition going back to the 19th century.

Grateful to India for the newest members of the flock!

Follow us on Instagram for regular 🦚🦚🦚🦚🦚 updates: https://t.co/PW8l3OAXvw pic.twitter.com/Uy7IypVXqj

— United Nations Geneva (@UNGeneva) August 7, 2026

ਇਹ ਧਿਆਨ ਦੇਣ ਯੋਗ ਹੈ ਕਿ ਚੀਨ ਆਪਣੀ “ਪਾਂਡਾ ਕੂਟਨੀਤੀ” ਲਈ ਜਾਣਿਆ ਜਾਂਦਾ ਹੈ। ਜਿੱਥੋਂ ਤੱਕ ਇਨ੍ਹਾਂ ਪੰਜ ਮੋਰਾਂ ਦੀ ਗੱਲ ਹੈ, ਇਸ ਸਮੂਹ ਵਿੱਚ ਚਾਰ ਨੀਲੇ ਮੋਰ ਅਤੇ ਇੱਕ ਦੁਰਲੱਭ ਚਿੱਟਾ ਨਰ ਮੋਰ ਸ਼ਾਮਲ ਹੈ। ਇਨ੍ਹਾਂ ਨੂੰ ਲਿਆਉਣ ਦਾ ਮੁੱਖ ਮਕਸਦ ਜਨੇਵਾ ਸਥਿਤ ਸੰਯੁਕਤ ਰਾਸ਼ਟਰ ਕੰਪਲੈਕਸ ਵਿੱਚ ਮੋਰਾਂ ਦੀ ਗਿਣਤੀ ਨੂੰ ਵਧਾਉਣਾ ਹੈ, ਜਿੱਥੇ ਇਨ੍ਹਾਂ ਪੰਛੀਆਂ ਦੀ ਗਿਣਤੀ ਘੱਟ ਕੇ ਸਿਰਫ਼ ਇੱਕ ਰਹਿ ਗਈ ਸੀ।

ਨਵੇਂ ਆਏ ਪੰਛੀਆਂ ਨੂੰ ਫਿਲਹਾਲ ਏਰੀਆਨਾ ਪਾਰਕ ਵਿੱਚ ਬਣੇ ਇੱਕ ਵੱਡੇ, ਅਸਥਾਈ ਪਿੰਜਰੇ (ਏਵੀਅਰੀ) ਵਿੱਚ ਰੱਖਿਆ ਗਿਆ ਹੈ। ਇੱਥੇ ਉਹ ਆਪਣੇ ਨਵੇਂ ਮਾਹੌਲ ਦੇ ਅਨੁਕੂਲ ਢਲਣਗੇ। ਲਗਭਗ ਤਿੰਨ ਮਹੀਨਿਆਂ ਬਾਅਦ, ਉਨ੍ਹਾਂ ਨੂੰ ਪਾਰਕ ਦੇ ਖੇਤਰ ਵਿੱਚ ਖੁੱਲ੍ਹ ਕੇ ਘੁੰਮਣ-ਫਿਰਨ ਦੀ ਇਜਾਜ਼ਤ ਦਿੱਤੀ ਜਾਵੇਗੀ। ਸੰਯੁਕਤ ਰਾਸ਼ਟਰ ਜਨੇਵਾ ਦੀ ਡਾਇਰੈਕਟਰ-ਜਨਰਲ ਤਾਤਿਆਨਾ ਵਾਲੋਵਾਇਆ ਨੇ ਕਿਹਾ, ਅਸੀਂ ਪੰਜ ਨਵੇਂ ਮੋਰਾਂ ਦਾ ਸੁਆਗਤ ਕਰਦਿਆਂ ਬਹੁਤ ਖੁਸ਼ ਹਾਂ। ਇਨ੍ਹਾਂ ਵਿੱਚ ਚਾਰ ਨੀਲੇ ਅਤੇ ਇੱਕ ਚਿੱਟਾ ਮੋਰ ਸ਼ਾਮਲ ਹੈ, ਜੋ ਸੰਯੁਕਤ ਰਾਸ਼ਟਰ ਦੇ ਰਵਾਇਤੀ ਨੀਲੇ ਅਤੇ ਚਿੱਟੇ ਰੰਗਾਂ ਨਾਲ ਵੀ ਮੇਲ ਖਾਂਦੇ ਹਨ। ਅਸੀਂ ਉਨ੍ਹਾਂ ਲਈ ਇੱਕ ਅਸਥਾਈ ਰਿਹਾਇਸ਼ ਤਿਆਰ ਕੀਤੀ ਹੈ; ਉਹ ਅਗਲੇ ਤਿੰਨ ਮਹੀਨਿਆਂ ਤੱਕ ਇੱਥੇ ਰਹਿਣਗੇ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਖੁੱਲ੍ਹ ਕੇ ਘੁੰਮਣ-ਫਿਰਨ ਅਤੇ ਏਰੀਆਨਾ ਪਾਰਕ ਦੀ ਮਹਿਮਾਨ-ਨਿਵਾਜ਼ੀ ਦਾ ਆਨੰਦ ਲੈਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ।

ਭਾਰਤ ਅਤੇ ਸੰਯੁਕਤ ਰਾਸ਼ਟਰ ਨਾਲ ਜੁੜੀ ਮੋਰਾਂ ਦੀ ਇਹ ਕਹਾਣੀ ਕੋਈ ਨਵੀਂ ਨਹੀਂ ਹੈ। 1981 ਵਿੱਚ, ਤਤਕਾਲੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਨੇ ਜਨੇਵਾ ਲਈ ਮੋਰਾਂ ਦਾ ਇੱਕ ਜੋੜਾ ਭੇਜਿਆ ਸੀ। ਸੰਯੁਕਤ ਰਾਸ਼ਟਰ ਵਿੱਚ ਭਾਰਤ ਦੇ ਰਾਜਦੂਤ ਅਤੇ ਸਥਾਈ ਪ੍ਰਤੀਨਿਧੀ, ਅਰਿੰਦਮ ਬਾਗਚੀ ਨੇ ਇਸ ਪਰੰਪਰਾ ਨੂੰ ਜਾਰੀ ਰੱਖਣ ‘ਤੇ ਖੁਸ਼ੀ ਪ੍ਰਗਟਾਈ। ਉਨ੍ਹਾਂ ਕਿਹਾ, ਭਾਰਤੀ ਮਿਸ਼ਨ ਲਈ ਇਹ ਸੱਚਮੁੱਚ ਮਾਣ ਵਾਲੀ ਗੱਲ ਹੈ ਕਿ ਅਸੀਂ ਜਨੇਵਾ ਵਿੱਚ ਸੰਯੁਕਤ ਰਾਸ਼ਟਰ (UN) ਨੂੰ ਪੰਜ ਮੋਰ ਤੋਹਫ਼ੇ ਵਜੋਂ ਭੇਟ ਕਰ ਰਹੇ ਹਾਂ। ਇੱਥੇ ਮੋਰ ਪਾਲਣ ਦੀ ਇੱਕ ਪਰੰਪਰਾ ਰਹੀ ਹੈ; ਅਸੀਂ 1981 ਵਿੱਚ ਵੀ ਮੋਰ ਤੋਹਫ਼ੇ ਵਜੋਂ ਦਿੱਤੇ ਸਨ ਅਤੇ ਸਾਨੂੰ ਇਸ ਪਰੰਪਰਾ ਨੂੰ ਅੱਗੇ ਵਧਾ ਕੇ ਖੁਸ਼ੀ ਹੋ ਰਹੀ ਹੈ।

🦚🇮🇳 A vibrant symbol of India’s commitment to multilateralism! 🦚🇮🇳

Adding to @UNGeneva‘s biodiversity, PR @abagchimea, on behalf of 🇮🇳, presented five Indian Peacocks 🦚 (Pavo cristatus), the National Bird of India, in UN colours to DG @UN_Valovaya.

The symbolic gift… pic.twitter.com/B7GG100kGp

— India at UN, Geneva (@IndiaUNGeneva) August 7, 2026