ਨਿਊਜ਼ ਡੈਸਕ: ਦੁਬਈ ਦੇ ਪਾਮ ਜੁਮੇਰਾ ਟਾਪੂ ‘ਤੇ ਸਥਿਤ ‘ਕਾਸਾ ਡੇਲ ਸੋਲ’ ਘਰ ਪਿਛਲੇ ਸਾਰੇ ਰਿਕਾਰਡ ਤੋੜਦੇ ਹੋਏ ਦੇਸ਼ ਦਾ ਸਭ ਤੋਂ ਮਹਿੰਗਾ ਵਿਕਣ ਵਾਲਾ ਘਰ ਬਣ ਗਿਆ ਹੈ। ਰਿਪੋਰਟਾਂ ਮੁਤਾਬਕ ਅਲਪਾਗੋ ਪ੍ਰਾਪਰਟੀਜ਼ ਵਲੋਂ ਬਣਾਇਆ ਗਿਆ ਇਹ ਆਲੀਸ਼ਾਨ ਘਰ ਜੁਲਾਈ ਵਿੱਚ 673.9 ਕਰੋੜ ਰੁਪਏ ਵਿੱਚ ਵੇਚਿਆ ਗਿਆ ਸੀ ਅਤੇ ਹਾਲੇ ਵੀ ਨਿਰਮਾਣ ਅਧੀਨ ਹੈ। ਹਾਲਾਂਕਿ ਇਸ ਆਲੀਸ਼ਾਨ ਘਰ ਦੇ ਖਰੀਦਦਾਰ ਦਾ ਨਾਮ ਹਾਲੇ ਸਾਹਮਣੇ ਨਹੀਂ ਆਇਆ ਹੈ।
ਕਾਸਾ ਡੇਲ ਸੋਲ ਨਾਮ ਦਾ ਇਹ ਆਲੀਸ਼ਾਨ ਘਰ ਪਾਮ ਜੁਮੇਰਾਹ ਦੇ ਸਾਹਮਣੇ, ਰੁੱਖ ਦੇ ਆਕਾਰ ਦੇ ਨਕਲੀ ਟਾਪੂ ‘ਤੇ ਬਣਾਇਆ ਗਿਆ ਹੈ। ਇਸ ਦਾ ਨਿਰਮਾਣ ਹਾਲੇ ਵੀ ਚੱਲ ਰਿਹਾ ਹੈ ਜੋ 2023 ਦੇ ਸ਼ੁਰੂ ਤੱਕ ਪੂਰਾ ਹੋ ਜਾਵੇਗਾ। ਘਰ ਵਿੱਚ ਅੱਠ ਬੈੱਡਰੂਮ ਅਤੇ 18 ਬਾਥਰੂਮ ਹਨ, ਨਾਲ ਹੀ ਇੱਕ ਜਿੰਮ, ਸਿਨੇਮਾ, ਬਾਲਿੰਗ ਏਲੀ, ਜਕੂਜ਼ੀ ਅਤੇ ਇੱਕ ਬੇਸਮੈਂਟ ਕਾਰ ਪਾਰਕਿੰਗ ਹੈ। ਪਾਰਕਿੰਗ ਵਿੱਚ 15 ਵਾਹਨ ਪਾਰਕ ਕੀਤੇ ਜਾ ਸਕਦੇ ਹਨ।
ਅਲਪਾਗੋ ਪ੍ਰਾਪਰਟੀਜ਼ ਦੇ ਸੰਸਥਾਪਕ ਅਤੇ ਪ੍ਰਧਾਨ ਮੂਰਤ ਅਯਲਦੀਜ ਨੇ ਕਿਹਾ, ‘ਅਸੀਂ ਪਾਮ ਜੁਮੇਰਾਹ ਵਿੱਚ ਕੁੱਲ 6 ਹਵੇਲੀਆਂ ਦਾ ਨਿਰਮਾਣ ਕੀਤਾ ਹੈ ਤੇ ਲਗਭਗ ਸਾਰੀਆਂ ਹੀ ਵੇਚੀਆਂ ਜਾ ਚੁੱਕੀਆਂ ਹਨ। ਸਭ ਤੋਂ ਸਸਤੀ ਹਵੇਲੀ ਲਗਭਗ 285 ਕਰੋੜ ਰੁਪਏ ਵਿੱਚ ਵਿਕੀ।
ਤੁਹਾਨੂੰ ਦੱਸ ਦਈਏ ਕਿ ਦੁਨੀਆ ਦੇ 10ਵੇਂ ਸਭ ਤੋਂ ਅਮੀਰ ਵਿਅਕਤੀ ਅਤੇ ਰਿਲਾਇੰਸ ਇੰਡਸਟਰੀਜ਼ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ ਨੇ ਵੀ ਹਾਲ ਹੀ ਵਿੱਚ ਦੁਬਈ ਵਿੱਚ ਇੱਕ ਆਲੀਸ਼ਾਨ ਘਰ ਖਰੀਦਿਆ ਹੈ। ਜਿਸ ਦੀ ਕੀਮਤ ਲਗਭਗ 640 ਕਰੋੜ ਰੁਪਏ ਹੈ। ਇਸ ਵਿੱਚ 10 ਬੈੱਡਰੂਮ, ਇੱਕ ਪ੍ਰਾਈਵੇਟ ਸਪਾ ਅਤੇ ਦੋ ਪੂਲ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
