ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਆਪਣੇ ‘ਦਿਲ-ਲੁਮੀਨਾਟੀ’ ਟੂਰ ‘ਤੇ ਹਨ ਅਤੇ ਕੰਸਰਟ ਕਰ ਰਹੇ ਹਨ। ਉਹਨਾਂ ਨੇ ਹਾਲ ਹੀ ਵਿੱਚ ਅਹਿਮਦਾਬਾਦ, ਗੁਜਰਾਤ ਵਿੱਚ ਪ੍ਰਦਰਸ਼ਨ ਕੀਤਾ। ਉਹਨਾਂ ਨੂੰ ਦੇਖਣ ਲਈ ਹਜ਼ਾਰਾਂ ਦੀ ਗਿਣਤੀ ‘ਚ ਲੋਕ ਇਕੱਠੇ ਹੋਏ। ਹੁਣ ਕੰਸਰਟ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਦਿਲਜੀਤ ਬਿਨਾਂ ਟਿਕਟ ਖਰੀਦੇ ਹੋਟਲ ਦੀ ਬਾਲਕੋਨੀ ਤੋਂ ਉਨ੍ਹਾਂ ਦਾ ਸ਼ੋਅ ਦੇਖ ਰਹੇ ਪ੍ਰਸ਼ੰਸਕਾਂ ਨੂੰ ਸਵਾਲ ਪੁੱਛ ਰਹੇ ਹਨ।
ਵਾਇਰਲ ਵੀਡੀਓ ‘ਚ ਦਿਲਜੀਤ ਸਟੇਜ ‘ਤੇ ਪਰਫਾਰਮ ਕਰ ਰਹੇ ਹਨ। ਇਸ ਤੋਂ ਬਾਅਦ ਉਹ ਸਾਹਮਣੇ ਹੋਟਲ ਵੱਲ ਹੈਰਾਨੀ ਨਾਲ ਦੇਖਦੇ ਹਨ। ਇਸ ਤੋਂ ਬਾਅਦ ਉਹ ਆਪਣੀ ਟੀਮ ਨੂੰ ਸੰਗੀਤ ਬੰਦ ਕਰਨ ਲਈ ਕਹਿੰਦੇ ਹਨ। ਸਾਹਮਣੇ ਵੱਲ ਇਸ਼ਾਰਾ ਕਰਕੇ ਕਹਿੰਦੇ, ‘ਜਿਹੜੇ ਹੋਟਲ ਦੀ ਬਾਲਕੋਨੀ ਵਿੱਚ ਬੈਠੇ ਹਨ। ਤੁਹਾਡਾ ਤਾਂ ਵਿਊ ਹੀ ਬਹੁਤ ਵਧੀਆ ਵਧੀਆ ਹੈ। ਇਹ ਹੋਟਲ ਵਾਲੇ ਲੋਕ ਤਾਂ ਗੇਮ ਹੀ ਖੇਡ ਗਏ।
ਇਸ ਤੋਂ ਬਾਅਦ ਕੈਮਰਾ ਹੋਟਲ ਦੇ ਕਮਰਿਆਂ ਵੱਲ ਵੀ ਘੁੰਮਦਾ ਹੈ, ਜਿੱਥੇ ਕਈ ਲੋਕ ਬਾਲਕੋਨੀ ‘ਚ ਬੈਠੇ ਦਿਲਜੀਤ ਦਾ ਕੰਸਰਟ ਸੁਣਦੇ ਨਜ਼ਰ ਆਉਂਦੇ ਹਨ। ਹਾਲਾਂਕਿ ਬਾਅਦ ਵਿੱਚ ਗਾਇਕ ਨੇ ਆਪਣਾ ਗੀਤ ਜਾਰੀ ਰੱਖਿਆ। ਅਤੇ ਬਾਲਕੋਨੀ ‘ਤੇ ਮੁਫਤ ਦੇਖਣ ਵਾਲੇ ਲੋਕਾਂ ਵੱਲ ਇਸ਼ਾਰਾ ਕੀਤਾ।
View this post on Instagram
ਹੁਣ ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਇਕ ਯੂਜ਼ਰ ਨੇ ਲਿਖਿਆ, ‘ਦਿਲਜੀਤ ਦੋਸਾਂਝ ਅਗਲੀ ਵਾਰ ਹੋਟਲ ਬੁੱਕ ਕਰਨਗੇ।’ ਇਕ ਨੇ ਕਿਹਾ, ‘ਹੋਟਲਾਂ ਵਿੱਚ ਫਿਰ ਟਿਕਟ ਦੀ ਕੀਮਤ ਤੋਂ ਵੱਧ ਕੀਮਤ ‘ਤੇ ਕਮਰੇ ਉਪਲਬਧ ਹੋਣਗੇ।’ ਇੱਕ ਨੇ ਕਿਹਾ, ‘ਦਿਲਜੀਤ ਦਾ ਬਹੁਤ ਵੱਡਾ ਨੁਕਸਾਨ ਹੋ ਗਿਆ।’ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਇਸੇ ਕੰਸਰਟ ‘ਚ ਦਿਲਜੀਤ ਨੇ ਦੇਸ਼ ਭਰ ‘ਚ ਸ਼ਰਾਬ ਖਿਲਾਫ ਮੁਹਿੰਮ ਸ਼ੁਰੂ ਕਰਨ ਲਈ ਕਿਹਾ ਸੀ। ਉਨ੍ਹਾਂ ਕਿਹਾ ਸੀ ਕਿ ਜੇਕਰ ਦੇਸ਼ ਭਰ ‘ਚ ਸ਼ਰਾਬ ਦੇ ਠੇਕੇ ਬੰਦ ਹੋ ਜਾਂਦੇ ਹਨ ਤਾਂ ਉਹ ਇਸ ‘ਤੇ ਆਧਾਰਿਤ ਗੀਤ ਗਾਉਣਾ ਬੰਦ ਕਰ ਦੇਣਗੇ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
