ਮੁੰਬਈ: ਕੰਗਨਾ ਰਣੌਤ ਨੇ ਹਾਲ ਹੀ ਵਿੱਚ ਕਿਸਾਨਾਂ ਦੇ ਅੰਦੋਲਨ ਨੂੰ ਲੈ ਕੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ ਸੀ। ਜੋ ਪੰਜਾਬ ਦੇ ਲੋਕਾਂ ਸਣੇ ਪੰਜਾਬੀ ਇੰਡਸਟਰੀ ਨੂੰ ਵੀ ਪਸੰਦ ਨਹੀਂ ਆਈ। ਪੰਜਾਬੀ ਇੰਡਸਟਰੀ ਦੇ ਕਈ ਸੈਲੇਬਸ ਨੇ ਉਨ੍ਹਾਂ ਨੂੰ ਕਰੜੇ ਹੱਥੀਂ ਲਿਆ। ਇਸ ਮਾਮਲੇ ‘ਤੇ ਪੰਜਾਬੀ ਸਿੰਗਰ ਅਤੇ ਅਦਾਕਾਰ ਦਿਲਜੀਤ ਦੁਸਾਂਝ ਨੇ ਵੀ ਕੰਗਨਾ ‘ਤੇ ਵਾਰ ਕਰਦੇ ਹੋਏ ਟਵੀਟ ਕੀਤਾ ਸੀ। ਹੁਣ ਕੰਗਨਾ ਨੇ ਦਿਲਜੀਤ ਦੇ ਟਵੀਟ ਦਾ ਜਵਾਬ ਦਿੰਦੇ ਹੋਏ ਉਸਨੂੰ ਕਰਨ ਜੌਹਰ ਦਾ ਪਾਲਤੂ ਬੋਲ ਦਿੱਤਾ।
ਦਿਲਜੀਤ ਦੋਸਾਂਝ ਨੇ ਕੰਗਨਾ ਰਣੌਤ ‘ਤੇ ਜ਼ਬਰਦਸਤ ਨਿਸ਼ਾਨਾ ਸਾਧਿਆ ਸੀ। ਉਨ੍ਹਾਂ ਨੇ ਬੀਬੀ ਮਹਿੰਦਰ ਕੌਰ ਦੀ ਵੀਡੀਓ ਸ਼ੇਅਰ ਕਰਦੇ ਹੋਏ ਟਵੀਟ ਕੀਤਾ ਸੀ ਅਤੇ ਕੰਗਨਾ ਨੂੰ ਟਾਰਗੇਟ ਕਰਦੇ ਹੋਏ ਲਿਖਿਆ ਸੀ, ‘ਕਿਸੇ ਨੂੰ ਇੰਨਾ ਅੰਨ੍ਹਾ ਵੀ ਨਹੀਂ ਹੋਣਾ ਚਾਹੀਦਾ ਕੁਝ ਵੀ ਬੋਲੀ ਤੁਰੀ ਜਾਂਦੀ ਹੈ।’
Respected MAHINDER KAUR JI 🙏🏾
Ah Sunn La Ni With Proof @KanganaTeam
Banda Ena V Ni Anna Hona Chaida..
Kush v Boli Turi jandi aa .. pic.twitter.com/Ie1jNGJ0J1
— DILJIT DOSANJH (@diljitdosanjh) December 2, 2020
ਹੁਣ ਕੰਗਨਾ ਨੇ ਇਸ ਦਾ ਰਿਪਲਾਈ ਕਰਦੇ ਹੋਏ ਲਿਖਿਆ, ਓ ਕਰਨ ਜੌਹਰ ਦੇ ਪਾਲਤੂ, ਜੋ ਦਾਦੀ ਸ਼ਾਹੀਨ ਬਾਗ਼ ਵਿੱਚ ਆਪਣੀ ਨਾਗਰਿਕਤਾ ਲਈ ਅੰਦੋਲਨ ਕਰ ਰਹੀ ਸੀ ਉਹੀ ਦਾਦੀ ਬਿਲਕਿਸ ਬਾਨੋ ਕਿਸਾਨ ਅੰਦੋਲਨ ‘ਚ ਵੀ ਨਜ਼ਰ ਆਈ। ਮਹਿੰਦਰ ਕੌਰ ਜੀ ਨੂੰ ਤਾਂ ਮੈਂ ਜਾਣਦੀ ਵੀ ਨਹੀਂ, ਕੀ ਡਰਾਮਾ ਲਗਾਇਆ ਤੁਸੀਂ ਲੋਕਾਂ ਨੇ ? ਇਹ ਸਭ ਹੁਣੇ ਬੰਦ ਕਰੋ।
Ooo Karan johar ke paltu, jo dadi Saheen Baag mein apni citizenship keliye protest kar rahi thi wohi Bilkis Bano dadi ji Farmers ke MSP ke liye bhi protest karti hue dikhi. Mahinder Kaur ji ko toh main janti bhi nahin. Kya drama chalaya hai tum logon ne? Stop this right now. https://t.co/RkXRVKfXV1
— Kangana Ranaut (@KanganaTeam) December 3, 2020
ਕੰਗਨਾ ਦੇ ਟਵੀਟ ਦਾ ਜਵਾਬ ਦਿੰਦੇ ਹੋਏ ਦਿਲਜੀਤ ਨੇ ਕਿਹਾ, ਤੂੰ ਜਿੰਨੇ ਲੋਕਾਂ ਨਾਲ ਫ਼ਿਲਮਾਂ ਕੀਤੀਆਂ ਤੂੰ ਉਨ੍ਹਾਂ ਸਭ ਦੀ ਪਾਲਤੂ ਐ, ਫਿਰ ਤਾਂ ਲਿਸਟ ਲੰਬੀ ਹੋ ਜਾਊ। ਇਹ ਬਾਲੀਵੁੱਡ ਵਾਲੇ ਨੀ ਪੰਜਾਬ ਵਾਲੇ ਆ ਹਿੱਕ ਤੇ ਵੱਜ ਸਾਡੇ। ਝੂਠ ਬੋਲ ਕੇ ਲੋਕਾਂ ਨੂੰ ਭੜਕਾਉਣਾ ਤੇ ਇਮੋਸ਼ਨ ਨਾਲ ਖੇਡਣਾ ਓ ਤਾਂ ਤੂੰ ਚੰਗੀ ਤਰ੍ਹਾਂ ਜਾਣਦੀ ਹੈ।
Tuneh Jitne Logon Ke Saath Film Ki Tu Un Sab Ki Paaltu Hai…?
Fer To List Lambi Ho Jaegi Maalko Ki..?
Eh Bollywood Wale Ni PUNJAB Wale aa .. Hikk Te Vajj Sadey
Jhooth bol kar logo ko badhkana aur emotions se khailna woh toh aap achey se janti ho..😊 https://t.co/QIzUDoStWs
— DILJIT DOSANJH (@diljitdosanjh) December 3, 2020
ਦਿਲਜੀਤ ਨੇ ਜੋ ਵੀਡੀਓ ਸ਼ੇਅਰ ਕੀਤੀ ਸੀ ਉਸ ਵਿਚ ਮਹਿੰਦਰ ਕੌਰ ਕਹਿ ਰਹੀ ਹਨ ਕਿ ਬੀਤੇ ਜ਼ਮਾਨੇ ਤੋਂ ਕਿਸਾਨੀ ਕਰ ਰਹੀ ਹਾਂ ਅਤੇ ਇਸ ਅੰਦੋਲਨ ਵਿੱਚ ਸ਼ਾਮਿਲ ਹੋਣ ਦਾ ਉਨ੍ਹਾਂ ਦਾ ਪੂਰਾ ਹੱਕ ਹੈ। ਉਨ੍ਹਾਂ ਨੇ ਕੰਗਨਾ ਨੂੰ ਕਿਹਾ ਉਹ ਇੱਥੇ ਆਵੇ ਮੇਰੇ ਨਾਲ ਲੱਗੇ ਖੇਤੀ ਦੇ ਔਜ਼ਾਰ ਫੜੇ ਪਤਾ ਚੱਲੇ ਕਿ ਕਿੰਨਾ ਮੁਸ਼ਕਿਲ ਹੈ ਕਿਸਾਨਾਂ ਦਾ ਕੰਮ। ਉਹ ਆਪ ਦਿਹਾੜੀ ‘ਤੇ ਜਾਵੇ ਅਸੀਂ ਉਸ ਨੂੰ ਸ਼ਾਮ ਨੂੰ ਹਜ਼ਾਰ ਰੁਪਏ ਦੇ ਕੇ ਤੋਰਾਂਗੇ।
