ਨਿਊਯਾਰਕ: Titanic ਜਹਾਜ਼ ਨੂੰ ਦਿਖਾਉਣ ਲਈ ਪੰਜ ਸੈਲਾਨੀਆਂ ਨੂੰ ਲੈ ਰਹੀ ਪਣਡੁੱਬੀ ਦਾ ਮਲਬਾ ਬਰਾਮਦ ਕਰ ਲਿਆ ਗਿਆ ਹੈ। ਇਸ ਦੇ ਨਾਲ ਹੀ ਉਸ ‘ਚ ਸਵਾਰ ਸਾਰੇ ਲੋਕਾਂ ਦੀ ਮੌਤ ਦੀ ਵੀ ਪੁਸ਼ਟੀ ਹੋ ਗਈ ਹੈ। ਟਾਈਟੈਨਿਕ ਪਣਡੁੱਬੀ ਦਾ ਸੰਚਾਲਨ ਕਰਨ ਵਾਲੀ ਕੰਪਨੀ ਓਸ਼ਨਗੇਟ ਨੇ ਕਿਹਾ ਹੈ ਕਿ ਅਸੀਂ ਬਦਕਿਸਮਤੀ ਨਾਲ ਕੰਪਨੀ ਦੇ ਸੰਸਥਾਪਕ ਅਤੇ ਸੀਈਓ ਸਟਾਕਟਨ ਰਸ਼ ਸਮੇਤ ਸਾਰੇ ਪੰਜ ਯਾਤਰੀਆਂ ਨੂੰ ਲੱਭ ਲਿਆ ਹੈ। ਪਾਕਿਸਤਾਨੀ ਅਰਬਪਤੀ ਪ੍ਰਿੰਸ ਦਾਊਦ ਆਪਣੇ ਪੁੱਤਰ ਸੁਲੇਮਾਨ ਦਾਊਦ ਨਾਲ ਇਸ ਪਣਡੁੱਬੀ ‘ਚ ਸਵਾਰ ਸਨ। ਇਸ ਦੌਰਾਨ ਅਮਰੀਕੀ ਜਲ ਸੈਨਾ ਨੇ ਦੱਸਿਆ ਹੈ ਕਿ ਉਨ੍ਹਾਂ ਨੂੰ ਕਈ ਦਿਨ ਪਹਿਲਾਂ ਪਣਡੁੱਬੀ ਵਿੱਚ ਧਮਾਕੇ ਦੀ ਸੂਚਨਾ ਮਿਲੀ ਸੀ, ਫਿਰ ਵੀ ਉਹ ਸਬੂਤਾਂ ਦੀ ਉਡੀਕ ਕਰ ਰਹੇ ਸਨ। ਇਸ ਪਣਡੁੱਬੀ ਨੂੰ ਬਚਾਉਣ ਦੀ ਮੁਹਿੰਮ ਐਤਵਾਰ ਤੋਂ ਹੀ ਚੱਲ ਰਹੀ ਸੀ।
ਯੂਐਸ ਕੋਸਟ ਗਾਰਡ ਨੇ ਮਲਬਾ ਬਰਾਮਦ ਹੋਣ ਦੀ ਦਿੱਤੀ ਖਬਰ
ਯੂਐਸ ਕੋਸਟ ਗਾਰਡ ਨੇ ਵੀਰਵਾਰ ਨੂੰ ਕਿਹਾ ਕਿ ਟਾਈਟੈਨਿਕ ਪਣਡੁੱਬੀ ‘ਚ ਸਵਾਰ ਸਾਰੇ ਪੰਜ ਲੋਕ ਮਾਰੇ ਗਏ ਹਨ। ਲਾਪਤਾ ਪਣਡੁੱਬੀ ਦਾ ਟੇਲ ਕੋਨ ਅਤੇ ਹੋਰ ਮਲਬਾ ਟਾਇਟੈਨਿਕ ਦੇ ਮਲਬੇ ਤੋਂ 1600 ਫੁੱਟ ਦੀ ਦੂਰੀ ਤੋਂ ਮਿਲਿਆ ਹੈ। ਇਹ ਥਾਂ ਉੱਤਰੀ ਅਟਲਾਂਟਿਕ ਮਹਾਸਾਗਰ ‘ਚ ਲਗਭਗ 13000 ਫੁੱਟ ਦੀ ਡੂੰਘਾਈ ਵਿੱਚ ਸਥਿਤ ਹੈ। ਯੂਐਸ ਕੋਸਟ ਗਾਰਡ ਦੇ ਪਹਿਲੇ ਕੋਸਟ ਗਾਰਡ ਜ਼ਿਲ੍ਹਾ ਕਮਾਂਡਰ, ਐਡਮਿਰਲ ਜੌਹਨ ਮਾਗਰ ਨੇ ਕਿਹਾ ਕਿ ਮਲਬਾ ਜਹਾਜ਼ ਦੇ ਵਿਨਾਸ਼ਕਾਰੀ ਧਮਾਕੇ ਨਾਲ ਮੇਲ ਖਾਂਦਾ ਸੀ। ਅਮਰੀਕੀ ਜਲ ਸੈਨਾ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਜਲ ਸੈਨਾ ਨੇ ਐਤਵਾਰ ਨੂੰ ਮਲਬੇ ਵਾਲੇ ਖੇਤਰ ‘ਚ ਧਮਾਕੇ ਦੀ ਆਵਾਜ਼ ਸੁਣੀ। ਇਹ ਉਹੀ ਥਾਂ ਸੀ ਜਿੱਥੇ ਪਣਡੁੱਬੀ ਗੋਤਾ ਲਗਾ ਰਹੀ ਸੀ।
ਪਣਡੁੱਬੀ ਆਪਰੇਟ ਕਰਨ ਵਾਲੀ ਕੰਪਨੀ ਨੇ ਕੀ ਕਿਹਾ
ਯੂਐਸ ਕੋਸਟ ਗਾਰਡ ਦੀ ਪ੍ਰੈਸ ਕਾਨਫਰੰਸ ਤੋਂ ਕੁਝ ਮਿੰਟ ਪਹਿਲਾਂ, ਡੂੰਘੇ ਸਮੁੰਦਰੀ ਪਣਡੁੱਬੀ ਨੂੰ ਚਲਾਉਣ ਵਾਲੀ ਕੰਪਨੀ ਓਸ਼ਨਗੇਟ ਐਕਸਪੀਡੀਸ਼ਨਜ਼ ਨੇ ਪਣਡੁੱਬੀ ਵਿੱਚ ਸਵਾਰ ਪੰਜ ਲੋਕਾਂ ਲਈ ਸ਼ੋਕ ਜਤਾਉਂਦਿਆਂ ਇੱਕ ਬਿਆਨ ਜਾਰੀ ਕੀਤਾ। ‘ਅਸੀਂ ਸਾਡੇ ਸੀਈਓ ਸਟਾਕਟਨ ਰਸ਼, ਪ੍ਰਿੰਸ ਦਾਊਦ ਅਤੇ ਉਹਨਾਂ ਦੇ ਪੁੱਤਰ ਸੁਲੇਮਾਨ ਦਾਊਦ, ਹਾਮਿਸ਼ ਹਾਰਡਿੰਗ ਅਤੇ ਪੌਲ-ਹੈਨਰੀ ਨਰਗਿਓਲੇਟ ਨੂੰ ਖੋਹ ਦਿੱਤਾ ਹੈ।’
— OceanGate Expeditions (@OceanGateExped) June 22, 2023
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
