ਕੋਰੋਨਾ ਵਾਇਰਸ : ਪੰਜਾਬ ਦੇ ਹਾਲਤ ਬਣੇ ਚਿੰਤਾਜਨਕ ! ਮਰੀਜ਼ਾਂ ਦੀ ਗਿਣਤੀ ਹੋਈ 151

ਚੰਡੀਗੜ੍ਹ : ਸੂਬੇ ਵਿਚ ਹਾਲਾਤ ਦਿਨ-ਬ-ਦਿਨ ਬਦਤਰ ਹੁੰਦੇ ਜਾ ਰਹੇ ਹਨ ਅਤੇ ਮਰੀਜ਼ਾਂ ਦੀ ਗਿਣਤੀ ਵਧਦੀ ਜਾ ਰਹੀ । ਇਹ ਵੱਡੀ ਚਿੰਤਾ ਦਾ ਵਿਸ਼ਾ ਹੈ ।ਇਸ ਨੂੰ ਦੇਖਦਿਆਂ ਅੱਜ ਸੂਬੇ ਵਿਚ ਕਰਫਿਊ ਦੀ ਮਿਆਦ ਵੀ ਵਧਾ ਦਿਤੀ ਗਈ ਹੈ। ਦੱਸ ਦੇਈਏ ਕਿ ਅੱਜ ਸੂਬੇ ਅੰਦਰ ਕੋਰੋਨਾ ਵਾਇਰਸ ਦੇ ਵੱਡੀ ਮਾਤਰਾ ਚ ਮਰੀਜ਼ ਸਾਹਮਣੇ ਆਏ ਹਨ । ਬੀਤੀ ਕੱਲ੍ਹ ਸੂਬੇ ਅੰਦਰ ਕੋਰੋਨਾ ਵਾਇਰਸ ਦੇ ਮਰੀਜ਼ਾਂ ਦੀ ਗਿਣਤੀ 130 ਸੀ ਜਿਹੜੀ ਕਿ ਵੱਧ ਕੇ 151 ਹੋ ਗਈ ਹੈ । ਅੱਜ ਇਸ ਦੇ ਮੁਹਾਲੀ, ਪਠਾਨਕੋਟ, ਸੰਗਰੂਰ ਅਤੇ ਜਲੰਧਰ ਵਿਚ ਮਾਮਲੇ ਸਾਹਮਣੇ ਆਏ ਹਨ । ਅੱਜ ਸਭ ਤੋਂ ਵਧੇਰੇ ਮਾਮਲੇ ਮੁਹਾਲੀ ਵਿਚ ਸਾਹਮਣੇ ਆਏ ਹਨ । ਇਥੇ ਇਕ ਦਿਨ ਵਿਚ 11 ਵਿਅਕਤੀਆਂ ਦੀ ਰਿਪੋਰਟ ਪਾਜ਼ਿਟਿਵ ਆਈ ਹੈ ਇਸੇ ਤਰ੍ਹਾਂ ਹੀ ਪਠਾਨਕੋਟ ਵਿਚ 8 ਸੰਗਰੂਰ ਵਿਚ ਇਕ, ਜਲੰਧਰ ਵਿਚ ਇਕ ਮਾਮਲਾ ਸਾਹਮਣੇ ਆਇਆ ਹੈ ।