ਪੰਜਾਬ ਚ ਕੋਰੋਨਾ ਦੇ ਮਾਮਲਿਆਂ ਚ ਵਾਧਾ ! ਜਾਣੋ ਕਿਥੋਂ ਕਿੰਨੇ ਨਵੇਂ ਮਾਮਲੇ ਆਏ ਸਾਹਮਣੇ

ਚੰਡੀਗੜ੍ਹ : ਪੰਜਾਬ ਵਿਚ ਅੱਜ ਫਿਰ ਕੋਰੋਨਾ ਵਾਇਰਸ ਦੇ 11 ਨਵੇਂ ਮਾਮਲੇ ਸਾਹਮਣੇ ਆਏ ਹਨ । ਇਸ ਦੇ ਮਰੀਜ਼ਾਂ ਦੀ ਗਿਣਤੀ ਲਗਾਤਾਰ ਵਧਦੀ ਜਾ ਰਹੀ ਹੈ । ਅੱਜ ਇਸ ਦੇ ਨਵੇਂ ਮਾਮਲੇ ਮੋਹਾਲੀ, ਲੁਧਿਆਣਾ, ਫ਼ਤਹਿਗੜ੍ਹ ਸਾਹਿਬ, ਕਪੂਰਥਲਾ, ਰੋਪੜ ਅਤੇ ਅੰਮ੍ਰਿਤਸਰ ਸਾਹਿਬ ਤੋਂ ਸਾਹਮਣੇ ਆਏ ਹਨ । ਸਿਹਤ ਅਤੇ ਪਰਿਵਾਰ ਵੈਲਫੇਅਰ ਵਲੋਂ ਜਾਰੀ ਮੀਡੀਆ ਬੁਲਿਟਨ ਮੁਤਾਬਿਕ ਅੱਜ ਮੁਹਾਲੀ ਤੋਂ 4 ਮਾਮਲੇ ਸਾਹਮਣੇ ਆਏ ਹਨ ਇਨ੍ਹਾਂ ਵਿੱਚੋ ਇਕ ਤਾਬਲਿਗੀ ਜਮਾਤ ਵਿਚ ਗਿਆ ਸੀ ਅਤੇ ਬਾਕੀ 3 ਕੋਰੋਨਾ ਪੌਜ਼ਟਿਵ ਮਰੀਜ਼ਾਂ ਦੇ ਸੰਪਰਕ ਵਿਚ ਆਏ ਹਨ । ਲੁਧਿਆਣਾ ਤੋਂ ਵੀ ਅੱਜ ਤਾਬਲਿਗੀ ਜਮਾਤ ਚ ਗਏ ਇਕ ਵਿਅਕਤੀ ਦੀ ਕੋਰੋਨਾ ਰਿਪੋਰਟ ਪੌਜ਼ਟਿਵ ਆਈ ਹੈ । ਇਸੇ ਤਰ੍ਹਾਂ ਫ਼ਤਹਿਗੜ੍ਹ ਸਾਹਿਬ, ਕਪੂਰਥਲਾ, ਰੋਪੜ ਅਤੇ ਅੰਮ੍ਰਿਤਸਰ ਸਾਹਿਬ ਤੋਂ ਕ੍ਰਮਵਾਰ 2 ,1 ,2 ,1 ਮਾਮਲੇ ਸਾਹਮਣੇ ਆਏ ਹਨ।