ਚੰਡੀਗੜ੍ਹ : ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਸਮੂਹ ਪੰਜਾਬ ਵਾਸੀਆਂ ਅਤੇ ਦੇਸ਼ ਵਾਸੀਆਂ ਨੂੰ ਰੰਗਾਂ ਦੇ ਤਿਉਹਾਰ ਹੋਲੀ ਦੀਆਂ ਲੱਖ-ਲੱਖ ਮੁਬਾਰਕਾਂ ਦਿੱਤੀਆਂ ਹਨ। ਉਨ੍ਹਾਂ ਕਿਹਾ ਕਿ ਪਰਮਾਤਮਾ ਅੱਗੇ ਅਰਦਾਸ ਹੈ ਕਿ ਇਹ ਤਿਉਹਾਰ ਤੁਹਾਡੇ ਜੀਵਨ ‘ਚ ਖੁਸ਼ੀਆਂ ਦੇ ਸਭ ਰੰਗ ਲੈ ਕੇ ਆਵੇ’’। ਉਨ੍ਹਾਂ ਕਿਹਾ ਕਿਹਾ ਰੰਗਾਂ ਦੇ ਇਸ ਤਿਉਹਾਰ ਨੂੰ ਸਭ ਰਲ-ਮਿਲ ਕੇ ਮਨਾਓ। ਤਿਉਹਾਰ ਨੂੰ ਸਾਨੂੰ ਪਿਆਰ-ਸਦਭਾਵਨਾ ਅਤੇ ਏਕਾ ਦਾ ਸੁਨੇਹਾ ਦਿੰਦੇ ਹਨ। ਤਿਉਹਾਰਾਂ ਨਾ ਸਾਡੇ ਜੀਵਨ ਅਤੇ ਸਮਾਜ ’ਚ ਏਕਾ ਮਜ਼ਬੂਤ ਹੁੰਦਾ ਹੈ।
ਦੂਜੇ ਪਾਸੇ ਪੁਲਿਸ ਨੇ ਹੋਲੀ ਦੌਰਾਨ ਗੁੰਡਿਆਂ ਨਾਲ ਨਜਿੱਠਣ ਲਈ ਵੀ ਸਖ਼ਤ ਪ੍ਰਬੰਧ ਕੀਤੇ ਹਨ। ਪੰਜਾਬ ਦੇ ਸਾਰੇ 28 ਪੁਲਿਸ ਜ਼ਿਲ੍ਹਿਆਂ ਵਿੱਚ 454 ਥਾਣਿਆਂ ਅਤੇ ਚੌਕੀਆਂ ਦੇ ਇੰਚਾਰਜ ਤਾਇਨਾਤ ਕੀਤੇ ਗਏ ਹਨ। ਵਾਧੂ ਸਟਾਫ਼ ਤਾਇਨਾਤ ਕੀਤਾ ਗਿਆ ਹੈ ਅਤੇ ਨਾਕੇ ਲਾਏ ਗਏ ਹਨ।
ਚੰਡੀਗੜ੍ਹ ਵਿੱਚ ਲਗਭਗ 1150 ਤੋਂ 1300 ਪੁਲਿਸ ਕਰਮਚਾਰੀ ਤਾਇਨਾਤ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚ 8 ਗਜ਼ਟਿਡ ਅਧਿਕਾਰੀ ਅਤੇ 33 ਐਸਐਚਓ/ਇੰਸਪੈਕਟਰ ਸ਼ਾਮਲ ਹਨ। ਸਵੇਰੇ 8 ਵਜੇ ਤੋਂ ਹੀ ਬਾਜ਼ਾਰਾਂ, ਮਾਲਾਂ, ਸੈਕਟਰਾਂ, ਕਲੋਨੀਆਂ, ਪਿੰਡਾਂ, ਕੁੜੀਆਂ ਦੇ ਹੋਸਟਲਾਂ ਅਤੇ ਪੀਜੀ ਦੇ ਆਲੇ-ਦੁਆਲੇ ਪੁਲਿਸ ਤਾਇਨਾਤ ਕੀਤੀ ਗਈ ਹੈ। ਸ਼ਹਿਰ ਦੀਆਂ ਅੰਦਰੂਨੀ ਸੜਕਾਂ, ਬਾਰਾਂ ਅਤੇ ਕਲੱਬਾਂ ਦੇ ਬਾਹਰ ਵਿਸ਼ੇਸ਼ ਚੌਕੀਆਂ, ਪੀਸੀਆਰ ਗਸ਼ਤ ਵਧਾਈ ਜਾਵੇਗੀ ਅਤੇ ਨਾਕੇ ਲਾਏ ਜਾਣਗੇ। ਹੁੜਦੰਗ, ਛੇੜਚਾੜ, ਤੇਜ ਰਫਤਾਰ, ਨਸ਼ੇ ਵਿਚ ਡਰਾਈਵਿੰਗ ਤੇ ਬਿਨਾਂ ਹੈਲਮੇਟ ਵਾਹਨ ਚਲਾਉਣ ਵਾਲਿਆਂ ਖਿਲਾਫ ਜ਼ੀਰੋ-ਟੌਲਰੈਂਸ ਨੀਤੀ ਹੋਵੇਗੀ। ਚਲਾਨਾਂ ਦੇ ਨਾਲ ਵਾਹਨ ਵੀ ਜ਼ਬਤ ਕੀਤੇ ਜਾ ਸਕਦੇ ਹਨ। ਹਾਲ ਹੀ ਵਿੱਚ ਬੰਬ ਦੀ ਧਮਕੀ ਤੋਂ ਬਾਅਦ ਵਾਧੂ ਚੌਕਸੀ ਬਣਾਈ ਰੱਖੀ ਜਾ ਰਹੀ ਹੈ।
ਜਨਤਕ ਸਹੂਲਤ ਲਈ ਪੰਜਾਬ ਵਿੱਚ 104 ਹੈਲਪਲਾਈਨ ਰਾਹੀਂ ਡਾਕਟਰੀ ਸਹਾਇਤਾ ਉਪਲਬਧ ਹੋਵੇਗੀ। ਚੰਡੀਗੜ੍ਹ ਵਿੱਚ ਪੋਸਟ ਗ੍ਰੈਜੂਏਟ ਇੰਸਟੀਚਿਊਟ ਆਫ਼ ਮੈਡੀਕਲ ਐਜੂਕੇਸ਼ਨ ਐਂਡ ਰਿਸਰਚ (ਪੀਜੀਆਈ) ਦਾ ਇੱਕ ਹੈਲਪਲਾਈਨ ਨੰਬਰ 0172-2756117 ਹੈ। ਐਮਰਜੈਂਸੀ ਅਤੇ ਆਈ ਯੂਨਿਟ ਨੂੰ ਪੂਰੀ ਤਰ੍ਹਾਂ ਤਿਆਰ ਰੱਖਿਆ ਗਿਆ ਹੈ। ਸਰਕਾਰੀ ਮੈਡੀਕਲ ਕਾਲਜ ਅਤੇ ਹਸਪਤਾਲ, ਸੈਕਟਰ 32 (GMCH-32) ਲਈ ਐਮਰਜੈਂਸੀ ਨੰਬਰ 0172-2601023 ਅਤੇ 0172-2601024 ਹਨ। 24 ਘੰਟੇ ਐਮਰਜੈਂਸੀ ਸੇਵਾਵਾਂ 1201 ਜਾਂ ਐਮਰਜੈਂਸੀ ਐਕਸਟੈਂਸ਼ਨ 1200 ਰਾਹੀਂ ਵੀ ਪ੍ਰਾਪਤ ਕੀਤੀਆਂ ਜਾ ਸਕਦੀਆਂ ਹਨ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ਅਤੇ ਇੰਸਟਾਗ੍ਰਾਮ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ
