ਨਿਊਜ਼ ਡੈਸਕ- ਸ਼ਹਿਦ ਅਤੇ ਲੌਂਗ ਦੋਵੇਂ ਬਹੁਤ ਸਾਰੇ ਗੁਣਾਂ ਨਾਲ ਭਰਪੂਰ ਭੋਜਨ ਹਨ, ਜੋ ਵੱਖ-ਵੱਖ ਰੂਪਾਂ ਵਿੱਚ ਵਰਤੇ ਜਾਂਦੇ ਹਨ। ਲੌਂਗ ਦੇ ਐਂਟੀਬਾਇਓਟਿਕ ਗੁਣ ਖਾਂਸੀ ਤੋਂ ਛੁਟਕਾਰਾ ਪਾਉਣ ਲਈ ਸਭ ਤੋਂ ਪ੍ਰਭਾਵਸ਼ਾਲੀ ਹੁੰਦੇ ਹਨ, ਜਦਕਿ ਸ਼ਹਿਦ ਵਿੱਚ ਐਂਟੀਆਕਸੀਡੈਂਟਸ ਦੀ ਚੰਗੀ ਮਾਤਰਾ ਹੁੰਦੀ ਹੈ। ਲੌਂਗ ਅਤੇ ਸ਼ਹਿਦ ਦੋਵੇਂ ਹੀ ਸਿਹਤ ਲਈ ਬਹੁਤ ਫਾਇਦੇਮੰਦ ਮੰਨੇ ਜਾਂਦੇ ਹਨ। ਇਨ੍ਹਾਂ ਦੋਵਾਂ ਦਾ ਇਕੱਠੇ ਸੇਵਨ ਕਰਨ ਨਾਲ ਇਨ੍ਹਾਂ ਦੇ ਫਾਇਦੇ ਹੋਰ ਵੀ ਵਧ ਜਾਂਦੇ ਹਨ। ਲੌਂਗ ਵਿੱਚ ਮੈਂਗਨੀਜ਼, ਵਿਟਾਮਿਨ ਕੇ, ਆਇਰਨ, ਪ੍ਰੋਟੀਨ ਅਤੇ ਫਾਈਬਰ ਵੀ ਪਾਏ ਜਾਂਦੇ ਹਨ। ਸ਼ਹਿਦ ਦੀ ਗੱਲ ਕਰੀਏ ਤਾਂ ਇਹ ਮੋਟਾਪਾ ਘੱਟ ਕਰਨ ਲਈ ਵੀ ਜਾਣਿਆ ਜਾਂਦਾ ਹੈ। ਇਸ ਵਿੱਚ ਮੈਗਨੀਸ਼ੀਅਮ, ਆਇਰਨ, ਫਾਸਫੋਰਸ, ਪ੍ਰੋਟੀਨ ਅਤੇ ਸੋਡੀਅਮ ਵਰਗੇ ਕਈ ਗੁਣ ਵੀ ਹੁੰਦੇ ਹਨ।
ਖਾਂਸੀ ਅਤੇ ਜ਼ੁਕਾਮ ਤੋਂ ਛੁਟਕਾਰਾ- ਇਹ ਦੋਵੇਂ ਖੰਘ ਅਤੇ ਜ਼ੁਕਾਮ ਤੋਂ ਰਾਹਤ ਦੇਣ ਲਈ ਜਾਣੇ ਜਾਂਦੇ ਹਨ। ਤੁਸੀਂ 2-3 ਲੌਂਗ ਦੀਆਂ ਕਲੀਆਂ ਅਤੇ ਅੱਧਾ ਚਮਚ ਸ਼ਹਿਦ ਗਰਮ ਪਾਣੀ ‘ਚ ਮਿਲਾ ਕੇ ਚਾਹ ਦੀ ਤਰ੍ਹਾਂ ਪੀ ਸਕਦੇ ਹੋ।
ਮੋਟਾਪਾ ਘਟਾਉਂਦਾ ਹੈ- ਜੇਕਰ ਤੁਸੀਂ ਰੋਜ਼ਾਨਾ ਇੱਕ ਚਮਚ ਲੌਂਗ ਦੇ ਪਾਊਡਰ ਵਿੱਚ ਇੱਕ ਚਮਚ ਸ਼ਹਿਦ ਮਿਲਾ ਕੇ ਖਾਂਦੇ ਹੋ ਤਾਂ ਇਸ ਨਾਲ ਤੁਹਾਡਾ ਭਾਰ ਘੱਟ ਹੋ ਸਕਦਾ ਹੈ। ਇਨ੍ਹਾਂ ਦੀ ਚਾਹ ਵੀ ਬਣਾ ਕੇ0 ਪੀਤੀ ਜਾ ਸਕਦੀ ਹੈ।
ਮੂੰਹ ਦੇ ਛਾਲਿਆਂ ਤੋਂ ਛੁਟਕਾਰਾ ਦਿਵਾਉਂਦਾ ਹੈ- ਲੌਂਗ ਵਿੱਚ ਮੌਜੂਦ ਐਂਟੀ-ਇੰਫਲੇਮੇਟਰੀ ਅਤੇ ਐਂਟੀਸੈਪਟਿਕ ਗੁਣ ਮੂੰਹ ਦੇ ਛਾਲਿਆਂ ਤੋਂ ਰਾਹਤ ਦਿਵਾਉਂਦੇ ਹਨ। ਤੁਸੀਂ ਸ਼ਹਿਦ ਅਤੇ ਲੌਂਗ ਦੇ ਪਾਊਡਰ ਨੂੰ ਮਿਲਾ ਕੇ ਛਾਲੇ ‘ਤੇ ਲਗਾ ਸਕਦੇ ਹੋ।
- Advertisement -
ਗਲੇ ਦੀ ਖਰਾਸ਼ ‘ਚ ਅਸਰਦਾਰ- ਜੇਕਰ ਗਲੇ ‘ਚ ਦਰਦ ਹੋਵੇ ਅਤੇ ਸੋਜ ਸ਼ੁਰੂ ਹੋ ਜਾਵੇ ਤਾਂ ਸ਼ਹਿਦ ਅਤੇ ਲੌਂਗ ਦਾ ਸੇਵਨ ਕਰਨ ਨਾਲ ਫਾਇਦਾ ਹੁੰਦਾ ਹੈ। ਇਹ ਸੋਜ ਨੂੰ ਘੱਟ ਕਰਦੇ ਹਨ ਅਤੇ ਦਰਦ ਤੋਂ ਰਾਹਤ ਦਿੰਦੇ ਹਨ।
ਚਮੜੀ ਲਈ ਵੀ ਫਾਇਦੇਮੰਦ- ਲੌਂਗ ਚਿਹਰੇ ‘ਤੇ ਵਧ ਰਹੇ ਬੈਕਟੀਰੀਆ ਨੂੰ ਦੂਰ ਕਰਦੀ ਹੈ ਅਤੇ ਸ਼ਹਿਦ ਚਿਹਰੇ ‘ਤੇ ਚਮਕ ਦਿੰਦਾ ਹੈ। ਤੁਸੀਂ ਲੌਂਗ ਦੇ ਪਾਊਡਰ ਨੂੰ ਸ਼ਹਿਦ ਵਿੱਚ ਮਿਲਾ ਕੇ ਸਿੱਧੇ ਮੂੰਹ ‘ਤੇ ਲਗਾ ਸਕਦੇ ਹੋ। ਕੁਝ ਮਿੰਟਾਂ ਬਾਅਦ ਠੰਡੇ ਪਾਣੀ ਨਾਲ ਚਿਹਰਾ ਧੋਣਾ ਨਾ ਭੁੱਲੋ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
