ਜਾਣੋ ਇੱਕ ਅਜਿਹੀ ਗੁਫ਼ਾ ਜੋ ਦੱਸਦੀ ਹੈ ਦੁਨੀਆਂ ਦਾ ਅੰਤ ,ਪੜੋ ਪੂਰੀ ਖ਼ਬਰ

ਨਿਊਜ਼ ਡੈਸਕ : ਦੁਨੀਆਂ ਵਿੱਚ ਜੋ ਪੈਦਾ ਹੁੰਦਾ ਹੈ ਉਸ ਦਾ ਅੰਤ ਇੱਕ ਨਾ ਇੱਕ ਹੋਣਾ ਹੀ ਹੁੰਦਾ ਹੈ। ਇਹ ਇੱਕ ਅਟੱਲ ਸਚਾਈ ਹੈ। ਚਾਹੇ ਉਹ ਮਨੁੱਖ ਹੈ ਜਾਂ ਫਿਰ ਕੋਈ ਜੀਵ ਜੰਤੂ ਹੋਵੇ। ਇਨਸਾਨ ਇਹ ਗੱਲ ਸੋਚਦਾ ਹੈ ਕਿ ਜੇਕਰ ਹਰ ਪੈਦਾ ਹੋਈ ਚੀਜ਼ ਦਾ ਖ਼ਾਤਮਾ ਹੋਣਾ ਹੀ ਹੈ ਤਾਂ ਫਿਰ ਜਿਸ ਧਰਤੀ ਤੇ ਅਸੀਂ ਜੀਅ ਰਹੇ ਹਾਂ ਉਹ ਵੀ ਇੱਕ ਦਿਨ ਖ਼ਤਮ ਹੋ ਜਾਵੇਗੀ।
ਧਰਮ ਤੋਂ ਲੈ ਕੇ ਵਿਗਿਆਨ ਤੱਕ ਸਭ ਇਸ ਸਵਾਲ ਨੂੰ ਮੁਖਾਤਿਬ ਹੋਇਆ ਹੈ। ਜਿੱਥੇ ਵਿਗਿਆਨ ਇਸ ਸਵਾਲ ਦਾ ਜਵਾਬ ਪਦਾਰਥ ਦੇ ਵਜੋਂ ਦਿੰਦਾ ਹੈ ਤਾਂ ਧਰਮ ਵੀ ਇਸਦੀ ਵੱਖ ਵੱਖ ਵਿਆਖਿਆ ਕਰਦੇ ਹਨ। ਪਰਲੋ ਜਾਂ ਕਿਆਮਤ ਦਾ ਦਿਨ ਇਸੇ ਗੱਲ ਦੀ ਸ਼ਾਹਦੀ ਭਰਦੇ ਹਨ ਕਿ ਇਕ ਦਿਨ ਦੁਨੀਆਂ ਖਤਮ ਹੋ ਜਾਵੇਗੀ। ਪਰ ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਵਿਚ ਇਕ ਅਜਿਹੀ ਗੁਫ਼ਾ ਵੀ ਹੋ ਜੋ ਇਸ ਰਹੱਸ ਬਾਰੇ ਦੱਸਦੀ ਹੈ। ਇਹ ਗੁਫਾ ਭਾਰਤ ਦੇ ਸੂਬੇ ਉਤਰਾਖੰਡ ਵਿਚ ਸਥਿਤ ਹੈ। ਇਸ ਗੁਫ਼ਾ ਬਾਰੇ ਮਾਨਤਾ ਹੈ ਕਿ ਇਸ ਵਿਚ ਦੁਨੀਆਂ ਦੇ ਅੰਤ ਦਾ ਰਹੱਸ ਛੁਪਿਆ ਹੋਇਆ ਹੈ। ਇਸ ਗੁਫ਼ਾ ਦਾ ਨਾਮ ਪਾਤਾਲ ਭੁਵਨੇਸ਼ਵਰ ਗੁਫਾ ਹੈ।
ਗੁਫਾ ਦਾ ਇਤਿਹਾਸ -:
ਗੁਫਾ ਬਾਰੇ ਮਾਨਤਾ ਹੈ ਕਿ ਇਸ ਗੁਫਾ ਵਿਚ ਪਾਂਡਵਾਂ ਨੇ ਭਗਵਾਨ ਸ਼ੱਕਰ ਦੀ ਪੂਜਾ ਕੀਤੀ ਸੀ। ਇਸ ਗੁਫਾ ਵਿਚ ਇਕ ਸ਼ਿਵਲਿੰਗ ਮੌਜੂਦ ਹੈ ਜਿਸ ਬਾਰੇ ਕਿਹਾ ਜਾਂਦਾ ਹੈ ਕਿ ਆਦਿ ਗੁਰੂ ਸ਼ੰਕਰਾਚਾਰੀਆ ਨੇ ਇਸ ਗੁਫਾ ਵਿਚ ਇਹ ਸ਼ਿਵਲਿੰਗ ਸਥਾਪਿਤ ਕੀਤਾ ਸੀ। ਕੁਝ ਇਕ ਇਤਿਹਾਸਕਾਰਾਂ ਦਾ ਮੰਨਣਾ ਹੈ ਕਿ ਇਸ ਗੁਫਾ ਦੀ ਖੋਜ ਸੂਰਜ ਵੰਸ਼ ਦੇ ਰਾਜਾ ਰਿਤੂਪਰਨਾ ਨੇ ਕੀਤੀ ਸੀ।
ਗੁਫਾ ਵਿਚ ਮੌਜੂਦ ਸ਼ਿਵਲਿੰਗ-:
ਇਸ ਗੁਫਾ ਵਿਚ ਇਕ ਸ਼ਿਵਲਿੰਗ ਮੌਜੂਦ ਹੈ। ਅਜਿਹੀ ਮਾਨਤਾ ਹੈ ਕਿ ਇਹ ਸ਼ਿਵਲਿੰਗ ਭਗਵਾਨ ਸ਼ੰਕਰ ਦਾ ਹੀ ਸਥਾਪਿਤ ਕੀਤਾ ਗਿਆ ਹੈ ਅਤੇ ਲੋਕਾਂ ਦਾ ਮੰਨਣਾ ਹੈ ਕਿ ਇਹ ਸ਼ਿਵਲਿੰਗ ਲਗਾਤਾਰ ਵਧਦਾ ਹੀ ਜਾ ਰਿਹਾ ਹੈ। ਇਸੇ ਕਾਰਨ ਹੀ ਇਸ ਗੁਫਾ ਨੂੰ ਸੰਸਾਰ ਦੇ ਖਾਤਮੇ ਬਾਰੇ ਦੱਸਣ ਵਾਲੀ ਗੁਫਾ ਮੰਨਿਆ ਜਾਂਦਾ ਹੈ, ਕਿਉਂਕਿ ਲੋਕ ਰਾਇ ਹੈ ਕਿ ਜਿਸ ਦਿਨ ਇਸ ਸ਼ਿਵਲਿੰਗ ਦਾ ਸਿਰਾ ਗੁਫਾ ਦੀ ਛੱਤ ਨੂੰ ਛੂਹ ਲਵੇਗਾ, ਉਸ ਦਿਨ ਇਸ ਦੁਨੀਆਂ ਦਾ ਨਾਸ਼ ਹੋ ਜਾਵੇਗਾ।
ਰਹੱਸਮਈ ਗੁਫਾ ਦਾ ਰਾਸਤਾ -:
ਜਿਸ ਰਹੱਸਮਈ ਗੁਫਾ ਬਾਰੇ ਗੱਲ ਕਰ ਰਹੇ ਹਾਂ ਇਹ ਉਤਰਾਖੰਡ ਸੂਬੇ ਦੇ ਪਿਥੌਰਾਗੜ੍ਹ ਜਿਲ੍ਹੇ ਵਿਚ ਸਥਿਤ ਹੈ। ਇਸ ਜਿਲ੍ਹੇ ਦੇ ਗੰਗੋਲੀਹਾਟ ਤੋਂ ਲਗਭਗ 14 ਕਿਲੋਮੀਟਰ ਦੀ ਦੂਰੀ ਉੱਤੇ ਇਹ ਗੁਫਾ ਮੌਜੂਦ ਹੈ ਜਿਸ ਵਿਚ ਕਈ ਤਰ੍ਹਾਂ ਦੇ ਵੰਨ ਸੁਵੰਨੇ ਚਿੱਤਰ ਬਣੇ ਹੋਏ ਹਨ। ਜਿਨ੍ਹਾਂ ਨੂੰ ਦੇਖਣ ਲਈ ਹੁਣ ਸੈਲਾਨੀਆਂ ਦਾ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਇਸ ਗੁਫਾ ਬਾਰੇ ਦੱਸਿਆ ਜਾ ਰਿਹਾ ਹੈ ਕਿ ਇਸਦਾ ਜ਼ਿਕਰ ਕਈ ਪੁਰਾਤਕ ਧਾਰਮਿਕ ਗ੍ਰੰਥਾਂ ਵਿਚ ਵੀ ਹੋਇਆ ਮਿਲਦਾ ਹੈ। ਇਸ ਗੁਫਾ ਦੀ ਸਥਿਤੀ ਬਾਰੇ ਗੱਲ ਕਰੀਏ ਤਾਂ ਇਹ ਸਮੁੰਦਰ ਤਲ ਤੋਂ ਤਕਰੀਬਨ 90 ਫੁੱਟ ਨੀਵੀਂ ਹੈ।

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.