ਨਵੀਂ ਦਿੱਲੀ: ਤਹਿਰਾਨ ਤੋਂ ਚੀਨ ਜਾ ਰਹੀ ਮਹਾਨ ਏਅਰ ਦੇ ਜਹਾਜ਼ ਵਿੱਚ ਬੰਬ ਹੋਣ ਦੀ ਖ਼ਬਰ ਮਿਲਣ ਤੋਂ ਬਾਅਦ ਹੜਕੰਪ ਮਚ ਗਿਆ। ਅਸਲ ‘ਚ ਪੁਲਿਸ ਨੂੰ ਇੱਕ ਫੋਨ ਰਾਹੀਂ ਸੂਚਨਾ ਮਿਲੀ ਸੀ ਕਿ ਫਲਾਈਟ ਵਿੱਚ ਬੰਬ ਹੈ। ਫੋਨ ਆਉਣ ਤੋਂ ਬਾਅਦ ਫਲਾਈਟ ਨੂੰ ਤੁਰੰਤ ਲੈਂਡ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਜਾਣਕਾਰੀ ਮੁਤਾਬਕ ਇਹ ਫੌਨ ਸਵੇਰੇ 9.20 ਵਜੇ ਆਇਆ। ਫਲਾਈਟ ਨੰਬਰ W-581 ਤਹਿਰਾਨ ਤੋਂ ਚੀਨ ਦੇ ਗੁਵਾਂਗਝੂ ਜਾ ਰਹੀ ਸੀ। ਸਵੇਰੇ 9:30 ਵਜੇ ਜਹਾਜ਼ ਦੇ ਪਾਇਲਟ ਨੇ ਦਿੱਲੀ ਏਟੀਸੀ ਨਾਲ ਸੰਪਰਕ ਕੀਤਾ ਅਤੇ ਲੈਂਡਿੰਗ ਦੀ ਇਜਾਜ਼ਤ ਮੰਗੀ। ਸੂਤਰਾਂ ਮੁਤਾਬਕ ਜਹਾਜ਼ ਨੂੰ ਲੈਂਡ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ।
ਉੱਥੇ ਹੀ ਜੈਪੁਰ ਏਅਰਪੋਰਟ ਏਟੀਸੀ ਨੂੰ ਵੀ ਇਸ ਸਬੰਧੀ ਸਾਵਧਾਨੀ ਨਾਲ ਸੂਚਿਤ ਕਰ ਦਿੱਤਾ ਗਿਆ ਸੀ। ਇਸ ਦੇ ਨਾਲ ਹੀ ਹੁਣ ਜਹਾਜ਼ ਨੂੰ ਚੀਨ ‘ਚ ਲੈਂਡ ਕੀਤਾ ਜਾਵੇਗਾ। ਜਹਾਜ਼ ਅਗਲੇ 2 ਘੰਟਿਆਂ ‘ਚ ਚੀਨ ਦੇ ਹਵਾਈ ਅੱਡੇ ‘ਤੇ ਉਤਰੇਗਾ।
ਤੁਹਾਨੂੰ ਦੱਸ ਦਈਏ ਕਿ ਸ਼ਨੀਵਾਰ ਰਾਤ ਮੁੰਬਈ ਏਅਰਪੋਰਟ ‘ਤੇ ਇੰਡੀਗੋ ਦੀ ਫਲਾਈਟ ਨੰਬਰ 6E-6045 ‘ਚ ਬੰਬ ਰੱਖੇ ਜਾਣ ਦੀ ਈ-ਮੇਲ ਮਿਲਣ ਤੋਂ ਬਾਅਦ ਸੁਰੱਖਿਆ ਏਜੰਸੀਆਂ ਚੌਕਸ ਹੋ ਗਈਆਂ। ਇਹ ਫਲਾਈਟ ਰਾਤ ਨੂੰ ਮੁੰਬਈ ਤੋਂ ਅਹਿਮਦਾਬਾਦ ਜਾਣ ਵਾਲੀ ਸੀ। ਜਾਂਚ ਦੌਰਾਨ ਫਲਾਈਟ ‘ਚ ਕੁਝ ਵੀ ਨਹੀਂ ਮਿਲਿਆ, ਜਿਸ ਤੋਂ ਬਾਅਦ ਰਾਤ ਨੂੰ ਫਲਾਈਟ ਲੇਟ ਹੋ ਗਈ। ਹੁਣ ਮੁੰਬਈ ਪੁਲਿਸ ਇਸ ਗੱਲ ਦੀ ਜਾਂਚ ਕਰ ਰਹੀ ਹੈ ਕਿ ਇਹ ਈ-ਮੇਲ ਕਿਸ ਨੇ ਅਤੇ ਕਿਉਂ ਭੇਜੀ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
