ਜਦੋਂ ਆਸਮਾਨ ਤੋਂ ਘਰ ਦੀ ਪਾਰਕ ‘ਚ ਆ ਡਿੱਗੀ ਲਾਸ਼, ਧੁੱਪ ਸੇਕ ਰਿਹੇ ਪਰਿਵਾਰ ਦੇ ਉਡੇ ਹੋਸ਼

ਲੰਦਨ ਦੇ ਉੱਤੋਂ ਲੰਘ ਰਹੇ ਕੀਨੀਆ ਏਅਰਵੇਜ਼ ਦੇ ਜਹਾਜ਼ ਤੋਂ ਇੱਕ ਵਿਅਕਤੀ ਦੇ ਡਿੱਗਣ ਕਾਰਨ ਮੌਤ ਹੋ ਗਈ। ਪਲੇਨ 3500 ਫੁੱਟ ਉੱਚੀ ਉੱਡ ਰਿਹਾ ਸੀ, ਉਦੋਂ ਵਿਅਕਤੀ ਜਹਾਜ਼ ਤੋਂ ਇੱਕ ਘਰ ਦੇ ਬਗੀਚੇ ਵਿੱਚ ਜਾ ਡਿਗਿਆ। ਇਸ ਘਟਨਾ ਨੂੰ ਵੇਖ ਕੇ ਬਗੀਚੇ ‘ਚ ਮੌਜੂਦ ਲੋਕ ਬਹੁਤ ਜ਼ਿਆਦਾ ਡਰ ਗਏ ਉਸਦੇ ਡਿੱਗਣ ਕਾਰਨ ਧਰਤੀ ‘ਚ ਤਰੇੜ ਵੀ ਆ ਗਈ ਸੀ ਤੇ ਆਸ ਪਾਸ ਖੂਨ ਵੀ ਬਿਖਰ ਗਿਆ। ਇਹ ਵਿਅਕਤੀ ਪਰਵਾਸੀ ਮੰਨਿਆ ਜਾ ਰਿਹਾ ਹੈ, ਜੋ ਕੀਨੀਆ ਏਅਰਵੇਜ਼ ਦੇ ਲੈਂਡਿਗ ਗਿਅਰ ਵਿੱਚ ਲੁਕ ਕੇ ਜਾ ਰਿਹਾ ਸੀ। ਅਕਸਰ ਪ੍ਰਵਾਸੀ ਕਿਸੇ ਦੇਸ਼ ਪੁੱਜਣ ਲਈ ਇੰਝ ਹੀ ਜਹਾਜ਼ ‘ਚ ਲੁਕ ਕੇ ਜਾਂਦੇ ਹਨ।

ਇਹ ਘਟਨਾ ਐਤਵਾਰ ਦੀ ਹੈ ਜਦੋਂ ਕੀਨੀਆ ਏਅਰਵੇਜ਼ ਦਾ 787 ਜਹਾਜ਼ ਹੀਥਰੋ ਏਅਰਪੋਰਟ ‘ਤੇ ਲੈਂਡਿੰਗ ਕਰਨ ਲਈ ਪਹੀਏ ਹੇਠਾਂ ਲਿਆ ਰਿਹਾ ਸੀ, ਉਸੇ ਦੌਰਾਨ ਇਹ ਵਿਅਕਤੀ ਜਹਾਜ਼ ਤੋਂ ਹੇਠਾਂ ਡਿੱਗ ਗਿਆ। ਪੁਲਿਸ ਨੇ ਦੱਸਿਆ ਕਿ ਲੈਂਡਿੰਗ ਤੋਂ ਬਾਅਦ ਜਹਾਜ਼ ਦੇ ਗਿਅਰ ਕੰਪਾਰਟਮੇਂਟ ਤੋਂ ਇੱਕ ਬੈਗ ਤੇ ਕੁੱਝ ਖਾਣ-ਪੀਣ ਦੀਆਂ ਚੀਜਾਂ ਬਰਾਮਦ ਹੋਈਆਂ ਹਨ।

ਮਕਾਨ ਮਾਲਿਕ ਦੇ ਭਰਾ ਨੇ ਦੱਸਿਆ ਕਿ ਕਿਸੇ ਵਿਅਕਤੀ ਨੇ ਜਹਾਜ਼ ਤੋਂ ਕੁੱਝ ਡਿੱਗਦੇ ਹੋਏ ਵੇਖਿਆ ਸੀ। ਨੈਰੋਬੀ ਤੋਂ ਉਡ਼ਾਣ ਭਰਨ ਵਾਲੀ ਕੀਨੀਆ ਏਅਰਵੇਜ਼ ਦੀ ਫਲਾਇਟ ਐਤਵਾਰ ਦੁਪਹਿਰ ਲਗਭਗ 3: 30 ਵਜੇ ਸਾਡੇ ਘਰ ਦੇ ਉੱਪਰੋਂ ਲੰਘੀ, ਉਸੀ ਦੌਰਾਨ ਹੀਥਰੋ ਏਅਰਪੋਰਟ ‘ਤੇ ਲੈਂਡਿੰਗ ਲਈ 3500 ਫੀਟ ਦੀ ਉਚਾਈ ਤੋਂ 200mph ਦੀ ਰਫਤਾਰ ਨਾਲ ਮੁੜਣਾ ਸ਼ੁਰੂ ਹੋਈ। ਪਰ ਇੰਨੀ ਉਚਾਈ ਦੀ ਵਜ੍ਹਾ ਵਲੋਂ ਉਹ ਇਹ ਨਹੀਂ ਵੇਖ ਸਕਿਆ ਕਿ ਕੋਈ ਵਿਅਕਤੀ ਹੇਠਾਂ ਡਿੱਗ ਰਿਹਾ ਹੈ।