ਅਲੀ ਜ਼ਫਰ ‘ਤੇ ਲੱਗੇ ਸਾਰੇ ਦੋਸ਼ਾਂ ਹੋਏ ਖਾਰਿਜ, ਮੀਸ਼ਾ ਸ਼ਫੀ ਨੂੰ ਹੋਈ ਸਜ਼ਾ

ਨਿਊਜ਼ ਡੈਸਕ : – ਪਾਕਿਸਤਾਨੀ ਗਾਇਕ ਅਲੀ ਜ਼ਫਰ ‘ਤੇ ਗਾਇਕਾ ਤੇ ਅਦਾਕਾਰਾ ਮੀਸ਼ਾ ਸ਼ਫੀ ਨੇ ਜਿਨਸੀ ਸ਼ੋਸ਼ਣ ਦਾ ਦੋਸ਼ ਲਾਇਆ ਸੀ। ਅਦਾਕਾਰਾ ਦੀ ਤਰਫੋਂ ਦੋਸ਼ਾਂ ਦੀ ਅਦਾਲਤ ‘ਚ ਸੁਣਵਾਈ ਵੀ ਹੋਈ, ਜਿਸ ਤੋਂ ਬਾਅਦ ਅਦਾਲਤ ਨੇ ਸਾਰੇ ਦੋਸ਼ਾਂ ਨੂੰ ਰੱਦ ਕਰ ਦਿੱਤਾ। ਗਾਇਕ ਅਲੀ ਜ਼ਫਰ ਨੇ ਫਿਰ ਮੀਸ਼ਾ ਸ਼ਫੀ ਤੋਂ ਮੁਆਵਜ਼ੇ ਦੀ ਅਦਾਇਗੀ ਦੀ ਮੰਗ ਕੀਤੀ ਤੇ ਉਸ ‘ਤੇ ਮਾਣਹਾਨੀ ਲਈ ਮੁਕੱਦਮਾ ਕੀਤਾ। ਹੁਣ ਇਸ ਮਾਮਲੇ ‘ਚ ਮੀਸ਼ਾ ਸ਼ਫੀ ਨੂੰ ਤਿੰਨ ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ।

 ਅਲੀ ਜ਼ਫਰ ਨੇ ਸਾਰੇ ਦੋਸ਼ਾਂ ਨੂੰ ਖਾਰਿਜ ਹੋਣ ਤੋਂ ਬਾਅਦ ਹੀ ਮੀਸ਼ਾ ‘ਤੇ ਮਾਣਹਾਨੀ ਦਾ ਕੇਸ ਠੋਕ ਦਿੱਤਾ। ਜਿਸ ‘ਤੇ ਮੀਸ਼ਾ ਸ਼ਫੀ ਨੂੰ ਸਜ਼ਾ ਸੁਣਾਈ ਗਈ ਹੈ। ਇਸ ਸਬੰਧੀ  ਮੀਸ਼ਾ ਦੀ ਪ੍ਰਤੀਕ੍ਰਿਆ ਵੀ ਆ ਗਈ ਹੈ। ਉਸਨੇ ਸਿਸਟਮ ਤੇ ਧੋਖੇ ਦਾ ਦੋਸ਼ ਲਾਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮੀਸ਼ਾ ਦੇ ਵਕੀਲ ਇਸ ਫੈਸਲੇ ਨੂੰ ਚੁਣੌਤੀ ਦੇਣ ਦੀ ਯੋਜਨਾ ਬਣਾ ਰਹੇ ਹਨ।

 ਜਦੋਂ ਮੀਸ਼ਾ ਸ਼ਫੀ ਦੇ ਲਾਏ ਸਾਰੇ ਦੋਸ਼ਾਂ ਨੂੰ ਖਾਰਜ ਕਰ ਦਿੱਤਾ ਸੀ। ਫਿਰ ਉਸਨੇ ਸੰਦੇਸ਼ ਰਾਹੀਂ ਅਲੀ ਤੋਂ ਮੁਆਫੀ ਮੰਗੀ। ਅਲੀ ਨੇ ਕਿਹਾ ਸੀ, ‘ਮੀਸ਼ਾ ਨੇ ਇਕ ਸੰਦੇਸ਼ ਰਾਹੀਂ ਨਿੱਜੀ ਤੌਰ’ ਤੇ ਉਸ ਤੋਂ ਮੁਆਫੀ ਮੰਗੀ ਹੈ। ਪਰ ਮੈਂ ਉਸ ਨੂੰ ਉਦੋਂ ਤਕ ਮੁਆਫ਼ ਨਹੀਂ ਕਰ ਸਕਦਾ ਜਦੋਂ ਤਕ ਉਹ ਜਨਤਕ ਤੌਰ ‘ਤੇ ਮੁਆਫੀ ਨਹੀਂ ਮੰਗਦੀ।’

 ਦੱਸ ਦਈਏ ਕਿ ਮੀਟੂ ਮੁਹਿੰਮ ਦੌਰਾਨ ਮੀਸ਼ਾ ਸ਼ਫੀ ਨੇ ਅਲੀ ਜ਼ਫਰ ‘ਤੇ ਦੋਸ਼ ਲਗਾਇਆ ਕਿ ਉਸਨੇ ਆਵਦੇ  ਘਰ ਰਿਕਾਰਡਿੰਗ ਸਟੂਡੀਓ ਅਲੀ ਉਸ ਨਾਲ ਜਿਨਸੀ ਸ਼ੋਸ਼ਣ ਕੀਤਾ। ਉਸ ਨੇ ਕਿਹਾ ਸੀ, ‘ਉਹ ਅਲੀ ਜ਼ਫਰ ਦੇ ਸਹੁਰੇ ਘਰ ਇਕ ਸਮਾਗਮ ਦੌਰਾਨ ਆਪਣੇ ਪਤੀ ਨੂੰ ਮਿਲਣ ਗਈ ਸੀ। ਜਿਥੇ ਅਲੀ ਨੇ ਉਸ ਨੂੰ ਘਰ ਦੇ ਇਕ ਕਮਰੇ ਅਲੀ ਲਿਜਾ ਕੇ ਉਸ ਨਾਲ ਜਿਨਸੀ ਸ਼ੋਸ਼ਣ ਕੀਤਾ ਸੀ।