ਨਿਊਜ਼ ਡੈਸਕ : ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾ ਨੂੰ ਅੱਜ ਵੀ ਲੋਕ ਪਸੰਦ ਕਰਦੇ ਹਨ। ਸਲਮਾਨ ਖਾ ਅੱਜ ਤੱਕ ਕਈ ਫ਼ਿਲਮਾਂ ਕਰ ਚੁਕੇ ਹਨ। ਜਿਨ੍ਹਾਂ ਨੂੰ ਪ੍ਰਸ਼ੰਸਕ ਅੱਜ ਵੀ ਦੇਖਦੇ ਹਨ। ਇਸ ਦੌਰਾਨ ਉਨ੍ਹਾਂ ਕੋਲੋਂ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲਣ ਬਾਰੇ ਸਵਾਲ ਪੁੱਛੇ ਗਏ।
ਅਭਿਨੇਤਾ ਸਲਮਾਨ ਖਾਨ ਆਪਣੇ ਘਰ ਇੱਕ ਬੁਲੇਟਪਰੂਫ ਨਿਸਾਨ ਪੈਟਰੋਲ (Nissan Patrol) ਲਗਜ਼ਰੀ SUV ਲੈ ਕੇ ਆਏ ਹਨ। ਹਿੰਦੀ ਫਿਲਮ ਅਭਿਨੇਤਾ ਨੂੰ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਮੁੰਬਈ ਵਿੱਚ ਨੀਤਾ ਮੁਕੇਸ਼ ਅੰਬਾਨੀ ਕਲਚਰਲ ਸੈਂਟਰ (Nita Mukesh Ambani Cultural Centre) ਦੇ ਸ਼ਾਨਦਾਰ ਉਦਘਾਟਨ ਵਿੱਚ ਨਵੀਂ ਗੱਡੀ ਵਿੱਚ ਦੇਖਿਆ ਗਿਆ ਸੀ, ਜਿੱਥੇ ਉਹ ਆਪਣੀ ਨਿੱਜੀ ਸੁਰੱਖਿਆ ਅਤੇ ਇੱਕ ਪੁਲਿਸ ਸੁਰੱਖਿਆ ਦੇ ਨਾਲ ਬੁਲੇਟਪਰੂਫ ਪੈਟਰੋਲ ਐਸਯੂਵੀ ਵਿੱਚ ਪਹੁੰਚੇ ਸਨ। ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲਣ ਤੋਂ ਬਾਅਦ ਖਾਨ ਨੇ ਪਿਛਲੇ ਸਾਲ ਬੁਲੇਟਪਰੂਫ ਕਾਰਾਂ ਨੂੰ ਅਪਗ੍ਰੇਡ ਕੀਤਾ ਸੀ।
ਨਵੀਂ ਨਿਸਾਨ ਪੈਟਰੋਲ (Nissan Patrol) ਬੁਲੇਟਪਰੂਫ ਨੇ ਟੋਇਟਾ ਲੈਂਡ ਕਰੂਜ਼ਰ (Toyota Land cruiser) LC200 ਦੀ ਥਾਂ ਲਈ ਹੈ ਜੋ ਪਹਿਲਾਂ ਸਲਮਾਨ ਖਾਨ ਵੱਲੋਂ ਵਰਤੀ ਜਾਂਦੀ ਸੀ। ਨਿਸਾਨ ਭਾਰਤ ਵਿੱਚ ਅਧਿਕਾਰਤ ਤੌਰ ‘ਤੇ ਪੈਟਰੋਲ ਦੀ ਵਿਕਰੀ ਨਹੀਂ ਕਰਦਾ ਹੈ, ਇਹ ਇੱਕ ਨਿੱਜੀ ਆਯਾਤ ਜਾਪਦਾ ਹੈ। ਨਿਸਾਨ ਪੈਟਰੋਲ ਮੱਧ ਪੂਰਬ (Middle East) ਅਤੇ ਦੱਖਣ ਪੂਰਬੀ ਏਸ਼ੀਆ ਵਿੱਚ ਕਾਫ਼ੀ ਮਸ਼ਹੂਰ ਹੈ ਅਤੇ ਖਾਸ ਤੌਰ ‘ਤੇ ਬੁਲੇਟਪਰੂਫਿੰਗ ਦੀ ਗੱਲ ਕਰਨ ‘ਤੇ ਸਭ ਤੋਂ ਵਧੀਆ ਵਿਕਲਪਾਂ ਵਿੱਚੋਂ ਇੱਕ ਵਜੋਂ ਜਾਣੀ ਜਾਂਦੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
