ਜਲੰਧਰ: ਪੰਜਾਬ ਵਿੱਚ ਆਪ ਦੇ 6 ਰਾਜ ਸਭਾ ਮੈਂਬਰਾਂ ਵੱਲੋਂ ਪਾਰਟੀ ਛੱਡਣ ਤੋਂ ਬਾਅਦ ਪਾਰਟੀ ਅੰਦਰ ਹਲਚਲ ਦੇ ਮਾਹੌਲ ਵਿਚਾਲੇ ਪੰਜਾਬ ਇੰਚਾਰਜ ਮਨੀਸ਼ ਸਿਸੋਦੀਆ ਨੇ ਜਲੰਧਰ ਵਿੱਚ ਇਕ ਵੱਡੀ ਮੀਟਿੰਗ ਬੁਲਾਈ ਹੈ। ਇਹ ਮੀਟਿੰਗ ਮੁੱਖ ਤੌਰ ’ਤੇ ਲਗਭਗ 1000 ਬਲਾਕ ਆਬਜ਼ਰਵਰਾਂ ਨਾਲ ਦੱਸੀ ਜਾ ਰਹੀ ਹੈ, ਪਰ ਖ਼ਬਰਾਂ ਮੁਤਾਬਕ ਇਸ ਵਿੱਚ ਕਈ ਵਿਧਾਇਕ ਵੀ ਸ਼ਾਮਲ ਹੋ ਰਹੇ ਹਨ।
ਸ਼ੁਰੂ ਵਿੱਚ ਮੀਟਿੰਗ ਲਈ ਜਗ੍ਹਾ ਸੀਐਮ ਨਿਵਾਸ ਤੈਅ ਕੀਤੀ ਗਈ ਸੀ, ਪਰ ਬਾਅਦ ਵਿੱਚ ਇਸ ਨੂੰ ਬਦਲ ਕੇ ਸ਼ਾਹਪੁਰ ਸਿਟੀ ਕੈਂਪਸ ਕਰ ਦਿੱਤਾ ਗਿਆ, ਜੋ ਸ਼ਹਿਰ ਤੋਂ ਬਾਹਰ ਸਥਿਤ ਹੈ।
ਜਾਣਕਾਰੀ ਮੁਤਾਬਕ, ਦੁਪਹਿਰ 12 ਵਜੇ ਸ਼ੁਰੂ ਹੋਣ ਵਾਲੀ ਇਸ ਮੀਟਿੰਗ ਵਿੱਚ ਨਰੇਸ਼ ਕਟਾਰੀਆ, ਜੀਵਨਜੋਤ ਕੌਰ ਅਤੇ ਇੰਦਰਜੀਤ ਨਿੱਜਰ ਸਮੇਤ ਲਗਭਗ 25 ਵਿਧਾਇਕ ਪਹੁੰਚ ਚੁੱਕੇ ਹਨ। ਇਸ ਦੇ ਨਾਲ ਹੀ ਆਬਜ਼ਰਵਰ ਵੀ ਮੀਟਿੰਗ ਵਿੱਚ ਸ਼ਾਮਲ ਹੋ ਰਹੇ ਹਨ। ਕੈਂਪਸ ਦੇ ਗਰਾਊਂਡ ਵਿੱਚ ਸਾਰੇ ਹਾਜ਼ਰੀਨਾਂ ਨਾਲ ਗਰੁੱਪ ਫੋਟੋ ਕਰਨ ਦੀ ਵੀ ਯੋਜਨਾ ਬਣਾਈ ਗਈ ਹੈ।
ਮੀਟਿੰਗ ਦੇ ਦਰਵਾਜ਼ੇ ’ਤੇ ਇਸਨੂੰ ਸਿਰਫ਼ ਬਲਾਕ ਆਬਜ਼ਰਵਰਾਂ ਦੀ ਬੈਠਕ ਦੱਸਿਆ ਗਿਆ ਹੈ। ਇਸ ਤੋਂ ਪਹਿਲਾਂ ਮਨੀਸ਼ ਸਿਸੋਦੀਆ ਨੇ ਸੋਸ਼ਲ ਮੀਡੀਆ ’ਤੇ ਕਿਹਾ ਸੀ ਕਿ ਇਹ ਸਿਰਫ਼ ਆਬਜ਼ਰਵਰਾਂ ਦੀ ਮੀਟਿੰਗ ਹੈ ਅਤੇ ਇਸਨੂੰ ਵਿਧਾਇਕਾਂ ਦੀ ਐਮਰਜੈਂਸੀ ਮੀਟਿੰਗ ਵਜੋਂ ਨਾ ਦੇਖਿਆ ਜਾਵੇ।
पंजाब में कल पार्टी के 1000 ब्लॉक ऑब्ज़र्वर्स की बैठक बुलाई गई है। कुछ मीडिया चैनल इसे गलत तरीके से ‘विधायकों की आपात बैठक’ बताकर खबर चला रहे हैं।
यह एक नियमित संगठनात्मक बैठक है, जो पार्टी की routine संगठनात्मक प्रक्रिया का हिस्सा है, जिसमें हर ब्लॉक के संगठन की स्थिति, ज़मीनी…
— Manish Sisodia (@msisodia) April 28, 2026
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ਅਤੇ ਇੰਸਟਾਗ੍ਰਾਮ ‘ਤੇ ਵੀ Follow ਕਰਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
