ਬਰੈਂਪਟਨ ‘ਚ ਇੱਕ ਪੰਜਾਬੀ  ਨੇ ਆਪਣੀ ਪਤਨੀ ਦਾ ਬੇਰਹਿਮੀ ਨਾਲ ਕੀਤਾ ਕਤਲ

ਬਰੈਂਪਟਨ: ਕੈਨੇਡਾ ਦੇ ਬਰੈਂਪਟਨ ਸ਼ਹਿਰ ਵਿੱਚ ਇੱਕ ਪੰਜਾਬੀ  ਨੇ ਆਪਣੀ ਪਤਨੀ ਦਾ ਕਤਲ ਕਰ ਦਿਤਾ ਹੈ।  ਮਿਲੀ ਜਾਣਕਾਰੀ ਅਨੁਸਾਰ  ਦਵਿੰਦਰ ਕੌਰ ਆਪਣੇ ਪਤੀ ਨਵਨਿਸ਼ਾਨ ਸਿੰਘ ਤੋਂ ਤਲਾਕ ਲੈਣਾ ਚਾਹੁੰਦੀ ਸੀ । ਨਵਨਿਸ਼ਾਨ ਸਿੰਘ ਨੇ ਧੋਖੇ ਨਾਲ ਦਵਿੰਦਰ ਕੌਰ ਨੂੰ ਪਾਰਕ ‘ਚ ਬੁਲਾਇਆ ਸੀ ।  ਜਿਸਤੋਂ ਬਾਅਦ ਇਕ ਤਕਰਾਰ ਤੋਂ ਬਾਅਦ ਨਵਨਿਸ਼ਾਨ ਨੇ ਆਪਣੀ ਪਤਨੀ ‘ਤੇ ਚਾਕੂ ਨਾਲ ਹਮਲਾ ਕਰ ਦਿਤਾ। ਫਿਲਹਾਲ ਉਕਤ ਮੁਲਜ਼ਮ ਨੂੰ ਬਰੈਂਪਟਨ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਿਸ ਨੇ ਨਵ ਨਿਸ਼ਾਨ ‘ਤੇ ਫਸਟ ਡਿਗਰੀ ਹੱਤਿਆ ਦਾ ਦੋਸ਼ ਲਗਾਇਆ ਹੈ।

ਇਹ ਘਟਨਾ ਬੀਤੇ ਸ਼ੁੱਕਰਵਾਰ ਸ਼ਾਮ 6 ਵਜੇ ਦੇ ਬਾਅਦ ਦੀ ਹੈ। ਜਦੋਂ ਪੁਲਿਸ ਨੂੰ  ਚੈਰੀ ਟ੍ਰੀ ਡਰਾਈਵ ਤੇ ਸਪੈਰੋ ਕੋਰਟ ਖੇਤਰ ‘ਚ ਸਪੈਰੋ ਪਾਰਕ ‘ਚ ਬੁਲਾਇਆ ਗਿਆ। ਪੁਲਿਸ ਨੂੰ ਫੁੱਟਪਾਥ ‘ਤੇ ਦਵਿੰਦਰ ਕੌਰ ਜ਼ਖਮੀ ਹਾਲਤ ‘ਚ ਮਿਲੀ। ਬੁਰੀ ਤਰ੍ਹਾਂ ਨਾਲ ਉਸ ‘ਤੇ ਚਾਕੂਆਂ ਨਾਲ ਵਾਰ ਕੀਤੇ ਗਏ ਸਨ। ਪੁਲਿਸ ਤੇ ਪੈਰਾਮੈਡੀਕਸ ਨੇ ਉੁਸ ਨੂੰ ਬਚਾਉਣ ਲਈ ਕੋਸ਼ਿਸ਼ ਸ਼ੁਰੂ ਕੀਤੀ ਪਰ ਮਹਿਲਾ ਦੀ ਫੁੱਟਪਾਥ ‘ਤੇ ਹੀ ਕੁਝ ਸਮੇਂ ਵਿਚ ਮੌਤ ਹੋ ਗਈ।

ਮਾਮਲੇ ਦੀ ਜਾਂਚ ਦੌਰਾਨ ਸਾਹਮਣੇ ਆਇਆ ਹੈ ਕਿ ਨਵ ਨਿਸ਼ਾਨ ਸਿੰਘ ਅਤੇ ਦਵਿੰਦਰ ਕੌਰ ਵਿਚਕਾਰ ਲੰਮੇ ਸਮੇਂ ਤੋਂ ਪਰਿਵਾਰਕ ਝਗੜਾ ਚੱਲ ਰਿਹਾ ਸੀ। ਦੋਵੇਂ ਇਕ-ਦੂਜੇ ਤੋਂ 6 ਮਹੀਨਿਆਂ ਤੋਂ ਵੱਖ ਰਹਿ ਰਹੇ ਸਨ ।

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.