ਸ੍ਰੀ ਮੁਕਤਸਰ ਸਾਹਿਬ: ਭਾਜਪਾ ਦੇ ਰਾਸ਼ਟਰੀ ਪ੍ਰਧਾਨ ਬਣਨ ਤੋਂ ਬਾਅਦ ਪਹਿਲੀ ਵਾਰ ਜੇ.ਪੀ. ਨੱਡਾ ਪਿੰਡ ਬਾਦਲ ਪੁੱਜੇ। ਇੱਥੇ ਉਨ੍ਹਾਂ ਨੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨਾਲ ਉਨ੍ਹਾਂ ਦੀ ਰਿਹਾਇਸ਼ ‘ਤੇ ਮੁਲਾਕਾਤ ਕੀਤੀ। ਪਿੰਡ ਬਾਦਲ ਵਿਖੇ ਪਹੁੰਚਣ ’ਤੇ ਜਗਤ ਪ੍ਰਕਾਸ਼ ਨੱਡਾ ਰਾਸ਼ਟਰੀ ਪ੍ਰਧਾਨ ਦਾ ਜ਼ੋਰਦਾਰ ਸਵਾਗਤ ਕੀਤਾ ਗਿਆ। ਬਠਿੰਡਾ ਤੋਂ ਜੇਪੀ ਨੱਡਾ ਸੜਕ ਤੋਂ ਹੁੰਦੇ ਹੋਏ ਪਿੰਡ ਬਾਦਲ ਪੁੱਜੇ ਇਸ ਦੌਰਾਨ ਉਨ੍ਹਾਂ ਦਾ ਕਈ ਥਾਵਾਂ ‘ਤੇ ਹਾਰ ਪਾ ਕੇ ਸਵਾਗਤ ਕੀਤਾ ਗਿਆ।
ਭਾਜਪਾ ਪ੍ਰਧਾਨ ਲਗਭਗ ਪੌਣੇ ਇੱਕ ਵਜੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਰਿਹਾਇਸ਼ ‘ਤੇ ਪੁੱਜੇ ਤੇ ਲਗਭਗ ਦੋ ਵਜੇ ਤੱਕ ਬਾਦਲ ਨਿਵਾਸ ‘ਤੇ ਰੁਕੇ।
Mr. @JPNadda , National President BJP along with other senior leaders of the party reached Badal village today to invite SAD’s chief patron S. Parkash Singh Badal to his son’s wedding. S. Badal while welcoming the guests, congratulated Mr. J.P Nadda on the occasion. pic.twitter.com/wARqDr8kdY
— Shiromani Akali Dal (@Akali_Dal_) February 20, 2020
ਸੂਤਰਾਂ ਦੇ ਅਨੁਸਾਰ ਜੇਪੀ ਨੱਡਾ ਨੇ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਆਪਣੇ ਪੁੱਤਰ ਦੇ ਵਿਆਹ ਦਾ ਸੱਦਾ ਪੱਤਰ ਦਿੱਤਾ ਅਤੇ ਉਨ੍ਹਾਂ ਨੇ ਵੀ ਸੱਦਾ ਸਵੀਕਾਰ ਕਰਦੇ ਹੋਏ ਵਿਆਹ ਸਮਾਗਮ ਵਿੱਚ ਆਉਣ ਦੀ ਗੱਲ ਕਹੀ। ਬਾਦਲ ਰਿਹਾਇਸ਼ ਵਿੱਚ ਸਿਰਫ ਗਿਣੇ-ਚੁਣੇ ਆਗੂ ਹੀ ਅੰਦਰ ਜਾ ਸਕੇ, ਜਿਨ੍ਹਾਂ ਦੇ ਨਾਮ ਦੀ ਸੂਚੀ ਪਹਿਲਾਂ ਤੋਂ ਹੀ ਤਿਆਰ ਕੀਤੀ ਗਈ ਸੀ। ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਅਤੇ ਸਾਬਕਾ ਉਪ ਮੁੱਖਮੰਤਰੀ ਸੁਖਬੀਰ ਸਿੰਘ ਬਾਦਲ ਦੇ ਵਿਦੇਸ਼ ਦੌਰੇ ਦੇ ਚਲਦੇ ਬਾਦਲ ਨਿਵਾਸ ‘ਤੇ ਭਾਜਪਾ ਪ੍ਰਧਾਨ ਦੇ ਸਵਾਗਤ ਲਈ ਸਿਰਫ ਪ੍ਰਕਾਸ਼ ਸਿੰਘ ਬਾਦਲ ਹੀ ਮੌਜੂਦ ਸਨ।
Paid courtesy visit to Honourable Shri Parkash Singh Badal Sahab, one of India’s most respected statesmen today. Meeting with Badal Sahab always inspire us. pic.twitter.com/xIbr74FM6s
— Jagat Prakash Nadda (@JPNadda) February 20, 2020
ਸੂਤਰਾਂ ਮੁਤਾਬਕ ਬਾਦਲ ਨੇ ਭਾਜਪਾ ਪ੍ਰਧਾਨ ਦੇ ਪੁੱਜਦੇ ਹੀ ਉਨ੍ਹਾਂ ਨੂੰ ਕਿੰਨੂਆਂ ਦਾ ਤਾਜ਼ਾ ਰਸ ਪਿਲਾਇਆ। ਇਸ ਤੋਂ ਬਾਅਦ ਬਾਦਲ ਨੇ ਭਾਜਪਾ ਪ੍ਰਧਾਨ ਨੂੰ ਸਰ੍ਹੋਂ ਦਾ ਸਾਗ, ਬਾਜਰੇ ਦੀ ਰੋਟੀ, ਚੂਰੀ ਤੋਂ ਇਲਾਵਾ ਮਲਾਈ ਤੋਰੀ ਵੀ ਖਵਾਈ। ਇਹੀ ਨਹੀਂ ਜਾਂਦੇ – ਜਾਂਦੇ ਉਨ੍ਹਾਂ ਨੂੰ ਆਪਣੇ ਬਾਗ ਦੇ ਕਿੰਨੂ ਵੀ ਉਪਹਾਰ ‘ਚ ਭੇਂਟ ਕੀਤੇ।
