ਦੁਨੀਆਂ ਦੇ ਕਈ ਦੇਸ਼ਾਂ ‘ਚ ਭੀਖ ਮੰਗਣਾ ਅਪਰਾਧ ਮੰਨਿਆ ਜਾਂਦਾ ਹੈ, ਪਰ ਇਸ ਦੇ ਬਾਵਜੂਦ ਦੁਨੀਆਂਭਰ ‘ਚ ਭਿਖਾਰੀ ਵੱਡੀ ਤਾਦਾਦ ‘ਚ ਮੌਜੂਦ ਹਨ। ਅਜਿਹੀ ਹੀ ਇੱਕ ਮਹਿਲਾ ਭਿਖਾਰੀ ਦੀ ਇੱਕ ਖ਼ਬਰ ਇੰਨੀ ਦਿਨੀਂ ਸੁਰਖੀਆਂ ‘ਚ ਬਣੀ ਹੋਈ ਹੈ।ਜਾਣਕਾਰੀ ਮੁਤਾਬਿਕ ਇਸ ਮਹਿਲਾ ਭਿਖਾਰੀ ਦੇ ਬੈਂਕ ਖਾਤੇ ‘ਚ ਇੰਨੇ ਪੈਸੇ ਹਨ ਕਿ ਜਿਸ ਨੂੰ ਦੇਖ ਕੇ ਬੈਂਕ ਵਾਲੇ ਖੁਦ ਵੀ ਹੈਰਾਨ ਰਹਿ ਗਏ ਹਨ। ਦਰਅਸਲ ਇਹ ਮਹਿਲਾ ਲੇਬਨਾਨ ਦੀ ਰਹਿਣ ਵਾਲੀ ਹੈ ਜਿਸ ਦਾ ਨਾਮ ਵਾਫਾ ਮੋਹੰਮਦ ਅਵਦ ਹੈ। ਉਸ ਦੇ ਬੈਂਕ ਖਾਤੇ ‘ਚ ਕਰੀਬ 6.37 ਕਰੋੜ ਰੁਪਏ ਦੱਸੇ ਜਾਂਦੇ ਹਨ। ਇਸ ਦਾ ਪਤਾ ਉਸ ਸਮੇਂ ਲੱਗਾ ਜਦੋਂ ਉਹ ਆਪਣੇ ਪੈਸੇ ਨੂੰ ਇੱਕ ਬੈਂਕ ਵਿੱਚੋਂ ਦੂਜੇ ਬੈਂਕ ਵਿੱਚ ਤਬਦੀਲ ਕਰਨ ਲਈ ਬੈਂਕ ਪਹੁੰਚੀ।
إغلاق البنك الشهير في #لبنان "جمال ترست"، يفضح قصة متسولة لبنانية معروفة في #صيدا باسم الحاجة "وفاء عوض" تبين أنها "مليونيرة" وتملك برصيدها البنكي حوالي 900 ألف دولار، بعد اضطرارها لسحب أموالها ونقلها، ليُكشف أمرها وتنتشر صور شيكات باسمها على مواقع التواصل.#مصدر_للأخبار pic.twitter.com/8XrFpRfMT2
— مصدر (@MSDAR_NEWS) October 3, 2019
ਮੀਡੀਆ ਰਿਪੋਰਟਾਂ ਮੁਤਾਬਿਕ ਇਸ ਮਹਿਲਾ ਨੇ ਜਦੋਂ ਪੈਸੇ ਟ੍ਰਾਂਸਫਰ ਕਰਨ ਲਈ ਬੈਂਕ ਨੂੰ ਮੰਗ ਕੀਤੀ ਤਾਂ ਕਰਮਚਾਰੀ ਹੈਰਾਨ ਰਹਿ ਗਿਆ ਕਿਉਂਕਿ ਉਨ੍ਹਾਂ ਕੋਲ ਉਸ ਸਮੇਂ ਇੰਨੇ ਪੈਸੇ ਮੌਜੂਦ ਨਹੀਂ ਸਨ ਜਿੰਨੇ ਪੈਸੇ ਮਹਿਲਾ ਨੇ ਆਪਣੇ ਚੈੱਕ ‘ਤੇ ਭਰੇ ਸਨ। ਇਸ ਦੌਰਾਨ ਮਹਿਲਾ ਦੇ ਦੋ ਚੈੱਕ ਵੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੇ ਹਨ। ਇਨ੍ਹਾਂ ਚੈੱਕਾਂ ‘ਤੇ 30 ਸਤੰਬਰ 2019 ਦੀ ਤਾਰੀਖ ਲਿਖੀ ਗਈ ਹੈ। ਕਿਹਾ ਜਾ ਰਿਹਾ ਹੈ ਕਿ ਮਹਿਲਾ ਸੀਦੋਨ ਦੀ ਰਹਿਣ ਵਾਲੀ ਹੈ ਅਤੇ ਇਹ ਇੱਥੇ ਇੱਕ ਪ੍ਰਸਿੱਧ ਹਸਪਤਾਲ ਦੇ ਸਾਹਮਣੇ ਬੈਠ ਕੇ ਸਾਰਾ ਦਿਨ ਭੀਖ ਮੰਗਦੀ ਹੈ। ਜਾਣਕਾਰੀ ਮੁਤਾਬਿਕ ਇਸ ਸਬੰਧੀ ਉਸ ਹਸਪਤਾਲ ਦੀ ਨਰਸ ਨੇ ਵੀ ਦੱਸਿਆ ਹੈ ਕਿ ਇਹ ਭਿਖਾਰਨ ਪਿਛਲੇ 10 ਸਾਲ ਤੋਂ ਭੀਖ ਮੰਗ ਰਹੀ ਹੈ।
