ਨਿਊਜ਼ ਡੈਸਕ: ਇਰਾਕੀ ਸ਼ੀਆ ਮਿਲੀਸ਼ੀਆ ਕਤਾਇਬ ਹਿਜ਼ਬੁੱਲਾ ਨੇ ਧਮਕੀ ਦਿੱਤੀ ਹੈ ਕਿ ਜੇਕਰ ਇਜ਼ਰਾਈਲ ਨੇ ਇਰਾਕ ‘ਤੇ ਹਮਲਾ ਕੀਤਾ ਤਾਂ ਦੇਸ਼ ‘ਚ ਮੌਜੂਦ ਅਮਰੀਕੀ ਬਲਾਂ ‘ਤੇ ਹ.ਮਲਾ ਕੀਤਾ ਜਾਵੇਗਾ। ਈਰਾਨ ਸਮਰਥਿਤ ਸ਼ੀਆ ਮਿਲੀਸ਼ੀਆ ਦੇ ਸੁਰੱਖਿਆ ਨੇਤਾ ਅਬੂ ਅਲੀ ਅਲ-ਅਸਕਰ ਨੇ ਇਕ ਬਿਆਨ ‘ਚ ਕਿਹਾ ਕਿ ਇਰਾਕੀ ਹਵਾਈ ਖੇਤਰ ‘ਚ ਅਮਰੀਕਾ ਅਤੇ ਇਜ਼ਰਾਇਲੀ ਗਤੀਵਿਧੀਆਂ ਨੂੰ ਦੇਖਿਆ ਜਾ ਰਿਹਾ ਹੈ। ਇਹ ‘ਇਰਾਕ ਦੇ ਵਿਰੁੱਧ ਇਜ਼ਰਾਈਲੀ ਹ.ਮਲੇ ਦੀ ਸੰਭਾਵਨਾ’ ਨੂੰ ਦਰਸਾਉਂਦੇ ਹਨ। ਬਿਆਨ ਵਿਚ ਕਿਹਾ ਗਿਆ ਹੈ, “ਕਤਾਇਬ ਹਿਜ਼ਬੁੱਲਾ ਆਪਣੀ ਚੇਤਾਵਨੀ ਨੂੰ ਦੁਹਰਾਉਂਦਾ ਹੈ ਕਿ ਇਸਦਾ ਜਵਾਬ ਇਕੱਲੇ ਇਜ਼ਰਾਈਲ ਤੱਕ ਸੀਮਤ ਨਹੀਂ ਹੋਵੇਗਾ, ਸਗੋਂ ਇਸ ਵਿਚ ਅਮਰੀਕਾ ਦੀ ਪੂਰੀ ਮੌਜੂਦਗੀ ਵੀ ਸ਼ਾਮਿਲ ਹੋਵੇਗੀ।”
ਕਤਾਇਬ ਹਿਜ਼ਬੁੱਲਾ ਦਾ ਇਹ ਬਿਆਨ ਅਜਿਹੇ ਸਮੇਂ ‘ਚ ਆਇਆ ਹੈ ਜਦੋਂ ਇਜ਼ਰਾਈਲ ਅਤੇ ਲੇਬਨਾਨ ਵਿਚਾਲੇ ਟਕਰਾਅ ਕਾਰਨ ਪੂਰੇ ਖੇਤਰ ‘ਚ ਤਣਾਅ ਵਧਣ ਦੀ ਸੰਭਾਵਨਾ ਹੈ। ਇਜ਼ਰਾਈਲ ਲਗਾਤਾਰ ਲੇਬਨਾਨ ਵਿੱਚ ਹਵਾਈ ਹਮਲੇ ਕਰ ਰਿਹਾ ਹੈ। ਉਸ ਦਾ ਦਾਅਵਾ ਹੈ ਕਿ ਉਹ ਈਰਾਨ ਸਮਰਥਿਤ ਸਮੂਹ ਹਿਜ਼ਬੁੱਲਾ ਨੂੰ ਨਿਸ਼ਾਨਾ ਬਣਾ ਰਿਹਾ ਹੈ। ਇਜ਼ਰਾਇਲੀ ਹਮਲਿਆਂ ਵਿੱਚ ਹੁਣ ਤੱਕ 600 ਤੋਂ ਵੱਧ ਲੇਬਨਾਨੀ ਮਾਰੇ ਜਾ ਚੁੱਕੇ ਹਨ। ਇਸ ਦੌਰਾਨ ਹਿਜ਼ਬੁੱਲਾ ਨੇ ਵੀ ਜਵਾਬੀ ਕਾਰਵਾਈ ਕੀਤੀ ਹੈ ਅਤੇ ਇਜ਼ਰਾਇਲੀ ਇਲਾਕਿਆਂ ‘ਚ ਰਾਕੇਟ ਦਾਗੇ ਹਨ।
ਰਿਪੋਰਟ ਅਨੁਸਾਰ ਅਲ-ਅਸਕਰ ਨੇ ‘ਇਰਾਕ ਇਸਲਾਮਿਕ ਰੇਸਿਸਟੈਂਸ’ (ਇੱਕ ਸ਼ੀਆ ਮਿਲੀਸ਼ੀਆ ਗਰੁੱਪ) ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਆਪਰੇਸ਼ਨ ਦੀ ਗਿਣਤੀ ਅਤੇ ਪੈਮਾਨੇ ਨੂੰ ਵਧਾਉਣ। ਇਸ ਤੋਂ ਪਹਿਲਾਂ, ‘ਇਰਾਕੀ ਇਸਲਾਮਿਕ ਪ੍ਰਤੀਰੋਧ’ ਨੇ ‘ਫਲਸਤੀਨ ਅਤੇ ਲੇਬਨਾਨ ਦੇ ਲੋਕਾਂ ਨਾਲ ਇਕਜੁੱਟਤਾ’ ਵਿਚ ਇਜ਼ਰਾਈਲੀ ਟਿਕਾਣਿਆਂ ‘ਤੇ ਕਈ ਡਰੋਨ ਅਤੇ ਮਿਜ਼ਾਈਲ ਹਮਲਿਆਂ ਦੀ ਜ਼ਿੰਮੇਵਾਰੀ ਲਈ ਸੀ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
