ਐਡਮਿੰਟਨ: ਐਲਬਰਟਾ ‘ਚ ਸੜਕ ਹਾਦਸੇ ਦੌਰਾਨ ਮਾਰੇ ਗਏ ਆਰ ਸੀ ਐਮ.ਪੀ. ਦੇ ਕਾਂਸਟੇਬਲ ਹਰਵਿੰਦਰ ਸਿੰਘ ਧਾਮੀ ਦਾ ਅੰਤਿਮ ਸਸਕਾਰ 20 ਅਪ੍ਰੈਲ ਨੂੰ ਸਰਵਡ ਪਾਰਕ ਦੇ ਮਿਲੇਨੀਅਮ ਪਲੇਸ ਵਿਖੇ ਕੀਤਾ ਜਾਵੇਗਾ। ਸੁਪਰਡੈਂਟ ਡੇਲ ਕੈਂਡਲ ਨੇ ਦੱਸਿਆ ਕਿ ਆਰ ਸੀ.ਐਮ. ਪੀ. ਦੀ ਰੈਜੀਮੈਂਟ, ਕਾਂਸਟੇਬਲ ਧਾਮੀ ਦੀ ਦੇਹ ਲੈ ਕੇ 10 ਵਜੇ ਰਵਾਨਾ ਹੋਵੇਗੀ ਅਤੇ 11.30 ਵਜੇ ਅੰਤਮ ਸਸਕਾਰ ਕੀਤਾ ਜਾਵੇਗਾ। ਡੇਲ ਕੈਂਡਲ ਨੇ ਕਿਹਾ ਕਿ ਕਾਂਸਟੇਬਲ ਧਾਮੀ ਇੱਕ ਆਪਣੀ ਸਾਥੀ ਅਫ਼ਸਰ ਦੀ ਮਦਦ ਲਈ ਰਵਾਨਾ ਹੋਇਆ ਜੋ ਦੋ ਜਣਿਆਂ ਨੂੰ ਗ੍ਰਿਫ਼ਤਾਰ ਕਰਨਾ ਚਾਹੁੰਦਾ ਸੀ। ਕਾਂਸਟੇਬਲ ਧਾਮੀ ਦੇ ਕਿਰਦਾਰ ਮੁਤਾਬਕ ਬਗ਼ੈਰ ਦੇਰ ਕੀਤਿਆਂ ਮੌਕੇ ‘ਤੇ ਪਹੁੰਚਣ ਦੀ ਪ੍ਰਕਿਰਿਆ ਦੌਰਾਨ ਹਾਦਸਾ ਵਾਪਰ ਗਿਆ।
ਕਾਂਸਟੇਬਲ ਧਾਮੀ ਦਾ ਪੂਰਾ ਪਰਿਵਾਰ ਹੀ ਕਮਿਊਨਿਟੀ ਸੇਵਾ ‘ਚ ਲੱਗਿਆ ਹੋਇਆ ਹੈ। ਉਨ੍ਹਾਂ ਦੀ ਭੈਣ ਹੈਲਥ ਸਰਵਿਸਿਜ਼ ਵਿਚ ਹੈ ਜਦਕਿ ਇਕ ਹੋਰ ਰਿਸ਼ਤੇਦਾਰ ਪੁਲਿਸ ਅਫ਼ਸਰ ਹੈ। ਪੁਲਿਸ ਸੇਵਾ ਤੋਂ ਇਲਾਵਾ ਉਹ ਬਜ਼ੁਰਗਾਂ ਨੂੰ ਖਾਣਾ ਪਹੁੰਚਾਉਣ ਅਤੇ ਲੋਕਾਂ ਨੂੰ ਪੀੜਤ ਸੇਵਾਵਾਂ ਬਾਰੇ ਜਾਣਕਾਰੀ ਦੇਣ ਲਈ ਵਾਲੰਟੀਅਰ ਵਜੋਂ ਕੰਮ ਕਰਦਾ ਉਹ ਔਲੀਟ ਮੈਡੀਕਲ ਐਮਰਜੰਸੀ ਰਿਸਪੋਸ ਟੀਮ ਦਾ ਮੈਂਬਰ ਵੀ ਸੀ। ਨੈਸ਼ਨਲ ਪੁਲਿਸ ਫੈਡਰੇਸ਼ਨ ਦੇ ਪਾਇਰੀ ਰੀਜਨ ਦੇ ਡਾਇਰੈਕਟਰ ਕੇਵਿਨ ਨੇ ਕਿਹਾ ਕਿ ਧਾਮੀ ਪਰਿਵਾਰ ਦੀ ਆਰਥਿਕ ਮਦਦ ਲਈ ਗੋਫਡਮੀ ਪੇਜ ਸਥਾਪਤ ਕੀਤਾ ਗਿਆ ਅਤੇ 20 ਹਜ਼ਾਰ ਡਾਲਰ ਤੋਂ ਵੱਧ ਰਕਮ ਇਕੱਤਰ ਹੋ ਚੁੱਕੀ ਹੈ। ਉਨ੍ਹਾਂ ਕਿਹਾ ਕਿ ਅਜਿਹੀਆਂ ਤਰਾਸਦੀਆਂ ਸਿਰਫ਼ ਸਬੰਧਤ ਪਰਵਾਰ ਅਤੇ ਦੋਸਤਾਂ ਉਪਰ ਅਸਰ ਨਹੀਂ ਪਾਉਂਦੀਆਂ ਸਗੋਂ ਕਮਿਊਨਿਟੀਜ਼ ਨੂੰ ਪਭਾਵਤ ਕਰਦੀਆਂ ਹਨ।
ਦੱਸ ਦਈਏ ਕਿ ਬੀਤੀ 10 ਅਪ੍ਰੈਲ ਨੂੰ ਸਟ੍ਰੇਥਕੋਨਾ ਕਾਊਂਟੀ ‘ਚ ਤਾਇਨਾਤ ਹਰਵਿੰਦਰ ਸਿੰਘ ਧਾਮੀ ਦੀ ਸੜਕ ਹਾਦਸੇ ਦੌਰਾਨ ਮੌਤ ਹੋ ਗਈ ਸੀ। ਕੰਕਰੀਟ ਬੈਰੀਅਰ ਨਾਲ ਗੱਡੀ ਦੀ ਟੱਕਰ ਹੋਣ ਕਾਰਨ ਗੰਭੀਰ ਜ਼ਖ਼ਮੀ ਧਾਮੀ ਨੂੰ ਐਮਰਜੰਸੀ ਕਾਮਿਆਂ ਨੇ ਹਸਪਤਾਲ ਪਹੁੰਚਾਉਣ ਦਾ ਯਤਨ ਕੀਤਾ ਪਰ ਉਹ ਜ਼ਖ਼ਮਾਂ ਦੀ ਤਾਬ ਨਾਂ ਝਲਦਾ ਹੋਇਆ ਦਮ ਤੋੜ ਗਿਆ। ਹਰਵਿੰਦਰ ਸਿੰਘ 2019 ਵਿਚ ਰਜੀਨਾ ਦੀ ਪੁਲਿਸ ਅਕੈਡਮੀ ‘ ਤੋਂ ਸਿਖਲਾਈ ਮੁਕੰਮਲ ਹੋਣ ਵੇਲੇ ਤੋਂ ਹੀ ਸਟ੍ਰੇਥਕੋਨਾ ਕਾਉਂਟੀ ‘ਚ ਕੰਮ ਕਰ ਰਿਹਾ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
