ਓਟਵਾ: ਕੈਨੇਡਾ ਵਿੱਚ ਹਰ ਸਾਲ ਚੋਟੀ ਦੇ 25 ਪਰਵਾਸੀਆਂ ਨੂੰ ‘ਕੈਨੇਡੀਅਨ ਇੰਮੀਗ੍ਰਰੈਂਟ ਐਵਾਰਡ’ ਨਾਲ ਸਨਮਾਨਿਤ ਕੀਤਾ ਜਾਂਦਾ ਹੈ। ਇਸ ਵਾਰ ਵੀ 14ਵੀਂ ‘ਟੌਪ 25 ਕੈਨੇਡੀਅਨ ਇੰਮੀਗ੍ਰੈਂਟ ਐਵਾਰਡ’ ‘ਚ ਭਾਰਤੀ ਮੂਲ ਦੇ 5 ਲੋਕਾਂ ਦਾ ਨਾਮ ਸ਼ਾਮਲ ਹੈ। ਜਿਨ੍ਹਾਂ ਵਿੱਚ ਓਟਵਾ ਦੇ ਵਾਸੀ ਤੇ ਕੈਨੇਡਾ ਦੇ ਅਨਿਲ ਅਰੋੜਾ, ਵਿਨੀਪੈਗ ਵਾਸੀ ਪੰਜਾਬੀ ਮੂਲ ਦੀ ਰੀਟਾ ਚਾਹਲ, ਟੋਰਾਂਟੋ ਦੀ ਵਾਸੀ ਡਿਆਨਾ ਅਲੀ ਡੀਸੂਜ਼ਾ, ਸਰੀ ਦੇ ਵਾਸੀ ਡਾ. ਅਕਸ਼ੈ ਜੈਨ ਅਤੇ ਨੋਵਾ ਸਕੋਸ਼ੀਆ ਦੇ ਸ਼ਹਿਰ ਸਿਡਨੀ ਦੀ ਵਾਸੀ ਪੰਜਾਬੀ ਮੂਲ ਹਰਮਨ ਸਿੰਘ ਸ਼ਾਮਲ ਹੈ।
ਚੋਟੀ ਦੇ ਜਿਨ੍ਹਾਂ ਪਰਵਾਸੀਆਂ ਨੂੰ ਇਹ ਖਿਤਾਬ ਦਿੱਤਾ ਗਿਆ, ਉਨਾਂ ਵਿੱਚ ਕੈਨੇਡਾ ਦੇ ਟਰਾਂਸਪੋਰਟ ਮੰਤਰੀ ਅਤੇ ਮਿਸੀਸਾਗਾ ਸੈਂਟਰ ਤੋਂ ਐਮਪੀ ਓਮਰ ਅਲਗਬਰਾ ਦਾ ਨਾਮ ਵੀ ਸ਼ਾਮਲ ਕੀਤਾ ਗਿਆ। 52 ਸਾਲ ਦੇ ਓਮਰ ਅਲਗਬਰਾ ਨੇ ਇਹ ਐਵਾਰਡ ਮਿਲਣ ‘ਤੇ ਖੁਸ਼ੀ ਜ਼ਾਹਰ ਕੀਤੀ। ਉਨਾਂ ਨੇ ਟਵਿੱਟਰ ‘ਤੇ ਪੋਸਟ ਸ਼ੇਅਰ ਕਰਦਿਆਂ ਇਸ ਦੇ ਲਈ ਧੰਨਵਾਦ ਵੀ ਕੀਤਾ।
ਵੈਸਟਰਨ ਯੂਨੀਅਨ ਵੱਲੋਂ ਪੇਸ਼ ਕੀਤੀ ਗਈ ਇਹ ਸੂਚੀ ਕੈਨੇਡਾ ਦੀ ਤਰੱਕੀ ਤੇ ਖੁਸ਼ਹਾਲੀ ਵਿੱਚ ਅਹਿਮ ਯੋਗਦਾਨ ਪਾਉਣ ਵਾਲੇ ਪਰਵਾਸੀਆਂ ਨੂੰ ਮਾਨਤਾ ਦਿੰਦੀ ਹੈ।
ਉੱਧਰ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵੀ ਕੈਨੇਡੀਅਨ ਇੰਮੀਗੈਂਟ ਐਵਾਰਡ ਹਾਸਲ ਕਰਨ ਵਾਲੇ ਪਰਵਾਸੀਆਂ ਨੂੰ ਵਧਾਈ ਦਿੱਤੀ। ਇਸ ਦੇ ਨਾਲ ਹੀ ਉਨਾਂ ਨੇ ਕਿਹਾ ਕਿ ਵੱਖ-ਵੱਖ ਖਿੱਤੇ ਨਾਲ ਜੁੜੇ ਇਨ੍ਹਾਂ ਪਰਵਾਸੀਆਂ ਨੇ ਵੱਖ-ਵੱਖ ਖੇਤਰਾਂ ਵਿੱਚ ਮਿਹਨਤ ਕਰਕੇ ਜਿੱਥੇ ਖੁਦ ਚੰਗਾ ਮੁਕਾਮ ਹਾਸਲ ਕੀਤਾ, ਉੱਥੇ ਹੀ ਕੈਨੇਡਾ ਦੀ ਤਰੱਕੀ ਤੇ ਖੁਸ਼ਹਾਲੀ ਵਿੱਚ ਵੀ ਆਪਣਾ ਵਡਮੁੱਲਾ ਯੋਗਦਾਨ ਪਾ ਰਹੇ ਹਨ। ਇਸ ਤੋਂ ਇਲਾਵਾ ਜਿਹੜੇ ਹੋਰ ਨਵੇਂ ਪਰਵਾਸੀ ਵੀ ਆਉਂਦੇ ਨੇ ਉਹ ਵੀ ਆਪਣੀ ਮਿਹਨਤ ਤੇ ਲਗਨ ਨਾਲ ਦੇਸ਼ ਨੂੰ ਹੋਰ ਮਜ਼ਬੂਤ ਬਣਾਉਣ ਵਿੱਚ ਕੋਈ ਕਸਰ ਨਹੀਂ ਛੱਡਦੇ। ਉਨਾਂ ਨੇ ਕੈਨੇਡਾ ਨੂੰ ਇੱਕ ਬੇਹਤਰ ਤੇ ਖੁਸ਼ਹਾਲ ਦੇਸ਼ ਬਣਾਉਣ ਵਿੱਚ ਆਪਣਾ ਵਡਮੁੱਲਾ ਯੋਗਦਾਨ ਪਾਉਣ ‘ਤੇ ਪਰਵਾਸੀਆਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
