ਨਿਊਜ਼ ਡੈਸਕ : ਤੁਹਾਡੀ ਸਿਹਤ ਤੁਹਾਡੇ ਖਾਣ-ਪੀਣ ਤੇ ਜੀਵਨ ਸ਼ੈਲੀ ‘ਤੇ ਨਿਰਭਰ ਕਰਦੀ ਹੈ। ਮਿਸ਼ਿਗਨ ਯੂਨੀਵਰਸਿਟੀ ਦੀ ਇੱਕ ਨਵੀਂ ਸਟਡੀ ‘ਚ ਸਾਹਮਣੇ ਆਇਆ ਹੈ ਕਿ ਕਿਵੇਂ ਡਾਈਟ ਵਿੱਚ ਬਦਲਾਅ ਕਰਕੇ ਚੰਗੀ ਸਿਹਤ ਅਤੇ ਲੰਬੀ ਉਮਰ ਪਾਈ ਜਾ ਸਕਦੀ ਹੈ। ਇਹ ਸਟਡੀ ਨੇਚਰ ਫੂਡ ਜਰਨਲ ‘ਚ ਛੱਪੀ ਹੈ। ਇਸ ਵਿੱਚ ਕਈ ਅਜਿਹੇ ਫੂਡਸ ਦੱਸੇ ਗਏ ਹਨ ਜੋ ਸਾਡੀ ਉਮਰ ਘੱਟ ਕਰਦੇ ਹਨ, ਉੱਥੇ ਹੀ ਅਜਿਹੇ ਫੂਡਸ ਵੀ ਦੱਸੇ ਗਏ ਹਨ ਜੋ ਸਾਡੀ ਸਿਹਤ ਲਈ ਚੰਗੇ ਹਨ। ਸਟਡੀ ਵਿੱਚ ਅਮਰੀਕਾ ਵਿੱਚ ਖਾਧੇ ਜਾਣ ਵਾਲੇ 5,800 ਤੋਂ ਜ਼ਿਆਦਾ ਫੂਡਸ ਨੂੰ ਹੈਲਥ ਤੇ ਵਾਤਾਵਰਨ ‘ਤੇ ਪੈਣ ਵਾਲੇ ਅਸਰ ਦੇ ਆਧਾਰ ‘ਤੇ ਰੈਂਕਿੰਗ ਦਿੱਤੀ ਗਈ ਹੈ।
ਇਸ ਲਿਸਟ ਵਿੱਚ ਪ੍ਰੋਸੈੱਸਡ ਮੀਟ ਅਤੇ ਸ਼ੂਗਰ ਵਾਲੇ ਡਰਿੰਕਸ ਨੂੰ ਸਿਹਤ ਲਈ ਸਭ ਤੋਂ ਖ਼ਰਾਬ ਦੱਸਿਆ ਗਿਆ ਹੈ। News4SA ਦੀ ਰਿਪੋਰਟ ਦੇ ਮੁਤਾਬਕ, ਜਰਨਲ ‘ਚ ਲਿਖਿਆ ਹੈ ਕਿ ਇੱਕ ਹਾਟ ਡਾਗ ਖਾਣ ਨਾਲ ਤੁਹਾਡੇ ਜੀਵਨ ਦੇ 36 ਸਿਹਤਮੰਦ ਮਿੰਟ ਘੱਟ ਹੋ ਸਕਦੇ ਹਨ, ਪਰ ਜੇਕਰ ਤੁਸੀ ਇੱਕ ਸਰਵਿੰਗ ਨਟਸ ਖਾਂਦੇ ਹੋ ਤਾਂ ਤੁਹਾਡੀ ਜ਼ਿੰਦਗੀ ਵਿੱਚ 26 ਮਿੰਟ ਦਾ ਵਾਧਾ ਹੁੰਦਾ ਹੈ। ਉੱਥੇ ਹੀ ਸੋਡੇ ਦਾ ਇੱਕ ਕੇਨ ਪੀਣ ਨਾਲ ਜ਼ਿੰਦਗੀ ਦੇ 12 ਮਿੰਟ ਘਟਦੇ ਹਨ, ਇਸ ਤੋਂ ਇਲਾਵਾ ਪੀਨੱਟ ਬਟਰ ਅਤੇ ਜੈਲੀ ਸੈਂਡਵਿਚ ਨਾਲ 33 ਮਿੰਟ ਵੱਧ ਜਾਂਦੇ ਹਨ।
New research evaluated more than 5,800 foods and their impact on human health & the environment.
An astonishing finding? Eating a hot dog could cost you 36 minutes of healthy life, & eating a serving of nuts instead could help you gain 26 minutes.
READ: https://t.co/SZ7GMYPUEQ pic.twitter.com/t3nm89zUzQ
— MichiganPublicHealth (@umichsph) August 19, 2021
ਰਿਸਰਚ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਅਸੀ ਹਰ ਰੋਜ਼ ਜੋ ਵੀ ਖਾਂਦੇ ਹਾਂ ਉਸ ‘ਚ 10 ਫੀਸਦੀ ਬਦਲਾਅ ਕਰਕੇ ਜੀਵਨ ਵਿੱਚ 48 ਸਿਹਤਮੰਦ ਮਿੰਟ ਜੋੜ ਸਕਦੇ ਹਾਂ। ਸਟਡੀ ਵਿੱਚ ਇਹ ਵੀ ਸਾਹਮਣੇ ਆਇਆ ਕਿ ਸਿਹਤ ਅਤੇ ਵਾਤਾਵਰਣ ਲਈ ਸਭ ਤੋਂ ਨੈਗੇਟਿਵ ਫੂਡਸ ਹਾਈ ਪ੍ਰੋਸੈੱਸਡ ਮੀਟ, ਬੀਫ, ਸ਼ਰਿੰਪ, ਪੋਰਕ, ਲੈਂਬ ਅਤੇ ਗਰੀਨ-ਹਾਉਸ ਵਿੱਚ ਉੱਗੀਆਂ ਸਬਜ਼ੀਆਂ ਹਨ। ਉੱਥੇ ਹੀ ਸਭ ਤੋਂ ਜ਼ਿਆਦਾ ਨਿਊਟਰਿਸ਼ਨ ਦੇਣ ਵਾਲੇ ਫੂਡਸ ਖੇਤਾਂ ‘ਚ ਉੱਗੀਆਂ ਸਬਜ਼ੀਆਂ, ਫਲ, ਮਟਰ – ਦਾਲ, ਨਟਸ ਆਦਿ ਹਨ।
