ਟਵਿੱਟਰ ਦੇ ਸਹਿ-ਸੰਸਥਾਪਕ ਜੈਕ ਡੋਰਸੀ ਨੇ ਕੰਪਨੀ ਦੇ ਸੀਈਓ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਜੈਕ ਡੋਰਸੀ ਦੇ ਅਸਤੀਫੇ ਦੇ ਐਲਾਨ ਤੋਂ ਬਾਅਦ ਸੋਮਵਾਰ ਨੂੰ ਪਰਾਗ ਅਗਰਵਾਲ ਟਵਿਟਰ ਦੇ ਸੀਈਓ ਬਣ ਗਏ ਹਨ। ਟਵਿੱਟਰ ਨੇ ਸੋਮਵਾਰ ਨੂੰ ਇਸ ਦਾ ਐਲਾਨ ਕੀਤਾ। ਕੰਪਨੀ ਦੇ ਬਿਆਨ ਅਨੁਸਾਰ, “ਨਿਦੇਸ਼ਕ ਮੰਡਲ ਨੇ ਸਰਬਸੰਮਤੀ ਨਾਲ ਪਰਾਗ ਅਗਰਵਾਲ ਦੀ ਸੀਈਓ ਅਤੇ ਬੋਰਡ ਦੇ ਮੈਂਬਰ ਵਜੋਂ ਨਿਯੁਕਤੀ ਨੂੰ ਤੁਰੰਤ ਪ੍ਰਭਾਵ ਨਾਲ ਮਨਜ਼ੂਰੀ ਦੇ ਦਿੱਤੀ ਹੈ। ਪਰਾਗ ਅਗਰਵਾਲ ਪਿਛਲੇ ਇੱਕ ਦਹਾਕੇ ਤੋਂ ਟਵਿਟਰ ਨਾਲ ਜੁੜੇ ਹੋਏ ਹਨ।
ਡੋਰਸੀ, ਆਪਣੇ ਤਿੰਨ ਸਾਥੀਆਂ ਦੇ ਨਾਲ, 21 ਮਾਰਚ, 2006 ਨੂੰ ਸੈਨ ਫਰਾਂਸਿਸਕੋ ਵਿੱਚ ਟਵਿੱਟਰ ਦੀ ਸਥਾਪਨਾ ਕੀਤੀ। ਇਸ ਤੋਂ ਬਾਅਦ ਉਹ ਸਭ ਤੋਂ ਵੱਡੇ ਟੈਕਨਾਲੋਜੀ ਉੱਦਮੀਆਂ ਵਿੱਚੋਂ ਇੱਕ ਬਣ ਗਏ। ਡੋਰਸੀ ਦੇ ਅਸਤੀਫਾ ਦੇਣ ਦੀ ਖਬਰ ਆਉਣ ਤੋਂ ਬਾਅਦ ਕੰਪਨੀ ਦੇ ਸਟਾਕ ਦੀਆਂ ਕੀਮਤਾਂ 10% ਤੱਕ ਵੱਧ ਗਈਆਂ। ਡੋਰਸੀ ਨੂੰ ਇੱਕ ਵਿੱਤੀ ਭੁਗਤਾਨ ਕੰਪਨੀ Square ਵਿੱਚ ਇੱਕ ਉੱਚ ਕਾਰਜਕਾਰੀ ਵੀ ਕਿਹਾ ਜਾਂਦਾ ਹੈ। ਉਨ੍ਹਾਂ ਨੇ ਇਸ ਦੀ ਸਥਾਪਨਾ ਕੀਤੀ ਸੀ। ਕੰਪਨੀ ਦੇ ਕੁਝ ਵੱਡੇ ਨਿਵੇਸ਼ਕ ਖੁੱਲ੍ਹੇਆਮ ਸਵਾਲ ਕਰ ਰਹੇ ਸਨ ਕਿ ਕੀ ਉਹ ਪ੍ਰਭਾਵਸ਼ਾਲੀ ਢੰਗ ਨਾਲ ਦੋਵਾਂ ਕੰਪਨੀਆਂ ਦੀ ਅਗਵਾਈ ਕਰ ਸਕਦਾ ਹੈ। ਹਾਲਾਂਕਿ ਜੈਕ 2022 ਤੱਕ ਕੰਪਨੀ ਦੇ ਬੋਰਡ ‘ਤੇ ਬਣੇ ਰਹਿਣਗੇ।
Deep gratitude for @jack and our entire team, and so much excitement for the future. Here’s the note I sent to the company. Thank you all for your trust and support 💙 https://t.co/eNatG1dqH6 pic.twitter.com/liJmTbpYs1
— Parag Agrawal (@paraga) November 29, 2021
- Advertisement -
ਟਵਿੱਟਰ ਤੋਂ ਪਹਿਲਾਂ, ਪਰਾਗ ਅਗਰਵਾਲ ਮਾਈਕ੍ਰੋਸਾਫਟ, ਯਾਹੂ ਅਤੇ ਏਟੀਐਂਡਟੀ ਲੈਬਜ਼ ਨਾਲ ਕੰਮ ਕਰ ਚੁੱਕੇ ਹਨ।ਪਰਾਗ ਅਗਰਵਾਲ ਨੇ ਆਈਆਈਟੀ ਬੰਬੇ ਤੋਂ ਕੰਪਿਊਟਰ ਸਾਇੰਸ ਅਤੇ ਇੰਜਨੀਅਰਿੰਗ ਵਿੱਚ ਬੀ ਟੈਕ ਦੀ ਪੜ੍ਹਾਈ ਕੀਤੀ ਅਤੇ ਸਟੈਨਫੋਰਡ ਯੂਨੀਵਰਸਿਟੀ ਤੋਂ ਆਪਣੀ ਪੀਐਚਡੀ ਪੂਰੀ ਕੀਤੀ।
ਪਰਾਗ ਅਗਰਵਾਲ ਭਾਰਤੀ ਮੂਲ ਦੇ ਸਿਲੀਕਾਨ ਵੈਲੀ ਸੀਈਓਜ਼ ਦੇ ਇੱਕ ਸਮੂਹ ਵਿੱਚ ਸ਼ਾਮਲ ਹੋ ਗਏ ਹਨ ਜਿਸ ਵਿੱਚ ਸੁੰਦਰ ਪਿਚਾਈ ਅਤੇ ਸੱਤਿਆ ਨਡੇਲਾ ਵਰਗੇ ਨਾਮ ਸ਼ਾਮਲ ਹਨ। ਅਗਰਵਾਲ ਨੇ ਆਪਣੀ ਸਕੂਲੀ ਪੜ੍ਹਾਈ ਪਰਮਾਣੂ ਊਰਜਾ ਕੇਂਦਰੀ ਵਿਦਿਆਲਿਆ ਤੋਂ ਕੀਤੀ।
