ਬਰੈਂਪਟਨ: 6 ਜੂਨ 1984 ਦੇ ਸ਼ਹੀਦਾਂ ਨੂੰ ਅਤੇ ਅਕਾਲ ਤਖਤ ਸਾਹਿਬ ਤੇ ਹਮਲੇ ਦੀ ਯਾਦ ਨੂੰ ਤਾਜਾ ਕਰਦਿਆਂ ਸਿੱਖ ਮਿਸ਼ਨ ਸੈਂਟਰ ਗੁਰੂ-ਘਰ ਬਰੈਂਪਟਨ ਅਤੇ ਸਿੱਖ ਮੋਟਰ ਸਾਈਕਲ ਕਲੱਬ ਆੱਫ ਉਂਟਾਰੀੳ ਵੱਲੋਂ ਇੱਕ ਰਾਈਡ ਦਾ ਅਯੋਜਨ ਕੀਤਾ ਗਿਆ ।
ਇਸ ਮੌਕੇ ਗੁਰੂ-ਘਰ ਵਿੱਚ ਉਸ ਸਮੇਂ ਦੀ ਯਾਦ ਨੂੰ ਤਾਜਾ ਕਰਦੀਆਂ ਤਸਵੀਰਾਂ ਦੀ ਪ੍ਰਦਰਸ਼ਨੀ ਲਗਾਈ ਗਈ ਜੋ ਕਿ ਜੂਨ ਦਾ ਪੂਰਾ ਮਹੀਨਾ ਇਸ ਗੁਰੂ-ਘਰ ਵਿੱਚ ਲੱਗੀ ਰਹੇਗੀ । ਗੁਰੂ-ਘਰ ਵਿੱਚ ਇਸ ਘੱਲੂਘਾਰੇ ਦੀ ਯਾਦ ਨੂੰ ਸਮਰਪਿਤ ਪਾਠਾਂ ਦੇ ਭੋਗ ਪਾਏ ਗਏ ਉਪਰੰਤ ਬੁਲਾਰਿਆਂ ਵੱਲੋਂ ਸ਼ਹੀਦਾਂ ਨੂੰ ਸ਼ਰਧਾਂਜਲੀਆਂ ਦਿੱਤੀਆਂ ਗਈਆਂ ।
ਮੋਟਰ-ਸਾਈਕਲ ਕਲੱਬ ਆੱਫ ਉਨਟਾਰੀੳ, ਰੋਆਇਲ ਇੰਨਫੀਲਡ ਮੋਟਰ-ਸਾਈਕਲ ਕਲੱਬ ਟੋਰੰਟੋ ਅਤੇ ਜੀਪ ਲਵਰਜ ਕਲੱਬ ਵੱਲੋਂ ਰਾਈਟ ਵਿੱਚ ਸ਼ਮੂਲੀਅਤ ਕੀਤੀ ਗਈ । ਇਹ ਰਾਈਡ , ਗੁਰਦੁਆਰਾ ਨਾਨਕ ਮਿਸ਼ਨ ਸੈਂਟਰ ਤੋਂ ਚੱਲਕੇ , ਡਿਕਸੀ ਗੁਰੂ-ਘਰ , ਹਮਿਲਟਨ ਗੁਰੂ-ਘਰ ਤੇ ਫਿਰ ਨਿਆਗਰਾ ਫਾਲ ਵਿਖੇ ਸਮਾਪਤ ਹੋਈ ।
