Home / ਭਾਰਤ / ਗੁਰਦਾਸਪੁਰ ‘ਚ ਸਰਹੱਦ ‘ਤੇ ਘੁਸਪੈਠ ਕਰ ਰਹੀ ਪਾਕਿਸਤਾਨੀ ਮਹਿਲਾ ਨੂੰ ਬੀਐਸਐਫ ਨੇ ਮਾਰੀ ਗੋਲ਼ੀ
bsf shot pakistani young woman

ਗੁਰਦਾਸਪੁਰ ‘ਚ ਸਰਹੱਦ ‘ਤੇ ਘੁਸਪੈਠ ਕਰ ਰਹੀ ਪਾਕਿਸਤਾਨੀ ਮਹਿਲਾ ਨੂੰ ਬੀਐਸਐਫ ਨੇ ਮਾਰੀ ਗੋਲ਼ੀ

ਅੰਮ੍ਰਿਤਸਰ: ਬੀਐਸਐਫ ਦੇ ਜਵਾਨਾਂ ਨੇ ਪਾਕਿਸਤਾਨ ਤੋਂ ਭਾਰਤ ‘ਚ ਘੁਸਪੈਠ ਕਰ ਰਹੀ ਇੱਕ ਪਾਕਿਸਤਾਨੀ ਮਹਿਲਾ ਨੂੰ ਗੋਲੀ ਮਾਰ ਦਿੱਤੀ। ਮਹਿਲਾ ਭਾਰਤ ਦੀ ਸਰਹਦ ‘ਚ ਘੁਸਪੈਠ ਕਰ ਰਹੀ ਸੀ ਤੇ ਬੀਐਸਐਫ ਜਵਾਨਾਂ ਵੱਲੋਂ ਚਿਤਾਵਨੀ ਦੇਣ ਦੇ ਬਾਵਜੂਦ ਉਹ ਨਹੀਂ ਰੁਕੀ ਜਿਸ ਤੋਂ ਬਾਅਦ ਜਵਾਨਾਂ ਨੇ ਉਸ ਨੂੰ ਗੋਲੀ ਮਾਰ ਦਿੱਤੀ। bsf shot pakistani young woman ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਬੀਐਸਐਫ ਦੀ ਬਸੰਤਰ ਬਾਰਡਰ ਪੋਸਟ ‘ਤੇ ਤਾਇਨਾਤ 10ਵੀਂ ਬਟਾਲੀਅਨ ਨੇ ਦੇਰ ਰਾਤ ਪਾਕਿਸਤਾਨ ਵਾਲੇ ਪਾਸਿਓਂ ਔਰਤ ਨੂੰ ਭਾਰਤ ਵਿੱਚ ਦਾਖ਼ਲ ਹੁੰਦੇ ਵੇਖਿਆ। ਜਵਾਨਾਂ ਨੇ ਤੁਰੰਤ ਉਸ ਨੂੰ ਲਲਕਾਰਿਆ, ਪਰ ਉਹ ਨਾ ਰੁਕੀ ਤਾਂ ਜਵਾਨਾਂ ਨੇ ਉਸ ‘ਤੇ ਗੋਲ਼ੀ ਚਲਾ ਦਿੱਤੀ। ਗੋਲ਼ੀ ਵੱਜਦਿਆਂ ਹੀ ਮਹਿਲਾ ਉੱਥੇ ਹੀ ਡਿੱਗ ਪਈ ਜਿਸਦੀ ਉਮਰ 25 ਤੋਂ 30 ਸਾਲ ਦੱਸੀ ਜਾ ਰਹੀ ਹੈ। ਜਵਾਨਾਂ ਨੇ ਔਰਤ ਨੂੰ ਜ਼ਖ਼ਮੀ ਹਾਲਤ ਵਿੱਚ ਗੁਰਦਾਸਪੁਰ ਦੇ ਹਸਪਤਾਲ ਪਹੁੰਚਾਇਆ, ਪਰ ਡਾਕਟਰਾਂ ਨੇ ਉਸ ਨੂੰ ਅੰਮ੍ਰਿਤਸਰ ਰੈਫਰ ਕਰ ਦਿੱਤਾ। ਜ਼ਖ਼ਮੀ ਮਹਿਲਾ ਨੂੰ ਅੰਮ੍ਰਿਤਸਰ ਦੇ ਗੁਰੂ ਨਾਨਕ ਦੇਵ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ। ਡਾਕਟਰਾਂ ਮੁਤਾਬਕ ਫਿਲਹਾਲ ਉਹ ਸਦਮੇ ਵਿੱਚ ਹੈ ਤੇ ਗੱਲ ਕਰਨ ਦੀ ਹਾਲਤ ਵਿੱਚ ਨਹੀਂ। ਉਸ ਦਾ ਇਲਾਜ ਚੱਲ ਰਿਹਾ ਹੈ ਤੇ ਹਾਲਤ ਸਥਿਰ ਹੈ। ਉਕਤ ਮਹਿਲਾ ‘ਤੇ ਪੁਲਿਸ ਦਾ ਪਹਿਰਾ ਵੀ ਲਾਇਆ ਗਿਆ ਹੈ ਤੇ ਡਾਕਟਰਾਂ ਵੱਲੋਂ ਆਪ੍ਰੇਸ਼ਨ ਕਰਨ ਮਗਰੋਂ ਉਸ ਤੋਂ ਪੁੱਛਗਿੱਛ ਕੀਤੀ ਜਾਵੇਗੀ।

Check Also

ਰੇਲ ‘ਚ ਭੁੱਖ ਨਾਲ ਰੋਣ ਲੱਗਾ ਬੱਚਾ, ਮਾਂ ਨੇ ਰੇਲ ਮੰਤਰੀ ਨੂੰ ਕੀਤਾ ਟਵੀਟ 

ਲਖਨਊ- ਉੱਤਰ ਪ੍ਰਦੇਸ਼ ‘ਚ ਟਰੇਨ ‘ਚ ਸਫਰ ਕਰ ਰਹੀ ਇਕ ਔਰਤ ਦਾ ਅੱਠ ਮਹੀਨੇ ਦਾ …

Leave a Reply

Your email address will not be published. Required fields are marked *