Home / ਸੰਸਾਰ / ਇੱਕ ਛੋਟੇ ਜਿਹੇ ਕੀੜੇ ਨੇ ਰੋਕੀਆਂ ਦਰਜਨ ਭਰ ਟਰੇਨਾਂ, 12 ਹਜ਼ਾਰ ਯਾਤਰੀ ਹੋਏ ਪਰੇਸ਼ਾਨ

ਇੱਕ ਛੋਟੇ ਜਿਹੇ ਕੀੜੇ ਨੇ ਰੋਕੀਆਂ ਦਰਜਨ ਭਰ ਟਰੇਨਾਂ, 12 ਹਜ਼ਾਰ ਯਾਤਰੀ ਹੋਏ ਪਰੇਸ਼ਾਨ

ਜਪਾਨ ਦੀ ਰੇਲਵੇ ਵਾਰੇ ਕਿਹਾ ਜਾਂਦਾ ਹੈ ਕਿ ਟਰੇਨਾਂ ਦੇ ਆਉਣ ਜਾਣ ਦਾ ਸਮਾਂ ਇੰਨਾ ਪੱਕਾ ਹੈ ਕਿ ਇਸ ਦੇ ਹਿਸਾਬ ਨਾਲ ਲੋਕ ਆਪਣੀ ਘੜੀਆਂ ਦੀ ਸੂਈਆਂ ਮਿਲਾਉਂਦੇ ਹਨ। ਪਰ ਇਸ ਦੇਸ਼ ‘ਚ ਵੀ ਟਾਈਮ ਮੈਨੇਜਮੈਂਟ ਵਿਗੜ ਗਿਆ ਜਿਸ ਦਾ ਕਾਰਨ ਕੋਈ ਹੋਰ ਨਹੀਂ ਬਲਕਿ ਇਕ ਕੀੜਾ ਹੈ। ਮਾਮਲਾ ਪੜ੍ਹਨ ‘ਚ ਮਜ਼ੇਦਾਰ ਹੈ ਕਿਉਂਕਿ ਇੱਕ ਕੀੜੇ ਕਾਰਨ ਲਗਭਗ ਦਰਜਨ ਦੇ ਕਰੀਬ ਟਰੇਨਾ ਲੇਟ ਹੋਈਆਂ ਤੇ 26 ਟਰੇਨਾਂ ਨੂੰ ਰੋਕਣਾ ਪਿਆ ਜਿਸਦੇ ਚਲਦੇ 12 ਹਜ਼ਾਰ ਯਾਤਰੀ ਪਰੇਸ਼ਾਨ ਹੋਏ। ਰੇਲਵੇ ਆਪਰੇਟਰ ਨੇ ਐਤਵਾਰ ਨੂੰ ਜਾਣਕਾਰੀ ਦਿੰਦੇ ਦੱਸਿਆ ਕਿ ਕਯੋਸ਼ੋ ਰੇਲਵੇ ਵੱਲੋਂ ਚਲਾਈਆਂ ਜਾਣ ਵਾਲੀਆਂ ਦੱਖਣੀ ਜਪਾਨ ਦੀਆਂ ਕੁਝ ਲਾਈਨਾ ‘ਤੇ 30 ਮਈ ਨੂੰ ਬਿਜਲੀ ਠੱਪ ਰਹਿਣ ਕਾਰਨ ਕੁਝ ਟਰੇਨਾਂ ਲੇਟ ਹੋ ਗਈਆਂ ਤੇ ਕੁਝ ਨੂੰ ਰੋਕਣਾ ਪਿਆ। ਇਸ ਵਜ੍ਹਾ ਕਾਰਨ ਕੰਪਨੀ ਨੂੰ ਮਜਬੂਰੀ ‘ਚ 26 ਟਰੇਨਾ ਤੇ ਹੋਰ ਕਈ ਦੂਜੀ ਸੇਵਾਵਾਂ ਬੰਦ ਕਰਨੀਆਂ ਪਈਆਂ। ਇਸ ਘਟਨਾ ਦਾ ਦੋਸ਼ੀ ਇੱਕ ਛੋਟੇ ਜਿਹੇ ਘੋਗੇ ਨੂੰ ਕਰਾਰਿਆ ਗਿਆ, ਅਸਲ ‘ਚ ਘੋਗਾ ਰੇਲਵੇ ਟਰੈਕ ਦੇ ਨੇੜ੍ਹੇ ਲੱਗੇ ਇੱਕ ਬਿਜਲੀ ਦੇ ਉਪਕਰਣ ਦੇ ਅੰਦਰ ਚਲੇ ਗਿਆ ਜਿਸ ਕਾਰਨ ਸ਼ਾਰਟ ਸਰਕਟ ਹੋ ਗਿਆ।

Check Also

ਅਮਰੀਕਾ: ਨਦੀ ‘ਚ ਰੁੜ੍ਹੇ ਤਿੰਨ ਬੱਚਿਆਂ ਨੂੰ ਬਚਾਉਣ ਖਾਤਰ ਡੁੱਬਿਆ ਪੰਜਾਬੀ ਨੌਜਵਾਨ

ਫ਼ਰਿਜ਼ਨੋ: ਅਮਰੀਕਾ ਦੇ ਕੈਲੇਫ਼ੋਰਨੀਆ ਸੂਬੇ ਦੀ ਕਿੰਗਜ਼ ਨਦੀ ਵਿਚ ਡੁੱਬ ਰਹੇ ਤਿੰਨ ਬੱਚਿਆਂ ਨੂੰ ਬਚਾਉਣ …

Leave a Reply

Your email address will not be published. Required fields are marked *