App Platforms
Home / News / ਆਕਸਫੋਰਡ ਦੇ ਵਿਗਿਆਨੀ ਟੀਕੇ ਦਾ ਨਵਾਂ ਰੂਪ ਤਿਆਰ ਕਰਨ ‘ਚ ਜੁਟੇ

ਆਕਸਫੋਰਡ ਦੇ ਵਿਗਿਆਨੀ ਟੀਕੇ ਦਾ ਨਵਾਂ ਰੂਪ ਤਿਆਰ ਕਰਨ ‘ਚ ਜੁਟੇ

ਵਰਲਡ ਡੈਸਕ – ਬ੍ਰਿਟੇਨ, ਅਮਰੀਕਾ ਤੇ ਭਾਰਤ ਸਣੇ ਕਈ ਦੇਸ਼ਾਂ ਨੇ ਵੀ ਆਪੋ ਆਪਣੀਆਂ ਥਾਵਾਂ ‘ਤੇ ਟੀਕਾਕਰਨ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਹੈ ਪਰ ਕੋਰੋਨਾ ਦੇ ਬਦਲਦੇ ਰੂਪ ਨੇ ਹਰ ਇਕ ਦੀ ਚਿੰਤਾ ਵਧਾ ਦਿੱਤੀ ਹੈ ਕਿਉਂਕਿ ਇਹ ਕੋਰੋਨਾ ਦੇ ਪੁਰਾਣੇ ਰੂਪ ਨਾਲੋਂ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਅਜਿਹੀ ਸਥਿਤੀ ‘ਚ, ਇਹ ਵੀ ਉਮੀਦ ਕੀਤੀ ਜਾਂਦੀ ਹੈ ਕਿ ਇਹ ਟੀਕਾ ਪੁਰਾਣੇ ਰੂਪ ਨੂੰ ਧਿਆਨ ‘ਚ ਰੱਖਦਿਆਂ ਬਣਾਇਆ ਗਿਆ ਹੈ ਤੇ ਕੀ ਇਹ ਨਵੇਂ ਰੂਪ ‘ਚ ਪ੍ਰਭਾਵੀ ਹੋਏਗੀ ਜਾਂ ਨਹੀਂ। ਆਕਸਫੋਰਡ ਦੇ ਵਿਗਿਆਨੀ ਕੋਰੋਨਾ ਦੇ ਨਵੇਂ ਰੂਪਾਂ ਨਾਲ ਲੜਨ ਲਈ ਟੀਕੇ ਦੇ ਨਵੇਂ ਸੰਸਕਰਣ ਵੀ ਤਿਆਰ ਕਰ ਰਹੇ ਹਨ।

ਆਕਸਫੋਰਡ-ਐਸਟਰਾਜ਼ੇਨੇਕਾ ਟੀਕਾ ਤਿਆਰ ਕਰਨ ਵਾਲੇ ਵਿਗਿਆਨੀਆਂ ਦੀ ਟੀਮ ਇਸ ਟੀਕੇ ‘ਚ ਤਬਦੀਲੀਆਂ ਦੀ ਸੰਭਾਵਨਾ ਦਾ ਅਧਿਐਨ ਕਰ ਰਹੀ ਹੈ। ਵਿਗਿਆਨੀ ਇਹ ਵੀ ਅੰਦਾਜ਼ਾ ਲਗਾ ਰਹੇ ਹਨ ਕਿ ਉਹ ਕਿੰਨੀ ਜਲਦੀ ਨਵੇਂ ਰੂਪਾਂ ਲਈ ਟੀਕਾ ਬਦਲ ਸਕਦੇ ਹਨ।

ਇਸਤੋਂ ਇਲਾਵਾ ਆਕਸਫੋਰਡ ਨਵੇਂ ਰੂਪਾਂ ਅਨੁਸਾਰ ਟੀਕੇ ‘ਚ ਤਬਦੀਲੀ ਕਰਨ ਦੀ ਪ੍ਰਕਿਰਿਆ ‘ਤੇ ਵੀ ਵਿਚਾਰ ਕਰ ਰਹੇ ਹਨ। ਪਰ ਅਜੇ ਤੱਕ ਆਕਸਫੋਰਡ ਨੇ ਅਧਿਕਾਰਤ ਤੌਰ ‘ਤੇ ਇਸ ਬਾਰੇ ਕੋਈ ਬਿਆਨ ਨਹੀਂ ਦਿੱਤਾ ਹੈ।

 ਜਾਣਕਾਰੀ ਦਿੰਦਿਆਂ ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਵੀ ਬੀਤੇ ਬੁੱਧਵਾਰ ਨੂੰ ਕਿਹਾ ਕਿ ਦੇਸ਼ ਦਾ ਡਰੱਗ ਰੈਗੂਲੇਟਰ ਜਲਦੀ ਹੀ ਕੋਰੋਨਾ ਵਾਇਰਸ ਦੇ ਨਵੇਂ ਰੂਪਾਂ ਲਈ ਟੀਕੇ ਦੇ ਨਵੇਂ ਸੰਸਕਰਣਾਂ ਨੂੰ ਮਨਜ਼ੂਰੀ ਦੇਣ ਲਈ ਤਿਆਰ ਹੋਵੇਗਾ।

Check Also

ਦਿੱਲੀ ਤੋਂ ਆਈ ਦੁਖਦਾਇਕ ਖ਼ਬਰ, ਧਰਨੇ ‘ਚ ਨੌਜਵਾਨ ਨੇ ਤੋੜਿਆ ਦਮ

ਨਵੀਂ ਦਿੱਲੀ : ਦਿੱਲੀ ਅੰਦਰ ਚੱਲ ਰਹੇ ਕਿਸਾਨੀ ਸੰਘਰਸ਼ ਦਰਮਿਆਨ ਮਰਨ ਵਾਲਿਆਂ ਦੀ ਗਿਣਤੀ ਲਗਾਤਾਰ …

Leave a Reply

Your email address will not be published. Required fields are marked *