ਨਵੀਂ ਦਿੱਲੀ: ਇਸ ਵਾਰ ਦਿੱਲੀ ਵਿਧਾਨ ਸਭਾ ਚੋਣਾਂ ਵਿੱਚ ਕਈ ਮੁੱਦੇ ਚਰਚਾ ਵਿੱਚ ਹਨ। ਮੁਫਤ ਸਕੀਮਾਂ ਤੋਂ ਲੈ ਕੇ ਹਿੰਦੂਤਵ ਤੱਕ ਦੀ ਗੱਲ ਹੋ ਰਹੀ ਹੈ। ਪਰ ਹੁਣ ਭਾਜਪਾ ਦੇ ਯੋਗੀ ਆਦਿਤਿਆਨਾਥ ਦਿੱਲੀ ਵਿੱਚ ਦਾਖ਼ਲ ਹੋ ਰਹੇ ਹਨ। ਯੋਗੀ 23 ਜਨਵਰੀ ਤੋਂ ਦਿੱਲੀ ‘ਚ ਚੋਣ ਪ੍ਰਚਾਰ ਦੀ ਸ਼ੁਰੂਆਤ ਕਰਨਗੇ। ਉਨ੍ਹਾਂ ਦੀ ਮੌਜੂਦਗੀ ਨਾਲ ਚੋਣ ਮਾਹੌਲ ਵਿੱਚ ਵੱਡੀ ਤਬਦੀਲੀ ਆਉਣ ਦੀ ਸੰਭਾਵਨਾ ਹੈ।
ਯੋਗੀ ਆਦਿਤਿਆਨਾਥ ਨੂੰ ਭਾਜਪਾ ਦਾ ਬ੍ਰਹਮਾਸਤਰ ਕਿਹਾ ਜਾਂਦਾ ਹੈ। ਉਨ੍ਹਾਂ ਦੀਆਂ ਚੋਣ ਰੈਲੀਆਂ ਅਤੇ ਭਾਸ਼ਣਾਂ ਦਾ ਅਸਰ ਕਈ ਰਾਜਾਂ ਵਿੱਚ ਦੇਖਣ ਨੂੰ ਮਿਲਿਆ ਹੈ। “ਬਟੇਂਗੇ ਤੋਂ ਕੱਟੇਂਗੇ” ਵਰਗੇ ਨਾਅਰਿਆਂ ਨੇ ਉਨ੍ਹਾਂ ਨੂੰ ਲੋਕਾਂ ਵਿੱਚ ਵਿਸ਼ੇਸ਼ ਪਛਾਣ ਦਿੱਤੀ ਹੈ। ਉਨ੍ਹਾਂ ਦਾ ਅਕਸ ਹਿੰਦੂਤਵ ਦੇ ਸਭ ਤੋਂ ਵੱਡੇ ਚਿਹਰੇ ਵਜੋਂ ਹੈ, ਜੋ ਭਾਜਪਾ ਦੇ ਏਜੰਡੇ ਨੂੰ ਮਜ਼ਬੂਤ ਕਰਦਾ ਹੈ।
ਸੂਤਰਾਂ ਅਨੁਸਾਰ ਯੋਗੀ ਆਦਿੱਤਿਆਨਾਥ 23 ਜਨਵਰੀ ਤੋਂ ਦਿੱਲੀ ‘ਚ ਚੋਣ ਪ੍ਰਚਾਰ ਸ਼ੁਰੂ ਕਰਨਗੇ।
23 ਜਨਵਰੀ: ਕਿਰਾੜੀ, ਉੱਤਮਨਗਰ, ਜਨਕਪੁਰੀ ਵਿੱਚ ਰੈਲੀਆਂ।
28 ਜਨਵਰੀ: ਮੁਸਤਫਾਬਾਦ, ਘੋਂਡਾ, ਸ਼ਾਹਦਰਾ ਅਤੇ ਪਤਪੜਗੰਜ ਵਿੱਚ ਜਨਤਕ ਮੀਟਿੰਗਾਂ।
30 ਜਨਵਰੀ: ਮਹਿਰੌਲੀ, ਆਰਕੇ ਪੁਰਮ, ਰਾਜੇਂਦਰ ਨਗਰ, ਛਤਰਪੁਰ ਵਿੱਚ ਚੋਣ ਪ੍ਰਚਾਰ।
1 ਫਰਵਰੀ: ਪਾਲਮ, ਬਿਜਵਾਸਨ, ਦਵਾਰਕਾ ਵਿੱਚ ਰੈਲੀਆਂ।
ਇਨ੍ਹਾਂ ਰੈਲੀਆਂ ‘ਚ ਯੋਗੀ ਆਦਿਤਿਆਨਾਥ ਜਨਤਾ ਨੂੰ ਭਾਜਪਾ ਦੇ ਪੱਖ ‘ਚ ਵੋਟ ਪਾਉਣ ਦੀ ਅਪੀਲ ਕਰਨਗੇ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
