ਵਾਸ਼ਿੰਗਟਨ: ਦੁਨੀਆ ਭਰ ‘ਚ ਬੁੱਧਵਾਰ ਨੂੰ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਦੇ ਅਸਤੀਫੇ ਦੀ ਫਰਜੀ ਖਬਰ ਫੈਲ ਗਈ। ਇਸ ਨੂੰ ਲੈ ਕੇ ਅਮਰੀਕਾ ਸਣੇ ਦੁਨੀਆ ਭਰ ਵਿੱਚ ਟਰੰਪ ਵਿਰੋਧੀ ਲੋਕ ਜਸ਼ਨ ਮਨਾਉਣ ਲੱਗੇ। ਦਰਅਸਲ ਬੁੱਧਵਾਰ ਨੂੰ ਅਮਰੀਕਾ ‘ਚ ‘ਵਾਸ਼ਿੰਗਟਨ ਪੋਸਟ’ ਅਖਬਾਰ ਦੇ ਫਰਜੀ ਐਡੀਸ਼ਨ ਦਾ ਵ੍ਹਾਈਟ ਹਾਊਸ ਦੇ ਆਲੇ ਦੁਆਲੇ ਤੇ ਵਾਸ਼ਿੰਗਟਨ ਦੇ ਆਸ ਪਾਸ ਦੇ ਇਲਾਕੇ ‘ਚ ਖੁੱਲੇਆਮ ਵੰਡਿਆ ਗਿਆ।
ਇਸ ਵਿੱਚ ਦਾਅਵਾ ਕੀਤਾ ਗਿਆ ਕਿ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਅਸਤੀਫਾ ਦੇ ਦਿੱਤਾ ਹੈ। ਮੂਲ ਅਖਬਾਰ ਦੇ ਐਡੀਸ਼ਨ ਦੀ ਤਰ੍ਹਾਂ ਇਸਨੂੰ ਪੇਸ਼ ਕੀਤਾ ਗਿਆ। ਇਸ ਵਿੱਚ 6 ਕਾਲਮ ‘ਚ ਵੱਡਾ ਲੇਖ ਦਿੱਤਾ ਗਿਆ – ‘ਟਰੰਪ ਵਹਾਇਟ ਹਾਉਸ ਤੋਂ ਵਿਦਾ, ਸੰਕਟ ਖਤਮ’ ( UNPRESIDENTED Trump hastily departs White House , ending crisis )
FAKE NEWS-PAPER: A clever imitation of the Washington Post is circulating around town. It’s put out by a satirical group called the “Yes Men.” Some are not amused. “I find folks trying to imitate the Post with truly fake news quite unhelpful,” says Geoff Dabello. #fake #washpo pic.twitter.com/PwsKDSVsu8
— Richard Reeve (@richardreeve317) January 16, 2019
ਇਸ ਲੀਡ ਨਿਊਜ ਵਿੱਚ 4 ਕਾਲਮ ਵਿੱਚ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀ ਤਸਵੀਰ ਲੱਗੀ ਹੋਈ ਹੈ ਜਿਸ ਵਿੱਚ ਉਹ ਸਿਰ ਹੇਠਾਂ ਝੁਕਾਏ ਪਰੇਸ਼ਾਨ ਨਜ਼ਰ ਆ ਰਹੇ ਹਨ। ਅਖਬਾਰ ਵਿੱਚ ਇੱਕ ਮਈ, 2019 ਦੀ ਤਾਰੀਖ ਵੀ ਦਰਜ ਸੀ। ਸਮਾਚਾਰ ਏਜੰਸੀ ਦੇ ਮੁਤਾਬਕ ਪੈਨਸਿਲਵੇਨੀਆ ਐਵੇਨਿਊ ਅਤੇ ਵ੍ਹਾਈਟ ਹਾਊਸ ਦੇ ਬਾਹਰ ਇਸ ਅਖਬਾਰ ਨੂੰ ਵੰਡ ਰਹੀ ਇੱਕ ਮਹਿਲਾ ਨੇ ਕਿਹਾ ਕਿ ਵਾਸ਼ਿੰਗਟਨ ਪੋਸਟ ਦਾ ਇਹ ਵਿਸ਼ੇਸ਼ ਐਡੀਸ਼ਨ ਲਓ ਇਹ ਮੁਫਤ ਹੈ। ਤੁਹਾਨੂੰ ਇਹ ਕਦੇ ਨਹੀਂ ਮਿਲੇਗਾ ਮਹਿਲਾ ਪਲਾਸਟਿਕ ਬੈਗ ਵਿੱਚ ਅਖਬਾਰ ਦਾ ਬੰਡਲ ਰੱਖ ਕੇ ਉਥੋਂ ਆਉਣ ਜਾਣ ਵਾਲਿਆਂ ਨੂੰ ਅਖਬਾਰ ਵੰਡ ਰਹੀ ਸੀ।
ਉਥੇ ਹੀ ਇਹ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ‘ਵਾਸ਼ਿੰਗਟਨ ਪੋਸਟ’ ਨੇ ਟਵੀਟ ਕਰ ਆਪਣਾ ਸਪਸ਼ਟੀਕਰਨ ਜਾਰੀ ਕੀਤਾ। ਵਾਸ਼ਿੰਗਟਨ ਪੋਸਟ ਨੇ ਕਿਹਾ ਕਿ ਕਿ ਟਰੰਪ ਦੇ ਅਸਤੀਫੇ ਦੀ ਫਰਜੀ ਨਿਊਜ ਵਾਲੇ ਅਖਬਾਰ ਦਾ ਵੰਡਿਆ ਗਿਆ ਹੈ।
There are fake print editions of The Washington Post being distributed around downtown DC, and we are aware of a website attempting to mimic The Post’s. They are not Post products, and we are looking into this.
— Washington Post PR (@WashPostPR) January 16, 2019
ਇਸ ਫਰਜੀ ਅਖਬਾਰ ਨਾਲ ਵਾਸ਼ਿੰਗਟਨ ਪੋਸਟ ਦਾ ਕੋਈ ਲੈਣਾ – ਦੇਣਾ ਨਹੀਂ ਹੈ। ਇਸ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ ਹਾਲਾਂਕਿ ਹਾਲੇ ਇਸ ਖਬਰ ‘ਤੇ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਅਤੇ ਵ੍ਹਾਈਟ ਹਾਊਸ ਵਲੋਂ ਕੋਈ ਪ੍ਰਤੀਕਿਰਆ ਨਹੀਂ ਆਈ ਹੈ।
