ਹਰਦੋਈ: ਉੱਤਰ ਪ੍ਰਦੇਸ਼ ਦੇ ਹਰਦੋਈ ਜ਼ਿਲੇ ‘ਚ ਸ਼ਨੀਵਾਰ ਦੁਪਹਿਰ ਨੂੰ ਇੱਕ ਵੱਡਾ ਹਾਦਸਾ ਵਾਪਰਿਆ। ਜਿੱਥੇ ਇੱਕ ਟਰੈਕਟਰ-ਟਰਾਲੀ ਬੇਕਾਬੂ ਹੋ ਕੇ ਨਦੀ ਵਿੱਚ ਜਾ ਡਿੱਗੀ। ਜਾਣਕਾਰੀ ਮੁਤਾਬਕ ਟਰਾਲੀ ਵਿੱਚ ਲਗਭਗ 25 ਤੋਂ 30 ਲੋਕ ਸਵਾਰ ਸਨ। 12 ਲੋਕਾਂ ਨੇ ਤੈਰ ਕੇ ਆਪਣੀ ਜਾਨ ਬਚਾਈ, ਜਦਕਿ ਲਾਪਤਾ ਲੋਕਾਂ ਦੀ ਭਾਲ ਜਾਰੀ ਹੈ।
ਅਸਲ ‘ਚ ਥਾਣਾ ਪਾਲੀ ਦੇ ਪਿੰਡ ਬੇਗਰਾਜਪੁਰ ਦੇ ਰਹਿਣ ਵਾਲੇ ਕੁਝ ਕਿਸਾਨ ਆਪਣੇ ਖੀਰੇ ਵੇਚਣ ਲਈ ਕਸਬਾ ਪਾਲੀ ਗਏ ਹੋਏ ਸਨ। ਕਿਸਾਨ ਖੀਰੇ ਵੇਚ ਕੇ ਵਾਪਸ ਪਰਤ ਰਹੇ ਸਨ। ਫਿਰ ਪਿੰਡ ਦੇ ਹੋਰ ਲੋਕ ਕਸਬੇ ਵਿੱਚ ਇਕੱਠੇ ਹੋਏ ਅਤੇ ਟਰੈਕਟਰ-ਟਰਾਲੀ ‘ਚ ਸਵਾਰ ਹੋ ਗਏ। ਉਦੋਂ ਪਾਲੀ ਕਸਬੇ ਦੇ ਬਾਹਰ ਗੜਾ ਨਦੀ ਦੇ ਪੁਲ ’ਤੇ ਟਰੈਕਟਰ ਟਰਾਲੀ ਬੇਕਾਬੂ ਹੋ ਕੇ ਪੁਲ ਦੀ ਰੇਲਿੰਗ ਤੋੜਦੇ ਹੋਈ ਨਦੀ ਵਿੱਚ ਜਾ ਡਿੱਗੀ।
ਚਸ਼ਮਦੀਦਾਂ ਮੁਤਾਬਕ ਟਰੈਕਟਰ ਟਰਾਲੀ ਵਿੱਚ 25 ਤੋਂ 30 ਲੋਕ ਸਵਾਰ ਸਨ। ਇਸ ਦੌਰਾਨ ਲਗਭਗ 12 ਲੋਕਾਂ ਨੇ ਨਦੀ ‘ਚ ਤੈਰ ਕੇ ਆਪਣੀ ਜਾਨ ਬਚਾਈ, ਜਦਕਿ ਟਰੈਕਟਰ ਟਰਾਲੀ ‘ਚ ਸਵਾਰ ਬਾਕੀ ਲੋਕ ਲਾਪਤਾ ਹਨ, ਜਿਨ੍ਹਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਪ੍ਰਸ਼ਾਸਨਿਕ ਅਧਿਕਾਰੀ ਅਤੇ ਪੁਲਿਸ ਅਧਿਕਾਰੀ ਮੌਕੇ ‘ਤੇ ਮੌਜੂਦ ਹਨ। ਗੋਤਾਖੋਰ ਲਾਪਤਾ ਲੋਕਾਂ ਦੀ ਭਾਲ ਕਰ ਰਹੇ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
