ਟੋਕਿਓ : ਭਾਰਤੀ ਲੜਕੀਆਂ ਨੇ ਬੁੱਧਵਾਰ ਨੂੰ ਟੋਕਿਓ ਓਲੰਪਿਕ ਵਿੱਚ ਜ਼ਬਰਦਸਤ ਪ੍ਰਦਰਸ਼ਨ ਕੀਤਾ। ਮੁੱਕੇਬਾਜ਼ੀ ਵਿਚ ਪੂਜਾ ਰਾਣੀ ਮਹਿਲਾਵਾਂ ਦੇ 75 ਕਿੱਲੋ ਭਾਰ ਵਰਗ ਦੇ ਕੁਆਰਟਰ ਫਾਈਨਲ ਵਿਚ ਪਹੁੰਚ ਗਈ ਹੈ। ਹੁਣ ਇੱਕ ਹੋਰ ਮੈਚ ਜਿੱਤਣ ਨਾਲ ਉਸਦਾ ਤਗਮਾ ਪੱਕਾ ਹੋ ਜਾਵੇਗਾ । ਇਸ ਦੇ ਨਾਲ ਹੀ ਬੈਡਮਿੰਟਨ ਵਿੱਚ ਪੀ.ਵੀ. ਸਿੰਧੂ ਅਤੇ ਤੀਰਅੰਦਾਜ਼ੀ ਵਿੱਚ ਦੀਪਿਕਾ ਕੁਮਾਰੀ ਮਹਿਲਾ ਸਿੰਗਲਜ਼ ਦੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਪਹੁੰਚ ਗਈ ਹੈ। ਹਾਲਾਂਕਿ ਮਹਿਲਾ ਹਾਕੀ ਟੀਮ ਨੇ ਇੱਕ ਵਾਰ ਫਿਰ ਨਿਰਾਸ਼ ਕੀਤਾ, ਮਹਿਲਾ ਹਾਕੀ ਟੀਮ ਨੂੰ ਲਗਾਤਾਰ ਤੀਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਪੂਜਾ ਰਾਣੀ ਨੇ ਰਾਊਂਡ ਆਫ਼ 16 ਮੈਚ ਦੇ ਮੁਕਾਬਲੇ ਵਿੱਚ ਅਲਜੀਰੀਆ ਦੀ ਇਚਰਾਕ ਚਾਇਬ ਨੂੰ 5-0 ਨਾਲ ਹਰਾਇਆ। ਤਿੰਨੋਂ ਗੇੜ ਵਿਚ ਪੂਜਾ ਨੂੰ ਪੰਜਾਂ ਜੱਜਾਂ ਤੋਂ ਪੂਰੇ ਅੰਕ ਮਿਲੇ। ਉਸ ਤੋਂ ਪਹਿਲਾਂ ਲਵਲੀਨਾ ਬੋਰਗੋਹੇਨ ਵੀ 69 ਕਿੱਲੋ ਭਾਰ ਵਰਗ ਵਿੱਚ ਕੁਆਰਟਰ ਫਾਈਨਲ ਵਿੱਚ ਪਹੁੰਚ ਗਈ ਹੈ।
ਤੀਰਅੰਦਾਜ਼ੀ ਦੇ ਮਹਿਲਾ ਸਿੰਗਲਜ਼ ਵਿੱਚ ਦੀਪਿਕਾ ਕੁਮਾਰੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਦੀਪਿਕਾ ਨੇ ਬੁੱਧਵਾਰ ਨੂੰ ਦੋ ਮੈਚਾਂ ਵਿੱਚ ਭੂਟਾਨ ਅਤੇ ਅਮਰੀਕਾ ਦੇ ਖਿਡਾਰੀਆਂ ਨੂੰ ਹਰਾਇਆ।
ਤੀਰਅੰਦਾਜ਼ੀ ਵਿਚ, ਦੀਪਿਕਾ ਨੇ ਰਾਊਂਡ ਆਫ਼ 32 ਐਲੀਮੀਨੇਸ਼ਨ ਦੇ ਮੁਕਾਬਲੇ ਵਿਚ ਭੂਟਾਨ ਦੀ ਕਰਮਾ ਨੂੰ 6-0 ਨਾਲ ਹਰਾਇਆ। ਉਸ ਤੋਂ ਬਾਅਦ ਉਸਨੇ ਅਮਰੀਕਾ ਦੀ ਜੈਨੀਫਰ ਫਰਨਾਂਡੀਜ ਨੂੰ ਰਾਊਂਡ ਆਫ਼ 32 ਐਲੀਮੀਨੇਸ਼ਨ ਦੇ ਮੁਕਾਬਲੇ ਵਿੱਚ 6-4 ਨਾਲ ਹਰਾਇਆ। ਦੀਪਿਕਾ ਇਸ ਮੈਚ ਵਿਚ ਪਹਿਲਾ ਸੈੱਟ ਹਾਰ ਗਈ। ਉਸ ਤੋਂ ਬਾਅਦ ਉਸ ਨੇ ਅਗਲੇ ਦੋ ਸੈਟ ਜਿੱਤੇ ਅਤੇ 4-2 ਦੀ ਬੜ੍ਹਤ ਬਣਾ ਲਈ। ਤੀਜੇ ਸੈੱਟ ਵਿੱਚ, ਅਮਰੀਕੀ ਮੁੱਕੇਬਾਜ਼ ਇੱਕ ਵਾਰ ਫਿਰ ਮੈਚ ਨੂੰ 4-4 ਨਾਲ ਬਰਾਬਰੀ ‘ਤੇ ਲੈ ਆਇਆ । ਪੰਜਵੇਂ ਅਤੇ ਫੈਸਲਾਕੁਨ ਸੈੱਟ ਵਿਚ ਦੀਪਿਕਾ ਨੇ ਮੈਚ 6-2 ਨਾਲ ਜਿੱਤਿਆ ਅਤੇ ਜਿੱਤੀ।
#IND's Deepika Kumari enters the Round of 16 of women's individual recurve #archery event, defeating 18-YO Jennifer Mucino-Fernandez of #USA 6-4 🎯#Tokyo2020 | #UnitedByEmotion | #StrongerTogether | @ImDeepikaK
— Olympic Khel (@OlympicKhel) July 28, 2021
ਦੂਜੇ ਪਾਸੇ ਭਾਰਤੀ ਬੈਡਮਿੰਟਨ ਖਿਡਾਰੀ ਪੀ ਵੀ ਸਿੰਧੂ ਨੇ ਵੀ ਗਰੁੱਪ ਪੜਾਅ ਦਾ ਆਪਣਾ ਦੂਜਾ ਮੈਚ ਜਿੱਤ ਲਿਆ ਹੈ। ਗਰੁੱਪ ਜੇ ਵਿੱਚ, ਉਸਨੇ ਹਾਂਗਕਾਂਗ ਦੀ ਏਨਗਾਨ ਯੀ ਚੇਯੁੰਗ ਨੂੰ 35 ਮਿੰਟ ਵਿੱਚ 21-9, 21-16 ਨਾਲ ਹਰਾਇਆ।
ਸਿੰਧੂ ਨੇ ਪਹਿਲਾ ਮੈਚ ਵੀ ਜਿੱਤਿਆ ਸੀ। ਇਸ ਤਰ੍ਹਾਂ ਸਿੰਧੂ ਨਾਕਆਊਟ ਦੌਰ ‘ਚ ਪਹੁੰਚ ਗਈ ਹੈ। ਸਿੰਧੂ ਦਾ ਹੁਣ ਪ੍ਰੀ ਕੁਆਰਟਰ ਫਾਈਨਲ ਵਿੱਚ ਡੈਨਮਾਰਕ ਦੀ ਮੀਆਂ ਬਲਿਚਫੈਲਟ ਨਾਲ ਮੁਕਾਬਲਾ ਹੋਵੇਗਾ।
