ਨਿਊਜ਼ ਡੈਸਕ: ਬਾਲੀਵੁੱਡ ਦੀ ਮਸ਼ਹੂਰ ਅਤੇ ਦਿੱਗਜ ਅਦਾਕਾਰਾ ਜਯਾ ਬੱਚਨ ਨੇ ਸ਼ਨੀਵਾਰ (9 ਅਪ੍ਰੈਲ) ਨੂੰ ਆਪਣਾ 74ਵਾਂ ਜਨਮਦਿਨ ਮਨਾਇਆ। ਜਯਾ ਬੱਚਨ ਦੇ 74ਵੇਂ ਜਨਮਦਿਨ ‘ਤੇ ਉਨ੍ਹਾਂ ਦੀ ਬੇਟੀ ਸ਼ਵੇਤਾ ਬੱਚਨ ਨੇ ਇੰਸਟਾਗ੍ਰਾਮ ‘ਤੇ ਉਨ੍ਹਾਂ ਦੀ ਇਕ ਤਸਵੀਰ ਸ਼ੇਅਰ ਕੀਤੀ ਹੈ ਅਤੇ ਉਨ੍ਹਾਂ ਨੂੰ ਜਨਮਦਿਨ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ।
ਸ਼ਵੇਤਾ ਬੱਚਨ ਦੀ ਪੋਸਟ ‘ਤੇ ਨੇਹਾ ਧੂਪੀਆ, ਮਹੀਪ ਕਪੂਰ ਸਮੇਤ ਕਈ ਸਿਤਾਰਿਆਂ ਨੇ ਵੀ ਕਮੈਂਟ ਸੈਕਸ਼ਨ ‘ਚ ਜਯਾ ਬੱਚਨ ਨੂੰ ਜਨਮਦਿਨ ਦੀਆਂ ਵਧਾਈਆਂ ਦਿੱਤੀਆਂ ਹਨ। ਜਯਾ ਬੱਚਨ ਦੀ ਇਹ ਤਸਵੀਰ ਉਨ੍ਹਾਂ ਦਿਨਾਂ ਦੀ ਹੈ ਜਦੋਂ ਉਹ NCC (ਨੈਸ਼ਨਲ ਕੈਡੇਟ ਕੋਰ) ਦਾ ਹਿੱਸਾ ਹੁੰਦੀ ਸੀ। ਇਹ ਉਸ ਦੀ ਬਲੈਕ ਐਂਡ ਵ੍ਹਾਈਟ ਤਸਵੀਰ ਹੈ। ਤਸਵੀਰ ਵਿੱਚ ਜਯਾ ਬੱਚਨ ਪੂਰੀ ਤਰ੍ਹਾਂ ਐਨਸੀਸੀ ਡਰੈੱਸ ਵਿੱਚ ਨਜ਼ਰ ਆ ਰਹੀ ਹੈ ਅਤੇ ਉਹ ਮੁਸਕਰਾਉਂਦੀ ਹੋਈ ਨਜ਼ਰ ਆ ਰਹੀ ਹੈ।ਸ਼ਵੇਤਾ ਬੱਚਨ ਨੇ ਲਿਖਿਆ, ‘ਮਾਂ, ਇਸ ਤਰ੍ਹਾਂ ਮੁਸਕਰਾਉਂਦੇ ਰਹੋ ਜਿਵੇਂ ਤੁਹਾਨੂੰ NCC ਬੈਸਟ ਕੈਡੇਟ ਚੁਣਿਆ ਗਿਆ ਹੋਵੇ।
ਸੋਸ਼ਲ ਮੀਡੀਆ ‘ਤੇ ਜਯਾ ਬੱਚਨ ਲਈ ਲਿਖੀ ਸ਼ਵੇਤਾ ਦੀ ਇਹ ਖਾਸ ਪੋਸਟ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਦਿੱਗਜ ਅਦਾਕਾਰਾ ਦੇ ਪ੍ਰਸ਼ੰਸਕ ਇਸ ਪੋਸਟ ਨੂੰ ਕਾਫੀ ਪਸੰਦ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਕਮੈਂਟ ਕਰਕੇ ਜਯਾ ਬੱਚਨ ਨੂੰ ਜਨਮਦਿਨ ਦੀ ਵਧਾਈ ਦੇ ਰਹੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
