ਨਿਊਜ਼ ਡੈਸਕ: ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਸੀਐਮ ਗਹਿਲੋਤ ਨੇ ਇੱਕ ਮੰਦਿਰ ਦੀ ਯਾਤਰਾ ਦੌਰਾਨ ਆਪਣੇ ਮੂੰਹ ਤੋਂ ਮਾਸਕ ਹਟਾਏ ਬਿਨਾਂ ਚਰਨਾਮ੍ਰਿਤ ਪੀ ਲਿਆ।
ਇਹ ਵੀਡੀਓ ਜੈਸਲਮੇਰ ਦੇ ਮਸ਼ਹੂਰ ਰਾਮਦੇਵਰਾ ਮੰਦਿਰ ਦਾ ਹੈ, ਜਿੱਥੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ 2 ਸਤੰਬਰ ਨੂੰ ਦਰਸ਼ਨਾਂ ਲਈ ਪਹੁੰਚੇ ਸਨ। ਚਾਰ ਦਿਨ ਪੁਰਾਣਾ ਵੀਡੀਓ ਮੰਗਲਵਾਰ ਨੂੰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣਾ ਸ਼ੁਰੂ ਹੋ ਗਿਆ। ਲੋਕ ਇਸ ਨੂੰ ਕਾਫੀ ਸ਼ੇਅਰ ਕਰ ਰਹੇ ਹਨ। ਮੀਮਜ਼ ਵੀ ਬਣਾਏ ਜਾ ਰਹੇ ਹਨ। ਕਈ ਲੋਕ ਇਸ ਨੂੰ ਸਿਆਸਤ ਦੇ ਜਾਦੂਗਰ ਕਹੇ ਜਾਣ ਵਾਲੇ ਗਹਿਲੋਤ ਦਾ ਇਕ ਹੋਰ ‘ਚਮਤਕਾਰ’ ਦੱਸ ਰਹੇ ਹਨ।
ਅਸ਼ੋਕ ਗਹਿਲੋਤ ਨੇ ਸ਼ੁੱਕਰਵਾਰ ਨੂੰ ਜੈਸਲਮੇਰ ਨੇੜੇ ਰਾਮਦੇਵਰਾ ਸਥਿਤ ਲੋਕ ਦੇਵਤਾ ਬਾਬਾ ਰਾਮਦੇਵ ਮੰਦਰ ਦਾ ਦੌਰਾ ਕੀਤਾ। ਇਸ ਦੌਰਾਨ ਉਥੇ ਮੌਜੂਦ ਕੁਝ ਸ਼ਰਧਾਲੂਆਂ ਨੇ ਸਿਆਸੀ ਨਾਅਰੇਬਾਜ਼ੀ ਵੀ ਕੀਤੀ।
ਅਸ਼ੋਕ ਗਹਿਲੋਤ ਦਾ ਮਾਸਕ ਪਾ ਕੇ ਚਰਨਾਮ੍ਰਿਤ ਪੀਣ ਦਾ ਵੀਡੀਓ ਵਾਇਰਲ
अशोक गहलोत का मास्क पहने और चरणामृत पीने का वीडियो वायरल
#ASHOKGEHLOT #CHARANAMRIT #CM #DRANK #RAJASTHAN #SOCIALMEDIA pic.twitter.com/XFUXZQWopL
- Advertisement -
— Global Punjab TV (@global_punjab) September 6, 2022
ਅਭਿਨੇਤਰੀ ਸ਼ਰਲਿਨ ਚੋਪੜਾ ਨੇ ਇਸ ਵੀਡੀਓ ‘ਤੇ ਲਿਖਿਆ, ‘ਅਸ਼ੋਕ ਗਹਿਲੋਤ ਜੀ ਦਾ ਮਾਸਕ ਪਾ ਕੇ ਚਰਨਾਮ੍ਰਿਤ ਲੈਣ ਦਾ ਅੰਦਾਜ਼ ਬਹੁਤ ਹੀ ਅਨੋਖਾ ਹੈ। ਕੀ ਇਸ ਮਾਸਕ ਵਿੱਚ ਇੱਕ ਅਦਿੱਖ ਮੋਰੀ ਹੈ? ਇੰਨਾ ਸ਼ਾਨਦਾਰ ਮਾਸਕ ਕਿੱਥੋਂ ਮਿਲਦਾ ਹੈ।’ਭਾਜਪਾ ਨੇਤਾ ਗੌਰਵ ਪਰਾਸ਼ਰ ਨੇ ਲਿਖਿਆ ਕਿ ਜਾਦੂਗਰ ਦਾ ਜਾਦੂ। ਕਵਿਤਰੀ ਅਨਾਮਿਕਾ ਜੈਨ ਅੰਬਰ ਲਿਖਦੀ ਹੈ, ‘ਅਜਿਹਾ ਚਰਨਾਮ੍ਰਿਤ ਕਿਸ ਨੂੰ ਮਿਲਦਾ ਹੈ?’
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
