SCO ਸੰਮੇਲਨ ‘ਚ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ ਰੂਸ ਦੇ ਰਾਸ਼ਟਰਪਤੀ ਪੁਤਿਨ ਤੋਂ ਮਦਦ ਮੰਗਦੇ ਆਏ ਨਜ਼ਰ

ਨਿਊਜ਼ ਡੈਸਕ: SCO ਸਿਖਰ ਸੰਮੇਲਨ 15 ਅਤੇ 16 ਸਤੰਬਰ ਨੂੰ ਉਜ਼ਬੇਕਿਸਤਾਨ ਦੇ ਸਮਰਕੰਦ ਵਿੱਚ ਹੋ ਰਿਹਾ ਹੈ। ਇਸ ਦੌਰਾਨ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਅਤੇ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ ਨੇ ਮੁਲਾਕਾਤ ਕੀਤੀ। ਇਸ ਦੌਰਾਨ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਕਿਵੇਂ ਪਾਕਿ ਪੀਐੱਮ ਪੁਤਿਨ ਦੇ ਸਾਹਮਣੇ ਬੈਠ ਕੇ ਪੁਤਿਨ ਤੋਂ ਮਦਦ ਮੰਗਦੇ ਨਜ਼ਰ ਆਏ।

ਦਰਅਸਲ, ਸ਼ਾਹਬਾਜ਼ ਸ਼ਰੀਫ਼ ਦੇ ਕੰਨ ‘ਤੇ ਲਗਾਇਆ ਗਿਆ ਅਨੁਵਾਦਕ ਵਾਰ-ਵਾਰ ਡਿੱਗ ਰਿਹਾ ਸੀ। ਵੀਡੀਓ ‘ਚ ਸੁਣਿਆ ਜਾ ਸਕਦਾ ਹੈ ਕਿ ਇਸ ਤੋਂ ਬਾਅਦ ਸ਼ਹਿਬਾਜ਼ ਸ਼ਰੀਫ ਨੇ ਕਿਹਾ, ‘ਕੀ ਕੋਈ ਮੇਰੀ ਮਦਦ ਕਰੇਗਾ?

ਪੁਤਿਨ ਅਤੇ ਸ਼ਰੀਫ ਦੀ ਮੀਟਿੰਗ ਹੋਣੀ ਸੀ।  ਦੋਵੇਂ ਆਗੂ ਗੱਲਬਾਤ ਲਈ ਆਹਮੋ-ਸਾਹਮਣੇ ਬੈਠ ਸਨ।  ਪੁਤਿਨ ਰੂਸੀ ਬੋਲਦੇ ਅਤੇ ਸਮਝਦੇ ਹਨ, ਇਸ ਲਈ ਟਰਾਂਸਲੇਟਰ ਦੀ ਜ਼ਰੂਰਤ ਸੀ। ਪੁਤਿਨ ਨੇ ਤੁਰੰਤ ਟਰਾਂਸਲੇਟਰ ਨੂੰ ਆਪਣੇ ਕੰਨ ਨਾਲ ਲਗਾਇਆ ਅਤੇ ਬੋਲਣਾ ਸ਼ੁਰੂ ਕਰ ਦਿੱਤਾ। ਪਰ ਇਸ ਦੌਰਾਨ ਸ਼ਾਹਬਾਜ਼ ਸ਼ਰੀਫ ਦਾ ਟਰਾਂਸਲੇਟਰ ਉਨ੍ਹਾਂ ਦੇ ਕੰਨ ਤੋਂ ਡਿੱਗ ਗਿਆ। ਉਨ੍ਹਾਂ ਨੇ ਕਈ ਵਾਰ ਇਸ ਨੂੰ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਟਰਾਂਸਲੇਟਰ ਨੂੰ ਆਪਣੇ ਕੰਨ ‘ਤੇ ਨਹੀਂ ਲਗਾ ਸਕੇ। ਜਦੋਂ ਸ਼ਾਹਬਾਜ਼ ਸ਼ਰੀਫ ਨੂੰ ਆਪਣੇ ਕੰਨਾਂ ‘ਤੇ ਟਰਾਂਸਲੇਟਰ ਲਗਾਉਣਾ ਮੁਸ਼ਕਲ ਹੋਇਆ ਤਾਂ ਉਨ੍ਹਾਂ ਕਿਹਾ, ‘ਕੀ ਕੋਈ ਮੇਰੀ ਮਦਦ ਕਰੇਗਾ?’ ਇਸ ਦੌਰਾਨ ਪਾਕਿਸਤਾਨੀ ਫੌਜ ਦਾ ਇਕ ਅਧਿਕਾਰੀ ਸ਼ਰੀਫ ਕੋਲ ਗਿਆ ਅਤੇ ਉਨ੍ਹਾਂ ਦੇ ਕੰਨ ‘ਤੇ ਟਰਾਂਸਲੇਟਰ ਲਗਾ ਦਿੱਤਾ।

ਜਦੋਂ ਪੁਤਿਨ ਨੇ ਦੁਬਾਰਾ  ਬੋਲਣਾ ਸ਼ੁਰੂ ਕੀਤਾ ਤਾਂ ਸ਼ਾਹਬਾਜ਼ ਦਾ ਟਰਾਂਸਲੇਟਰ ਫਿਰ ਗਿਰ ਗਿਆ। ਜਿਸ ਤੋਂ ਬਾਅਦ ਪੁਤਿਨ ਨੇ ਆਪਣੇ ਕੰਨ ਤੋਂ ਟਰਾਂਸਲੇਟਰ ਕੱਢ ਲਿਆ ਅਤੇ ਫੌਜੀ ਅਫਸਰ ਨੂੰ ਦਿਖਾਉਣਾ ਚਾਹਿਆ ਕਿ ਮਸ਼ੀਨ ਲਗਾਉਣ ਦਾ ਸਹੀ ਤਰੀਕਾ ਕੀ ਹੈ।