ਰਮਜ਼ਾਨ ‘ਚ ਪਾਕਿਸਤਾਨ ਦੀ ਹੋਈ ਮਾੜੀ ਹਾਲਤ, ਸਬਜ਼ੀਆਂ ਅਤੇ ਫਲਾਂ ਦੀ ਕੀਮਤ ‘ਚ ਹੋਇਆ ਵਾਧਾ

ਇਸਲਾਮਾਬਾਦ: ਪਾਕਿਸਤਾਨ ਦੀ ਮਹਿੰਗਾਈ ਪਹਿਲਾਂ ਹੀ ਆਮ ਲੋਕਾਂ ਦਾ ਖੂਨ ਚੂਸ ਰਹੀ ਸੀ। ਹੁਣ ਆਮ ਪਾਕਿਸਤਾਨੀਆਂ ਲਈ ਰਮਜ਼ਾਨ ਦੇ ਪਵਿੱਤਰ ਮਹੀਨੇ ‘ਚ ਗੁਜ਼ਾਰਾ ਕਰਨਾ ਮੁਸ਼ਕਿਲ ਹੋ ਰਿਹਾ ਹੈ। ਪਾਕਿਸਤਾਨ ਦੇ ਕਈ ਇਲਾਕਿਆਂ ਵਿੱਚ ਸਬਜ਼ੀਆਂ ਅਤੇ ਫਲਾਂ ਦੀ ਕੀਮਤ ਦੁੱਗਣੀ ਤੋਂ ਵੀ ਵੱਧ ਹੋ ਗਈ ਹੈ। ਪਾਕਿਸਤਾਨ ਦੇ ਕਈ ਇਲਾਕਿਆਂ ਵਿੱਚ ਸਬਜ਼ੀਆਂ ਅਤੇ ਫਲਾਂ ਦੀ ਕੀਮਤ ਦੁੱਗਣੀ ਤੋਂ ਵੀ ਵੱਧ ਹੋ ਗਈ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਰਮਜ਼ਾਨ ਦੌਰਾਨ ਪਾਕਿਸਤਾਨੀ ਰੁਪਏ ‘ਚ ਨਿੰਬੂ ਦੀ ਕੀਮਤ 800 ਰੁਪਏ ਪ੍ਰਤੀ ਕਿਲੋ ਤੱਕ ਪਹੁੰਚ ਗਈ ਹੈ।

ਲਸਣ ਦੀ ਗੱਲ ਕਰੀਏ ਤਾਂ ਇਹ 640 ਰੁਪਏ ਪ੍ਰਤੀ ਕਿਲੋ ਵਿਕ ਰਹੀ ਹੈ। ਟਮਾਟਰ ਅਤੇ ਕਰੇਲੇ ਦਾ ਪ੍ਰਚੂਨ ਰੇਟ 120 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ, ਜਦੋਂਕਿ ਕਰੇਲੇ ਦੀ ਕੀਮਤ 140 ਰੁਪਏ ਪ੍ਰਤੀ ਕਿਲੋ ਹੈ। ਰਮਜ਼ਾਨ ਤੋਂ ਪਹਿਲਾਂ 350 ਰੁਪਏ ਵਿੱਚ ਵਿਕਣ ਵਾਲੇ ਕਚਨਾਰ ਦੀ ਕੀਮਤ 600 ਰੁਪਏ ਤੱਕ ਪਹੁੰਚ ਗਈ ਹੈ। ਰਮਜ਼ਾਨ ਦੇ ਮਹੀਨੇ ‘ਚ ਮੁਸਲਮਾਨ ਇਫਤਾਰ ਦੌਰਾਨ ਫਲ ਖਾਂਦੇ ਹਨ। ਪਰ ਫਲਾਂ ਦੀ ਕੀਮਤ ਲਗਾਤਾਰ ਵਧ ਰਹੀ ਹੈ। ਰਮਜ਼ਾਨ ਤੋਂ ਪਹਿਲਾਂ 70 ਰੁਪਏ ਕਿਲੋ ਵਿਕਣ ਵਾਲਾ ਤਰਬੂਜ ਹੁਣ 250 ਰੁਪਏ ਤੋਂ ਉਪਰ ਵਿਕ ਰਿਹਾ ਹੈ।

ਰਮਜ਼ਾਨ ਤੋਂ ਪਹਿਲਾਂ ਪਾਕਿਸਤਾਨ ਵਿੱਚ ਕੇਲੇ ਦੀ ਕੀਮਤ 100 ਰੁਪਏ ਦਰਜਨ ਸੀ। ਪਰ ਕਈ ਰਿਪੋਰਟਾਂ ਦਾ ਕਹਿਣਾ ਹੈ ਕਿ ਕੁਝ ਖੇਤਰਾਂ ਵਿੱਚ ਇਹ 250-500 ਰੁਪਏ ਤੱਕ ਵਿਕ ਰਿਹਾ ਹੈ। 250 ਗ੍ਰਾਮ ਵਾਲੀ ਸਟ੍ਰਾਬੇਰੀ ਜੋ 50 ਰੁਪਏ ਵਿੱਚ ਵਿਕਦੀ ਸੀ, ਹੁਣ 150 ਰੁਪਏ ਵਿੱਚ ਮਿਲ ਰਹੀ ਹੈ। ਪਾਕਿਸਤਾਨ ਵਿੱਚ ਖਾਣ-ਪੀਣ ਦੀਆਂ ਵਸਤੂਆਂ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਪਾਕਿਸਤਾਨ ਦੀ ਸਥਾਨਕ ਮੀਡੀਆ ਰਿਪੋਰਟਾਂ ਮੁਤਾਬਿਕ ਕਈ ਲੋਕਾਂ ਨੇ ਮਹਿੰਗੇ ਫਲ ਖਰੀਦਣ ਦਾ ਬਾਈਕਾਟ ਕੀਤਾ ਹੈ। ਜੇਕਰ ਪਾਕਿਸਤਾਨ ‘ਚ ਆਟੇ ਦੀ ਗੱਲ ਕਰੀਏ ਤਾਂ ਇਹ ਸਭ ਤੋਂ ਉੱਚੇ ਮੁੱਲ ‘ਤੇ ਹੈ। ਪਾਕਿਸਤਾਨ ਵਿੱਚ ਅਨਾਜ ਸੰਕਟ ਦੇ ਨਾਲ-ਨਾਲ ਪਾਣੀ ਦਾ ਸੰਕਟ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। 

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.