ਫਰੀਦਕੋਟ: ਕੁਝ ਪੁਲਿਸ ਮੁਲਾਜ਼ਮਾਂ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਵਾਇਰਲ ਵੀਡੀਓ ‘ਚ ਥਾਨਾਂ ਸਿਟੀ 1 ਦੇ ਕੁਝ ਮੁਲਾਜ਼ਮ ਕਥਿਤ ਤੌਰ ਤੇ ਪਟਾਖਿਆਂ ਦੀ ਇਕ ਸਟਾਲ ਤੋਂ ਪਟਾਖੇ ਚੁੱਕ ਕੇ ਸਰਕਾਰੀ ਗੱਡੀ ਵਿੱਚ ਰੱਖਦੇ ਨਜ਼ਰ ਆ ਰਹੇ ਹਨ। ਜਿਸ ਤੋਂ ਬਾਅਦ ਨਾ ਤਾਂ ਉਨ੍ਹਾਂ ਪਟਾਕਿਆਂ ਦੀ ਸਟਾਲ ਦਾ ਚਲਾਨ ਕੱਟਿਆ ਅਤੇ ਨਾ ਹੀ ਪਟਾਕਿਆਂ ਦੇ ਪੈਸੇ ਦਿਤੇ ਹਨ। ਇਹ ਪਟਾਕੇ ਮੁਲਾਜ਼ਮਾਂ ਨੇ ਖਰੀਦ ਕੀਤੇ ਸਨ ਜਾਂ ਰਿਸ਼ਵਤ ਵਜੋਂ ਲਏ ਹਨ ਇਸ ਦੀ ਜਾਂਚ ਹੋਣੀ ਅਜੇ ਬਾਕੀ ਹੈ।
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਲੋਕਾਂ ਦਆਂਿ ਟਿਪਣੀਆਂ ਵੀ ਸਾਹਮਣੇ ਆ ਰਹੀਆਂ ਹਨ। ਕਈ ਕੁਮੈਂਟਾਂ ਵਿੱਚ ਇਹ ਕਿਹਾ ਜਾ ਰਿਹਾ ਹੈ ਕਿ ਮੋਟੀਆਂ ਤਨਖਾਹਾਂ ਲੈਣ ਦੇ ਬਾਵਜੂਦ ਕੁਝ ਕਥਿਤ ਮਾੜੀ ਸੋਚ ਦੇ ਮਾਲਕ ਮੁਲਾਜ਼ਮ ਮਿਹਨਤਕਸ਼ ਲੋਕਾਂ ਨੂੰ ਲੁੱਟਣ ਦਾ ਇਕ ਵੀ ਮੌਕਾ ਨਹੀਂ ਗਵਾਉਂਦੇ ਹਨ। ਪੁਲਿਸ ਪ੍ਰਸ਼ਾਸ਼ਨ ਵੱਲੋਂ ਇਸ ਮਾਮਲੇ ਦੀ ਜਾਂਚ ਕੀਤੇ ਜਾਣ ਦੀ ਗੱਲ ਕਹੀ ਜਾ ਰਹੀ ਹੈ।
ਮਾਮਲਾ ਫਰੀਦਕੋਟ ਸ਼ਹਿਰ ਦਾ ਹੈ ਜਿਥੇ ਸ਼ੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਵਿਚ ਪਟਾਕਿਆਂ ਦੀ ਇੱਕ ਦੁਕਾਨ ਤੋਂ ਪੁਲਿਸ ਦੇ ਦੋ ਮੁਲਾਜ਼ਮ ਇਕ ਸਿਵਲ ਕੱਪੜਿਆਂ ਵਿਚ ਅਤੇ ਇਕ ਵਰਦੀਧਾਰੀ ਮੁਲਾਜਮ ਪਟਾਕਿਆਂ ਦੇ ਡੱਬੇ ਚੁੱਕ-ਚੁੱਕ ਕੇ ਥਾਨਾਂ ਸਿਟੀ 1 ਫਰੀਦਕੋਟ ਦੀ ਨਵੀਂ ਚਿੱਟੇ ਰੰਗ ਦੀ ਮਹਿੰਦਰਾ ਸਕਾਰਪੀਓ ਗੱਡੀ ਵਿਚ ਰੱਖ ਰਹੇ ਹਨ। ਗੱਡੀ SHO ਸਿਟੀ 1 ਫਰੀਦਕੋਟ ਦੀ ਹੈ ।
ਲੋਕਾਂ ਵੱਲੋਂ ਇਹ ਵੀਡੀਓ ਇਹ ਕਹਿ ਕਿ ਸ਼ੇਅਰ ਕੀਤੀ ਜਾ ਰਹੀ ਹੈ ਕਿ ਪੁਲਿਸ ਵਾਲੇ ਧੱਕੇ ਨਾਲ ਪਟਾਕੇ ਲਿਜਾ ਰਹੇ ਹਨ। ਹਾਲਾਂਕਿ ਇਸ ਮਾਮਲੇ ‘ਚ ਹਾਲੇ ਸਟਾਲ ਲਗਾਉਣ ਵਾਲੇ ਲੋਕਾਂ ਦਾ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ ਹੈ। ਦੂਜੇ ਪਾਸੇ ਇਸ ਮਾਮਲੇ ‘ਚ DSP ਫਰੀਦਕੋਟ ਦਾ ਕਹਿਣਾ ਕਿ ਸੀਨੀਅਰ ਪੁਲਿਸ ਅਧਿਕਾਰੀਆਂ ਦੇ ਧਿਆਨ ‘ਚ ਆਇਆ ਕਿ ਪਟਾਕੇ ਚੁਕਦੇ ਹੋਏ ਮੁਲਾਜ਼ਮਾਂ ਦੀ ਵੀਡੀਓ ਵਾਇਰਲ ਹੋਈ ਹੈ। ਉਹਨਾਂ ਕਿਹਾ ਕਿ ਇਹ ਪਟਾਕੇ ਮੁਲਾਜ਼ਮਾਂ ਨੇ ਖਰੀਦੇ ਜਾਂ ਵੈਸੇ ਚੁਕੇ ਹਨ ਜਾਂ ਕਿਸੇ ਕਾਰਵਾਈ ਲਈ ਲਿਆਂਦੇ ਹਨ ਇਸ ਬਾਰੇ ਤਫਸੀਸ਼ ਕੀਤੀ ਜਾ ਰਹੀ ਹੈ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
