ਨਿਊਜ਼ ਡੈਸਕ: ਭਾਰਤੀ-ਅਮਰੀਕੀ ਕਾਂਗਰਸ ਮਹਿਲਾ ਪ੍ਰਮਿਲਾ ਜੈਪਾਲ ਦਾ ਪਿੱਛਾ ਕਰਨ ਦੇ ਦੋਸ਼ੀ ਵਿਅਕਤੀ ਨੂੰ 364 ਦਿਨਾਂ (ਲਗਭਗ ਇੱਕ ਸਾਲ) ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਵਕੀਲਾਂ ਨੇ ਸੀਏਟਲ ਵਿੱਚ ਕਿੰਗ ਕਾਉਂਟੀ ਸੁਪੀਰੀਅਰ ਕੋਰਟ ਵਿੱਚ ਦੋਸ਼ੀ ਬ੍ਰੈਟ ਫੋਰਸਲ, 49, ਦੇ ਖਿਲਾਫ ਪਿੱਛਾ ਕਰਨ ਦਾ ਮਾਮਲਾ ਦਰਜ ਕੀਤਾ ਸੀ। ਪੁਲਿਸ ਨੇ ਦੋਸ਼ੀ ਬ੍ਰੈਟ ਫੋਰਸੇਲ ਨੂੰ ਇੱਕ ਸਾਲ ਪਹਿਲਾਂ ਜੈਪਾਲ ਦੇ ਘਰ ਦੇ ਬਾਹਰੋਂ ਗ੍ਰਿਫਤਾਰ ਕੀਤਾ ਸੀ ਅਤੇ ਉਸਨੂੰ ਨਫ਼ਰਤੀ ਅਪਰਾਧ ਕਰਨ ਦੇ ਸ਼ੱਕ ਵਿੱਚ ਜੇਲ੍ਹ ਭੇਜ ਦਿੱਤਾ ਸੀ।
ਹਾਲਾਂਕਿ ਚਾਰ ਦਿਨਾਂ ਬਾਅਦ ਉਸ ਨੂੰ ਰਿਹਾਅ ਕਰ ਦਿੱਤਾ ਗਿਆ। ਦਰਅਸਲ, ਸਿਆਟਲ ਪੁਲਿਸ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕਰ ਸਕੀ ਕਿ ਦੋਸ਼ੀ ਨੇ ਕਾਂਗਰਸ (ਅਮਰੀਕੀ ਪਾਰਲੀਮੈਂਟ) ਦੇ ਮੈਂਬਰ ਨੂੰ ਭਾਰਤ ਪਰਤਣ ਲਈ ਕਿਹਾ ਅਤੇ ਉਸ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ। ਰਿਪੋਰਟ ਦੇ ਅਨੁਸਾਰ, ਕਿੰਗ ਕਾਉਂਟੀ ਦੇ ਵਕੀਲਾਂ ਨੇ ਬਾਅਦ ਵਿੱਚ ਫੋਰਸੇਲ ‘ਤੇ ਜੈਪਾਲ ਨੂੰ ਵਾਰ-ਵਾਰ ਤੰਗ ਕਰਨ ਅਤੇ ਧਮਕੀ ਦੇਣ ਦਾ ਦੋਸ਼ ਲਗਾਇਆ। ਇਹ ਦੋਸ਼ ਲਗਾਇਆ ਗਿਆ ਸੀ ਕਿ ਫੋਰਸੇਲ ਉਨ੍ਹਾਂ ਨੂੰ ਨੁਕਸਾਨ ਪਹੁੰਚਾਉਣਾ ਜਾਂ ਮਾਰਨਾ ਚਾਹੁੰਦਾ ਹੈ। ਉਸ ਨੂੰ ਆਰਬਰ ਹਾਈਟਸ ਵਿੱਚ ਜੈਪਾਲ ਦੇ ਘਰ ਦੇ ਬਾਹਰ ਇੱਕ ਹੈਂਡਗਨ ਨਾਲ ਗ੍ਰਿਫਤਾਰ ਕੀਤਾ ਗਿਆ ਸੀ।ਗੁਆਂਢੀਆਂ ਨੇ ਕਿਹਾ ਕਿ ਉਨ੍ਹਾਂ ਨੇ ਫੋਰਸੇਲ ਨੂੰ ਜੈਪਾਲ ਨੂੰ ਗਾਲਾਂ ਕਡਦੇ ਹੋਏ ਸੁਣਆਿ ਹੈ।ਸਰਕਾਰੀ ਵਕੀਲਾਂ ਦੇ ਅਨੁਸਾਰ, ਹਿਰਾਸਤ ਵਿੱਚ, ਫੋਰਸੇਲ ਨੂੰ ਕੈਮਰੇ ਦੀ ਫੁਟੇਜ ਵਿੱਚ ਇਹ ਕਹਿੰਦੇ ਹੋਏ ਸੁਣਿਆ ਗਿਆ ਸੀ ਕਿ ਉਹ ਜੈਪਾਲ ਦੇ ਘਰ ਦੇ ਬਾਹਰ ਉਦੋਂ ਤੱਕ ਜਾਂਦਾ ਰਹੇਗਾ ਜਦੋਂ ਤੱਕ ਉਹ ਭਾਰਤ ਵਾਪਿਸ ਨਹੀਂ ਜਾਂਦੀ।
ਪ੍ਰਮਿਲਾ ਜੈਪਾਲ (57 ਸਾਲ) ਵਾਸ਼ਿੰਗਟਨ ਦੇ 7ਵੇਂ ਕਾਂਗਰੇਸ਼ਨਲ ਡਿਸਟ੍ਰਿਕਟ ਦੀ ਨੁਮਾਇੰਦਗੀ ਕਰਦੀ ਹੈ ਅਤੇ 2016 ਵਿੱਚ ਅਮਰੀਕੀ ਪ੍ਰਤੀਨਿਧੀ ਸਭਾ ਲਈ ਚੁਣੀ ਜਾਣ ਵਾਲੀ ਪਹਿਲੀ ਭਾਰਤੀ-ਅਮਰੀਕੀ ਔਰਤ ਬਣੀ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
