ਨਿਊਜ਼ ਡੈਸਕ: ਅਮਰੀਕਾ ‘ਚ ਇਕ ਔਰਤ ਨੂੰ ਅੱਖਾਂ ‘ਚ ਤੇਜ਼ ਦਰਦ ਮਹਿਸੂਸ ਹੋਇਆ। ਜਿਸ ਤੋਂ ਬਾਅਦ ਉਹ ਡਾਕਟਰ ਕੋਲ ਪਹੁੰਚੀ। ਡਾਕਟਰ ਨੇ ਔਰਤ ਦੀ ਅੱਖ ‘ਚੋਂ ਇਕ ਤੋਂ ਬਾਅਦ ਇਕ 23 ਕਾਂਟੈਕਟ ਲੈਂਸ ਕੱਢੇ ਹਨ। ਜਿਸਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੈ। ਡਾਕਟਰ ਨੇ ਇਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਹੈ।
ਡਾਕਟਰ ਕਤੇਰੀਨਾ ਕੁਰਤੀਵਾ ਨੇ ਕਿਹਾ ਕਿ ਮਹਿਲਾ ਮਰੀਜ਼ ਹਰ ਰਾਤ ਆਪਣੀਆਂ ਅੱਖਾਂ ਤੋਂ ਕਾਂਟੈਕਟ ਲੈਂਸ ਕੱਢਣਾ ਭੁੱਲ ਜਾਂਦੀ ਸੀ।ਉਹ ਹਰ ਰੋਜ਼ ਅੱਖਾਂ ‘ਚ ਨਵਾਂ ਲੈਂਸ ਲਾਉਂਦੀ ਰਹੀ। ਇਹ ਸਿਲਸਿਲਾ 23 ਦਿਨ ਚੱਲਦਾ ਰਿਹਾ। ਧੁੰਦਲੀ ਨਜ਼ਰ ਅਤੇ ਅੱਖ ਵਿੱਚ ਦਰਦ ਹੋਣ ਕਾਰਨ ਔਰਤ ਇਲਾਜ ਲਈ ਉਨ੍ਹਾਂ ਕੋਲ ਆਈ।
ਕਤੇਰੀਨਾ ਮੁਤਾਬਕ ਲੈਂਸ ਇੱਕ-ਦੂਜੇ ਦੇ ਉੱਪਰ ਲੰਬੇ ਸਮੇਂ ਤੱਕ ਰੱਖੇ ਜਾਣ ਕਾਰਨ ਇੱਕ-ਦੂਜੇ ਨਾਲ ਚਿਪਕ ਗਏ ਸਨ ਅਤੇ ਪਲਕਾਂ ਦੇ ਪਿੱਛੇ ਲੁਕ ਗਏ ਸਨ। ਜਿਸ ਨੂੰ ਧਿਆਨ ਨਾਲ ਅੱਖਾਂ ਤੋਂ ਹਟਾਉਣਾ ਪਿਆ।ਉਨ੍ਹਾਂ ਨੇ ਲੈਂਸ ਨੂੰ ਹਟਾਉਣ ਲਈ ਜਵੈਲਰਜ਼ ਫੋਰਸੇਪ, ਇੱਕ ਵਿਸ਼ੇਸ਼ ਸਰਜੀਕਲ ਯੰਤਰ ਦੀ ਵਰਤੋਂ ਕੀਤੀ।ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਮਹਿਲਾ ਮਰੀਜ਼ਾਂ ਨੂੰ ਲੈਂਸ ਦੀ ਬਜਾਏ ਐਨਕਾਂ ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ ਹੈ। ਇੱਕ ਯੂਜ਼ਰ ਨੇ ਲਿਖਿਆ- ਬਜ਼ੁਰਗਾਂ ਵਿੱਚ ਯਾਦਦਾਸ਼ਤ ਦੀ ਕਮੀ ਦੀ ਸਮੱਸਿਆ ਆਮ ਹੈ। ਸ਼ਾਇਦ ਇਸੇ ਕਾਰਨ ਉਹ ਲੈਂਸ ਹਟਾਉਣਾ ਭੁੱਲ ਗਈ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
