ਨਿਊਜ਼ ਡੈਸਕ: ਦੱਖਣੀ ਕੋਰੀਆ ‘ਚ ਐਤਵਾਰ ਸਵੇਰੇ ਉਦਾਸੀ ਅਤੇ ਸੋਗ ਦਾ ਮਾਹੌਲ ਰਿਹਾ। ਇੱਥੇ ਮੁਆਨ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ 181 ਲੋਕਾਂ ਨੂੰ ਲੈ ਕੇ ਜਾ ਰਿਹਾ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਜਹਾਜ਼ ਰਨਵੇਅ ਤੋਂ ਫਿਸਲ ਗਿਆ ਅਤੇ ਸੀਮਾ ਦੀ ਵਾੜ ਨਾਲ ਟਕਰਾ ਗਿਆ ਅਤੇ ਅੱਗ ਦੀ ਲਪੇਟ ਵਿੱਚ ਆ ਗਿਆ। ਇਸ ਹਾਦਸੇ ‘ਚ 179 ਲੋਕਾਂ ਦੀ ਜਾਨ ਚਲੀ ਗਈ, ਜਦਕਿ ਸਿਰਫ ਦੋ ਲੋਕ ਹੀ ਬਚੇ।
ਇਸ ਹਾਦਸੇ ਤੋਂ ਬਾਅਦ ਪੀੜਤ ਪਰਿਵਾਰ ਅਤੇ ਦੋਸਤ ਏਅਰਪੋਰਟ ‘ਤੇ ਇਕੱਠੇ ਹੋਣੇ ਸ਼ੁਰੂ ਹੋ ਗਏ। ਕਈ ਪਰਿਵਾਰ ਆਪਣੇ ਅਜ਼ੀਜ਼ਾਂ ਦੀ ਭਾਲ ਵਿੱਚ ਬੇਚੈਨ ਨਜ਼ਰ ਆਏ। ਇਸ ਜਹਾਜ਼ ਵਿੱਚ ਇੱਕ ਅਜਿਹਾ ਵਿਅਕਤੀ ਵੀ ਸੀ ਜਿਸ ਨੂੰ ਪਹਿਲਾਂ ਹੀ ਆਪਣੀ ਮੌਤ ਦਾ ਅੰਦਾਜ਼ਾ ਹੋ ਗਿਆ ਸੀ। ਉਸ ਨੇ ਜਹਾਜ਼ ਦੇ ਅੰਦਰੋਂ ਅਜਿਹਾ ਸੰਦੇਸ਼ ਭੇਜਿਆ, ਜਿਸ ਨੂੰ ਪੜ੍ਹ ਕੇ ਪਰਿਵਾਰਕ ਮੈਂਬਰ ਹੈਰਾਨ ਰਹਿ ਗਏ ਅਤੇ ਉਹ ਹਵਾਈ ਅੱਡੇ ਵੱਲ ਭੱਜੇ।
ਦ ਕੋਰੀਆ ਟਾਈਮਜ਼ ਦੀ ਰਿਪੋਰਟ ਦੇ ਅਨੁਸਾਰ, ਜਦੋਂ ਉਸ ਆਦਮੀ ਨੂੰ ਪੁੱਛਿਆ ਗਿਆ ਕਿ ਇਹ ਕਿੰਨਾ ਸਮਾਂ ਪਹਿਲਾਂ ਹੋਇਆ ਸੀ, ਤਾਂ ਉਸ ਨੇ ਲਗਭਗ ਇੱਕ ਮਿੰਟ ਬਾਅਦ ਜਵਾਬ ਦਿੱਤਾ ਕਿ ‘ਬੱਸ ਹੁਣੇ-ਹੁਣੇ… ਕੀ ਮੈਂ ਆਪਣੀ ਵਸੀਅਤ ਬਣਾ ਦਿਆਂ?’
ਇਸ ਘਟਨਾ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਜਹਾਜ਼ ਨੂੰ ਰਨਵੇਅ ਤੋਂ ਫਿਸਲ ਕੇ ਏਅਰਪੋਰਟ ਦੀ ਬਾਉਂਡਰੀ ਵਾੜ ਨਾਲ ਟਕਰਾਉਂਦੇ ਦੇਖਿਆ ਜਾ ਸਕਦਾ ਹੈ। ਵੀਡੀਓ ‘ਚ ਇਹ ਵੀ ਦਿਖਾਇਆ ਗਿਆ ਹੈ ਕਿ ਲੈਂਡਿੰਗ ਤੋਂ ਥੋੜ੍ਹੀ ਦੇਰ ਪਹਿਲਾਂ ਜਹਾਜ਼ ਦੇ ਖੰਭ ਨਾਲ ਪੰਛੀ ਟਕਰਾਉਣ ਕਾਰਨ ਅੱਗ ਲੱਗ ਗਈ।
It’s been a crazy week in the aviation industry. The scariest and worst to expect when flying – plane crash happened in the last few days.
1. Azerbaijan Airplane crashed.
2. Plane crash in South Korea
3. KLM skids off the runaway in Norway.
Crazy, crazy, week, and end of… pic.twitter.com/cRCkLWNwh1
— Dr. Oaikhena Esezobor (@DrOaikhena) December 29, 2024
