ਲੁਧਿਆਣਾ: ਲੁਧਿਆਣਾ ਜ਼ਿਲ੍ਹੇ ਦੇ ਪਿੰਡ ਚਕਰ ਦੀ ਰਹਿਣ ਵਾਲੀ ਮਹਿਲਾ ਬੌਕਸਰ ਸਿਮਰਨਜੀਤ ਕੌਰ ਨੇ ਟੋਕੀਓ ਓਲ਼ੰਪਿਕ ਲਈ ਕੁਆਲੀਫਾਈ ਕਰ ਲਿਆ ਹੈ। ਸਿਮਰਨਜੀਤ ਨੇ ਅੰਡਰ 60 ਕੈਟਾਗਿਰੀ ਚ ਹਿੱਸਾ ਲੈਂਦਿਆਂ ਏਸ਼ੀਆ ਕੁਆਲਾਫਾਇਰਸ ਦੌਰਾਨ ਮੰਗੋਲੀਆ ਦੀ ਬੌਕਸਰ ਨੂੰ 5-0 ਨਾਲ ਹਰਾ ਕੇ ਉਪਲਬਧੀ ਹਾਸਲ ਕੀਤੀ ਹੈ।
ਸਿਮਰਨਜੀਤ 2011 ਤੋਂ ਅੰਤਰਰਾਸ਼ਟਰੀ ਪੱਧਰ ਤੇ ਭਾਰਤ ਦੀ ਪ੍ਰਤਿਨਿਧਤਾ ਕਰ ਰਹੀ ਹਨ। ਉਸ ਨੇ 2018 ਏਆਈਬੀ ਮਹਿਲਾ ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ‘ਚ ਭਾਰਤ ਲਈ ਕਾਂਸੇ ਦਾ ਤਗਮਾ ਜਿੱਤਿਆ ਸੀ।
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਸਿਮਰਨਜੀਤ ਨੂੰ ਟੋਕੀਓ ਓਲੰਪਿਕ ‘ਚ ਕੁਆਲੀਫਾਈ ਕਰਨ ਤੇ ਵਧਾਈ ਦਿੱਤੀ ਹੈ।
Many congratulations to @SimranjitBoxer for comprehensively defeating NMonkhor and qualifying for #Tokyo2020. I am sure you will continue your domination in the #Olympic Games as well. God Bless and more power to you. pic.twitter.com/KpeJwwLfO6
- Advertisement -
— Capt.Amarinder Singh (@capt_amarinder) March 10, 2020
ਇਸ ਦੇ ਨਾਲ ਹੀ ਛੇ ਵਾਰ ਦੀ ਵਿਸ਼ਵ ਚੈਂਪੀਅਨ ਤੇ ਓਲੰਪਿਕ ‘ਚ ਕਾਂਸੇ ਦਾ ਤਗਮਾ ਜੇਤੂ ਭਾਰਤ ਦੀ ਦਿੱਗਜ ਮਹਿਲਾ ਬੌਕਸਰ ਮੈਰੀਕੌਮ ਨੇ ਵੀ ਟੋਕੀਓ ਓਲੰਪਿਕ ਦਾ ਟਿਕਟ ਹਾਸਲ ਕਰ ਲਿਆ। ਮੈਰੀਕੌਮ ਨੇ ਮਹਿਲਾਵਾਂ ਦੀ 51 ਕਿਲੋਗ੍ਰਾਮ ਭਾਰ ਵਰਗ ਦੇ ਕੁਆਰਟਫਾਈਨਲ ਮੁਕਾਬਲੇ ਚ ਫਿਲੀਪਿੰਸ ਦੀ ਆਇਰਿਸ਼ ਮੇਗਨੋ ਨੂੰ 5-0 ਨਾਲ ਮਾਤ ਦਿੱਤੀ ਤੇ ਦੂਜੀ ਵਾਰ ਓਲੰਪਿਕ ‘ਚ ਕੁਆਲੀਫਾਈ ਕਰਨ ‘ਚ ਕਾਮਯਾਬ ਰਹੀ।
ਉੱਥੇ ਹੀ ਭਾਰਤ ਦੇ ਸਟਾਰ ਬੌਕਸਰ ਅਮਿਤ ਪੰਘਾਲ ਨੇ ਵੀ ਟੋਕੀਓ ਓਲੰਪਿਕ ‘ਚ ਕੁਆਲੀਫਾਈ ਕਰ ਲਿਆ। ਵਿਸ਼ਵ ਬੌਕਸਿੰਗ ਟੂਰਨਾਮੈਂਟ ‘ਚ ਚਾਂਦੀ ਦਾ ਤਗ਼ਮਾ ਜੇਤੂ ਅਮਿਤ ne 52 ਕਿਲੋ ਗ੍ਰਾਮ ਭਾਰ ਵਰਗ ਚ ਓਲੰਪਿਕ ਦੀ ਟਿਕਟ ਹਾਸਲ ਕੀਤਾ। ਭਾਰਤੀ ਮੁੱਕੇਬਾਜ਼ ਅਮਿਤ ਪੰਘਾਲ ਦਾ ਇਹ ਪਹਿਲਾ ਓਲੰਪਿਕ ਹੋਵੇਗਾ।
