ਮੋਦੀ ਦਾ ਵੇਟਿਕਨ ਦੌਰਾ,PM ਮੋਦੀ ਅਤੇ ਪੋਪ ਫਰਾਂਸਿਸ ਨੇ ਇੱਕ ਦੂਜੇ ਨੂੰ ਦਿੱਤੇ ਖਾਸ ਤੋਹਫੇ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਯੂਰਪ ਦੌਰੇ ਦਾ ਅੱਜ ਦੂਜਾ ਦਿਨ ਹੈ। ਵੈਟੀਕਨ ਸਿਟੀ ਪਹੁੰਚ ਕੇ ਉਨ੍ਹਾਂ ਨੇ ਕੈਥੋਲਿਕ ਈਸਾਈਆਂ ਦੇ ਸਭ ਤੋਂ ਵੱਡੇ ਧਾਰਮਿਕ ਆਗੂ ਪੋਪ ਫਰਾਂਸਿਸ ਅਤੇ ਰਾਜ ਦੇ ਸਕੱਤਰ ਕਾਰਡੀਨਲ ਪੀਟਰੋ ਪੈਰੋਲੀਨ ਨਾਲ ਮੁਲਾਕਾਤ ਕੀਤੀ। ਇਸ ਦੌਰਾਨ ਉਨ੍ਹਾਂ ਕੋਵਿਡ, ਆਮ ਗਲੋਬਲ ਦ੍ਰਿਸ਼ ਅਤੇ ਸ਼ਾਂਤੀ ਅਤੇ ਸਥਿਰਤਾ ਬਣਾਈ ਰੱਖਣ ਸਮੇਤ ਵੱਖ-ਵੱਖ ਮੁੱਦਿਆਂ ‘ਤੇ ਗੱਲ ਕੀਤੀ। ਪੀਐਮ ਮੋਦੀ ਨੇ ਟਵੀਟ ਕੀਤਾ ਹੈ ਕਿ ਉਨ੍ਹਾਂ ਨੇ ਮੁਲਾਕਾਤ ਦੌਰਾਨ ਪੋਪ ਫਰਾਂਸਿਸ ਨੂੰ ਭਾਰਤ ਆਉਣ ਦਾ ਸੱਦਾ ਦਿੱਤਾ ਹੈ। ਉਨ੍ਹਾਂ ਨੇ ਕੈਥੋਲਿਕ ਈਸਾਈ ਧਰਮ ਦੇ ਸਰਵਉੱਚ ਨੇਤਾ ਪੋਪ ਫਰਾਂਸਿਸ ਨਾਲ ਪੀਐਮ ਮੋਦੀ ਦੀ ਪਹਿਲੀ ਆਹਮੋ-ਸਾਹਮਣੇ ਮੁਲਾਕਾਤ ਦੌਰਾਨ ਇੱਕ ਦੂਜੇ ਨੂੰ ਕਈ ਤੋਹਫ਼ੇ ਦਿੱਤੇ।

ਇਸ ਮੁਲਾਕਾਤ ਦੌਰਾਨ ਉਨ੍ਹਾਂ ਨੂੰ ਵਿਸ਼ੇਸ਼ ਤੌਰ ‘ਤੇ ਬਣੀ ਸਿਲਵਰ ਕੈਂਡਿਲੇਬ੍ਰਮ (ਮੋਮਬੱਤੀ ਰੱਖਣ ਦਾ ਹੋਲਡਰ) ਅਤੇ ਭਾਰਤ ਦੇ ਜਲਵਾਯੂ ‘ਤੇ ਪਹਿਲਕਦਮੀ ‘ਤੇ ਲਿਖੀ ਗਈ ਕਿਤਾਬ ਭੇਂਟ ਕੀਤੀ ਗਈ।ਪੀਐਮ ਮੋਦੀ ਨੇ 84 ਸਾਲਾ ਪੋਪ ਨੂੰ ਦੱਸਿਆ ਕਿ ਇਹ ਕੈਂਡਿਲੇਬ੍ਰਮ ਵਿਸ਼ੇਸ਼ ਤੌਰ ‘ਤੇ ਤਿਆਰ ਕੀਤੀ ਗਈ ਹੈ ਅਤੇ ਇਹ ਕਿਤਾਬ ਜਲਵਾਯੂ ਤਬਦੀਲੀ ‘ਤੇ ਹੈ, ਜੋ ਉਨ੍ਹਾਂ ਦੇ ਦਿਲ ਦੇ ਕਰੀਬ ਹੈ।

ਪੋਪ ਨੇ ਕੋਰੋਨਾ ਕਾਲ ਦੌਰਾਨ ਦੂਜੇ ਦੇਸ਼ਾਂ ਦੀ ਮਦਦ ਕਰਨ ਲਈ ਭਾਰਤ ਦੀ ਤਾਰੀਫ ਕੀਤੀ।  ਪੀਐਮ ਮੋਦੀ ਅਤੇ ਪੋਪ ਵਿਚਕਾਰ ਮੁਲਾਕਾਤ 1 ਘੰਟਾ ਚੱਲੀ, ਜਦੋਂ ਕਿ ਮੁਲਾਕਾਤ ਦਾ ਸਮਾਂ 20 ਮਿੰਟ ਤੈਅ ਕੀਤਾ ਗਿਆ ਸੀ। ਪੋਪ ਨਾਲ ਮੁਲਾਕਾਤ ਪ੍ਰਧਾਨ ਮੰਤਰੀ ਦੇ ਅਧਿਕਾਰਤ ਪ੍ਰੋਗਰਾਮ ਦਾ ਹਿੱਸਾ ਨਹੀਂ ਸੀ, ਕਿਉਂਕਿ ਵਿਦੇਸ਼ ਮੰਤਰਾਲੇ ਨੇ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਸੀ।

ਪੋਪ ਨੇ ਪੀਐਮ ਮੋਦੀ ਨੂੰ ਕਾਂਸੀ ਦਾ ਇੱਕ ਪੱਤਰ ਵੀ ਤੋਹਫ਼ੇ ਵਿੱਚ ਦਿੱਤਾ। ਇਸ ਕਾਂਸੀ ਦੇ ਪੱਤਰ ‘ਤੇ ਲਿਖਿਆ ਹੈ, ‘ਰੇਗਿਸਤਾਨ ਗਾਰਡਨ ਬਣੇਗਾ, ਪੋਪ ਨਾਲ ਸਬੰਧਤ ਦਸਤਾਵੇਜ਼ਾਂ ਦੇ ਖੰਡ, ਵਿਸ਼ਵ ਸ਼ਾਂਤੀ ਲਈ ਉਨ੍ਹਾਂ ਦਾ ਸੰਦੇਸ਼ ਅਤੇ ਮੁੱਖ ਇਮਾਮ ਅਲ ਅਜ਼ਹਰ ਦੁਆਰਾ 4 ਫਰਵਰੀ 2019 ਨੂੰ ਹਸਤਾਖਰ ਕੀਤੇ ਮਨੁੱਖੀ ਭਾਈਚਾਰੇ ਨਾਲ ਸਬੰਧਤ ਦਸਤਾਵੇਜ਼ ਦੀ ਕਾਪੀ ਪੇਸ਼ ਕੀਤੀ ਹੈ।

ਮੋਦੀ ਪਹਿਲੇ ਭਾਰਤੀ ਪ੍ਰਧਾਨ ਮੰਤਰੀ ਹਨ ਜਿਨ੍ਹਾਂ 2013 ’ਚ ਫਰਾਂਸਿਸ ਦੇ ਪੋਪ ਬਣਨ ਤੋਂ ਬਾਅਦ ਮੁਲਾਕਾਤ ਕੀਤੀ ਹੈ। ਇਸ ਤੋਂ ਪਹਿਲਾਂ ਮਰਹੂਮ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪਾਈ ਨੇ ਜੂਨ 2000 ’ਚ ਵੈਟੀਕਨ ਦਾ ਦੌਰਾ ਕਰਕੇ ਤਤਕਾਲੀ ਪੋਪ ਜੌਹਨ ਪੌਲ ਦੂਜੇ ਨਾਲ ਮੁਲਾਕਾਤ ਕੀਤੀ ਸੀ।