ਹਿਊਸਟਨ: ਇੱਕ ਭਾਰਤੀ ਅਮਰੀਕੀ ਵਿਅਕਤੀ ਨੂੰ ਗੋਦ ਲਈ ਹੋਈ ਆਪਣੀ ਤਿੰਨ ਸਾਲਾ ਬੱਚੀ ਦਾ ਕਤਲ ਕਰਨ ਦੇ ਦੋਸ਼ ‘ਚ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਭਾਰਤੀ ਬੱਚੀ ਦੀ ਮੌਤ ਸਾਲ 2017 ‘ਚ ਹੋਈ ਸੀ ਜਿਸ ਨੇ ਸਾਰੀ ਦੁਨੀਆ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ। ਅਮਰੀਕੀ ਪ੍ਰਸ਼ਾਸਨ ਨੇ ਮੈਥਿਊਜ਼ ਆਪਣੀ ਧੀ ਨੂੰ ਸੱਟ ਮਾਰ ਕੇ ਕਤਲ ਕਰਨ ਦਾ ਦੋਸ਼ੀ ਠਹਿਰਾਇਆ ਹੈ। ਇਸ ਮਾਮਲੇ ‘ਚ 12 ਮੈਂਬਰੀ ਜਿਊਰੀ ਨੇ ਬੁੱਧਵਾਰ ਦੁਪਹਿਰ ਤਕਰੀਬਨ 3 ਘੰਟੇ ਵਿਚਾਰ-ਵਟਾਂਦਰੇ ਮਗਰੋਂ ਮੈਥਿਊਜ਼ ਨੂੰ ਉਮਰਕੈਦ ਦੀ ਸਜ਼ਾ ਸੁਣਾਈ।
ਉਹ 30 ਸਾਲ ਦੀ ਕੈਦ ਦੇ ਬਾਅਦ ਪੈਰੋਲ ਲਈ ਅਪੀਲ ਕਰ ਸਕਦਾ ਹੈ। ਅਮਰੀਕੀ ਮੀਡੀਆ ਦੀਆਂ ਖਬਰਾਂ ‘ਚ ਕਿਹਾ ਗਿਆ ਹੈ ਕਿ ਜਦ ਜੱਜ ਮੈਥਿਊਜ ਨੂੰ ਸਜ਼ਾ ਸੁਣਾ ਰਹੇ ਸਨ ਤਾਂ ਉਹ ਜਿਊਰੀ ਦੇ ਮੈਂਬਰਾਂ ਜਾਂ ਜੱਜ ਵੱਲ ਨਾ ਦੇਖਦੇ ਹੋਏ ਸਾਹਮਣੇ ਦੇਖ ਰਿਹਾ ਸੀ।
ਬੱਚੀ ਸ਼ਿਰੀਨ ਨੂੰ ਮੈਥਿਊਜ ਅਤੇ ਉਸ ਦੀ ਪਤਨੀ ਸਿਨੀ ਮੈਥਿਊਜ ਨੇ 2016 ‘ਚ ਬਿਹਾਰ ਦੇ ਇਕ ਅਨਾਥ ਆਸ਼ਰਮ ‘ਚੋਂ ਗੋਦ ਲਿਆ ਸੀ। ਉੱਥੇ ਹੀ ਮੈਥਿਊਜ ਦੀ ਦਲੀਲ ਹੈ ਕਿ ਸ਼ਿਰੀਨ ਦੀ ਮੌਤ ਅਚਾਨਕ ਦੁੱਧ ਪੀਣ ਦੌਰਾਨ ਹੋਈ ਹੈ। ਉੱਥੇ ਹੀ ਕੋਰਟ ਦਾ ਕਹਿਣਾ ਹੈ ਕਿ ਇਹ ਹੋ ਹੀ ਨਹੀਂ ਸਕਦਾ ਕਿ ਬੱਚਿ ਦੁੱਧ ਪੀ ਰਹੀ ਹੋਵੇ ਤੇ ਉਸਦੀ ਦਮ ਘੁੱਟਣ ਕਾਰਨ ਮੌਤ ਹੋ ਗਈ ਹੋਵੇ। ਕੋਰਟ ਦਾ ਕਹਿਣਾ ਹੈ ਕਿ ਮੈਥਿਊਜ਼ ਝੂਠ ਬੋਲ ਰਿਹਾ ਹੈ। ਬੱਚੀ ਨੂੰ ਮਾਰਨ ਤੋਂ ਬਾਦ ਉਹ ਡਰ ਗਿਆ ਤੇ ਉਸਨੇ ਆਪੇ ਫੋਨ ਦੀ ਲੋਕੇਸ਼ਨ ਬਦਲ ਲਈ।
ਉਸਨੇ ਜਾਂਚ ਕਰਤਾਵਾਂ ਨੂੰ ਵੀ ਨਹੀਂ ਦੱਸਿਆ ਕਿ ਸ਼ਿਰੀਨ ਦਾ ਮ੍ਰਿਤਕ ਸਰੀਰ ਕਿੱਥੇ ਹੈ ਤੇ ਜਦੋਨ ਉਸ ਦੈ ਦੇਹ ਮਿਲੀ ਤਾ ਉਹ ਪੂਰੀ ਤਰ੍ਹਾਂ ਖਰਾਬ ਹੋ ਚੁੱਕੀ ਸੀ ਤੇ ਕੀੜਿਆਂ ਨੇ ਵੀ ਉਸਦੇ ਅੰਗ ਖਾ ਲਏ ਸਨ, ਜਿਸ ਕਾਰਨ ਡਾਕਟਰਾਂ ਨੂੰ ਪੋਸਟਮਾਰਮ ‘ਚ ਇਹ ਵੀ ਨਹੀਂ ਪਤਾ ਲਗ ਸਕਿਆ ਕਿ ਉਸ ਦੀ ਮੌਤ ਦਾ ਕਾਰਨ ਕੀ ਸੀ। ਉੱਥੇ ਹੀ ਮੈਥਿਊ ਦੇ ਖਿਲਾਫ ਕੋਈ ਸਬੂਤ ਨਹੀਂ ਮਿਲਿਆ ਤੇ ਉਹ ਸਿਰਫ ਇਸ ਲਈ ਦੋਸ਼ੀ ਹੈ ਕਿਉਂਕਿ ਉਸਨੇ 911 ਤੇ ਫੋਨ ਨਹੀਂ ਕੀਤਾ।
