ਮੁੰਬਈ: ਬਾਲੀਵੁੱਡ ਦੇ ਕਿੰਗ ਸ਼ਾਹਰੁਖ ਖਾਨ ਨੇ ਇਨ੍ਹੀਂ ਦਿਨੀਂ ਐਕਟਿੰਗ ਤੋਂ ਬਰੇਕ ਲੈ ਰੱਖੀ ਹੈ ਇਸ ਤੋਂ ਬਾਅਦ ਉਹ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਹੋ ਗਏ ਹਨ। ਉਹ ਫਿਲਮ ਮੇਕਰ ਵਜੋਂ ਕੰਮ ਕਰ ਰਹੇ ਹਨ ਪਰ ਫਿਲਹਾਲ ਪਰਦੇ ‘ਤੇ ਦਿਖਾਈ ਨਹੀਂ ਦੇ ਰਹੇ।
ਅਸਲ ‘ਚ ਸ਼ਾਹਰੁਖ ਦੇ ਫੈਨਜ਼ ਉਨ੍ਹਾਂ ਨੂੰ ਲਗਾਤਾਰ ਯਾਦ ਕਰ ਰਹੇ ਹਨ। ਇਸ ਕਾਰਨ, ਕਦੇ ਉਨ੍ਹਾਂ ਦੇ ਜਨਮਦਿਨ ‘ਤੇ #1MonthForSRKDay ਹੈਸ਼ਟੈਗ ਟਰੈਂਡ ਕਰਦਾ ਹੈ ਤਾਂ ਕਦੇ #ComeBackSRK ਟਰੈਂਡ ‘ਚ ਹੁੰਦਾ। ਸ਼ਾਹਰੁਖ ਦੀ ਜੋ ਵੀਡੀਓ ਸਾਹਮਣੇ ਆਈ ਹੈ ਉਹ 90 ਦੇ ਦਹਾਕੇ ਦੀ ਹੈ। ਵੀਡੀਓ ਦੂਰਦਰਸ਼ਨ ਦੀ ਹੈ ਜਿਸ ਵਿਚ ਸ਼ਾਹਰੁਖ ਐਂਕਰਿੰਗ ਕਰਦੇ ਨਜ਼ਰ ਆ ਰਹੇ ਹਨ।
- Advertisement -
ਸ਼ਾਹਰੁਖ ਦੇ ਨਾਲ ਇਕ ਮਹਿਲਾ ਐਂਕਰ ਵੀ ਸੀ ਜੋ ਸ਼ੋਅ ‘ਚ ਕਹਿੰਦੀ ਹੈ ਕਿ ਹੁਣ ਕੁਮਾਰ ਸ਼ਾਨੂ ਪ੍ਰਦਰਸ਼ਨ ਕਰਨ ਜਾ ਰਹੇ ਹਨ। ਜਿਸ ਤੋਂ ਬਾਅਦ ਸ਼ਾਹਰੁਖ ਨੇ ਪੁੱਛਿਆ ਕਿ ਕੀ ਇਹ ਉਹੀ ਕੁਮਾਰ ਸ਼ਾਨੂ ਹਨ ਜੋ ਕਿਸ਼ੋਰ ਕੁਮਾਰ ਦੇ ਅੰਦਾਜ਼ ਵਿਚ ਗੀਤ ਗਾਉਂਦੇ ਹਨ? ਸ਼ਾਹਰੁਖ ਦੇ ਸਵਾਲ ‘ਤੇ ਮਹਿਲਾ ਐਂਕਰ ਕਹਿੰਦੀ ਹੈ ਉਨ੍ਹਾਂ ਦੀ ਆਵਾਜ਼ ਕਿਸ਼ੋਰ ਵਰਗੀ ਹੈ ਪਰ ਉਨਾਂ ਦਾ ਆਪਣਾ ਵੱਖਰਾ ਅੰਦਾਜ਼ ਹੈ। ਇਸ ‘ਤੇ ਸ਼ਾਹਰੁਖ ਕੁਮਾਰ ਸ਼ਾਨੂ ਨੂੰ ਸਟੇਜ ‘ਤੇ ਬੁਲਾਉਂਦੇ ਹਨ।
ਦੱਸ ਦੇਈਏ ਕਿ ਸ਼ਾਹਰੁਖ ਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ 1989 ਵਿੱਚ ਦੂਰਦਰਸ਼ਨ ‘ਤੇ ਪ੍ਰਸਾਰਿਤ ਸੀਰੀਅਲ’ ਫੌਜੀ ‘ਨਾਲ ਕੀਤੀ ਸੀ। ਸ਼ਾਹਰੁਖ ਦੇ ਆਉਣ ਵਾਲੇ ਪ੍ਰੋਜੈਕਟ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਨੇ ਹਾਲ ਹੀ ਵਿੱਚ ਕਿਹਾ ਸੀ ਕਿ ਉਹ ਇਸ ਸਮੇਂ ਦੋ-ਤਿੰਨ ਸਕ੍ਰਿਪਟਾਂ ‘ਤੇ ਕੰਮ ਕਰ ਰਹੇ ਹਨ ਅਤੇ ਜਦੋਂ ਵੀ ਉਹ ਕਿਸੇ ਫਿਲਮ ਨੂੰ ਖਤਮ ਕਰਨਗੇ ਤਾਂ ਉਹ ਇਸ ਦਾ ਖੁਦ ਐਲਾਨ ਕਰਨਗੇ।
