ਸੰਗਰੂਰ : ਜ਼ਿਲ੍ਹਾ ਸੰਗਰੂਰ ਦੇ ਇਕ ਸਰਕਾਰੀ ਪ੍ਰਾਇਮਰੀ ਸਕੂਲ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ।ਜਿਥੇ ਇਕ ਅਧਿਆਪਕਾ ਆਪਣੀ ਕਲਾਸ ਦੇ ਵਿਦਿਆਰਥੀਆਂ ਤੋਂ ਪੰਜਾਬ ਸਰਕਾਰ ਮੁਰਦਾਬਾਦ ਦੇ ਨਾਅਰੇ ਲਗਵਾ ਰਹੀ ਹੈ। ਵੀਡੀਓ ਤਿੰਨ ਜੁਲਾਈ ਸੋਮਵਾਰ ਦਾ ਹੈ ਜਿਸ ਵਿਚ ਅਧਿਆਪਕਾ ਆਪਣੀ ਕਲਾਸ ਦੇ ਬੱਚਿਆਂ ਨੂੰ ਆਪਣੇ ਪੈਰ ’ਤੇ ਬੰਨ੍ਹੀ ਪੱਟੀ ਦਿਖਾਉਂਦਿਆਂ ਕਹਿ ਰਹੀ ਹੈ, ‘ਗਰਮੀਆਂ ਦੀਆਂ ਛੁੱਟੀਆਂ ਵਿਚ ਬੱਚਿਓ ਤੁਸੀਂ ਮੌਜ-ਮਸਤੀ ਕਰਨ ਆਏ ਹੋ ਪਰ ਇਹ ਦੇਖੋ ਪੰਜਾਬ ਸਰਕਾਰ ਨੇ ਸਾਡਾ ਕੀ ਹਾਲ ਕਰ ਦਿੱਤਾ ਹੈ।
ਉਸ ਨੇ ਬੱਚਿਆਂ ਨੂੰ ਦੱਸਿਆ ਕਿ ਕੱਚੇ ਅਧਿਆਪਕਾਂ ਨੇ ਇਕ ਜੁਲਾਈ ਨੂੰ CM ਦੇ ਸ਼ਹਿਰ ‘ਚ ਧਰਨਾ ਦਿੱਤਾ ਸੀ। ਉਸ ਨੇ ਦਸਿਆ ਕਿ ਸਰਕਾਰ ਨੇ ਆਪਣਾ ਵਾਅਦਾ ਪੂਰਾ ਨਹੀਂ ਕੀਤਾ।ਉਨ੍ਹਾਂ ਨੂੰ ਅਜੇ ਤੱਕ ਪੱਕਾ ਨਹੀਂ ਕੀਤਾ ਅਤੇ ਸਰਕਾਰ ਵੱਲੋਂ ਬਣਾਈ ਗਈ ਦਸ ਸਾਲਾ ਪਾਲਿਸੀ ਨੂੰ ਹਾਲੇ ਤਕ ਲਾਗੂ ਨਹੀਂ ਕੀਤਾ ਹੈ। ਕੱਚੇ ਅਧਿਆਪਕਾਂ ਦੀਆਂ ਤਨਖਾਹਾਂ ਵੀ ਪੱਕੇ ਅਧਿਆਪਕਾਂ ਨਾਲੋਂ ਬਹੁਤ ਘੱਟ ਹੈ।
ਉਸਨੇ ਦਸਿਆ ਕਿ ਜਦੋਂ ਸੀਐਮ ਦੇ ਸ਼ਹਿਰ ਧਰਨਾ ਦੇ ਰਹੇ ਸੀ ਤਾਂ ਪੁਲਿਸ ਨੇ ਉਨ੍ਹਾਂ ‘ਤੇ ਲਾਠੀਚਾਰਜ ਕੀਤਾ। ਇਸ ਲਈ ਬੱਚਿਓ, ਤੁਸੀਂ ਚੌਕਸ ਹੋ ਜਾਓ, ਸਰਕਾਰਾਂ ਕਦੇ ਵੀ ਕਿਸੇ ਦੇ ਹੱਕ ਆਸਾਨੀ ਨਾਲ ਨਹੀਂ ਦਿੰਦੀਆਂ। ਇਹ ਹਮੇਸ਼ਾ ਲੋਕਾਂ ਦੀਆਂ ਵਿਰੋਧੀ ਰਹੀਆਂ ਹਨ। ਇਸ ਲਈ ਬੱਚਿਓ ਤੁਹਾਨੂੰ ਵੀ ਵੱਡੇ ਹੋ ਕੇ ਸਰਕਾਰ ਤੋਂ ਲਾਠੀਆਂ ਹੀ ਮਿਲਣਗੀਆਂ ਤੇ ਤੁਸੀਂ ਪੜ੍ਹ-ਲਿਖ ਕੇ ਕਾਬਲ ਬਣੋ, ਤਾਂ ਕਿ ਸਰਕਾਰਾਂ ਤੋਂ ਆਪਣੇ ਹੱਕ ਪ੍ਰਾਪਤ ਕਰ ਸਕੋ।’ ਇਸ ਤੋਂ ਬਾਅਦ ਅਧਿਆਪਕਾ ਨੇ ਬੱਚਿਆਂ ਤੋਂ ਪੰਜਾਬ ਸਰਕਾਰ ਮੁਰਦਾਬਾਦ ਦੇ ਨਾਅਰੇ ਲਗਵਾਏ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
