ਜੋਹਾਨਸਬਰਗ (Johannesburg): ਦੱਖਣੀ ਅਫਰੀਕਾ ਵਿਚ ਇਕ ਨਿਊਜ਼ ਚੈਨਲ ਦੇ ਮੁਖੀ ਨੂੰ ਇਸ ਲਈ ਬਰਖਾਸਤ ਕਰ ਦਿੱਤਾ ਹੈ ਕਿਉਂਕਿ ਦੋਸ਼ ਹੈ ਕਿ ਉਸ ਨੇ ਅਸਤੀਫ਼ਾ ਦੇਣ ਵਾਲੇ ਆਪਣੇ ਕਰਮਚਾਰੀ ਪ੍ਰਤੀ ਨਸਲੀ ਟਿੱਪਣੀ ਕੀਤੀ ਸੀ। ਜਾਣਕਾਰੀ ਮੁਤਾਬਿਕ ਇਹ ਚੈੱਨਲ ਦਾ ਮਾਲਕ ਭਾਰਤੀ ਮੂਲ ਨਾਲ ਸਬੰਧ ਰੱਖਦਾ ਹੈ।
;
ਦੋਸ਼ ਹੈ ਕਿ ਦੱਖਣੀ ਅਫਰੀਕਾ ਦੇ ਸਭ ਤੋਂ ਵੱਡੇ ਟੀਵੀ ਨਿਊਜ਼ ਚੈਨਲ ਈ ਐਨ ਸੀ ਏ ਦੇ ਮੁਖੀ ਕੰਥਨ ਪਿਲੇ (Kanthan Pillay) ਨੇ ਆਪਣੇ ਇੱਕ ਪੱਤਰਕਾਰ ਕਰਮਚਾਰੀ ਸੈਮਕੇਲੋ ਮਸੇਕੋ (Samkelo Maseko) ਨੂੰ RAT ਕਹਿ ਕੇ ਬੁਲਾਇਆ ਸੀ ਜਦੋਂ ਉਸ ਨੇ ਦੱਖਣੀ ਅਫਰੀਕਾ ਦੇ ਪ੍ਰਸਾਰਣ ਕਾਰਪੋਰੇਸ਼ਨ (ਐਸ.ਏ.ਬੀ.ਸੀ.) ਲਈ ਕੰਮ ਕਰਨਾ ਸ਼ੁਰੂ ਕੀਤਾ ਸੀ।
The #Kanthanpillay apology to #SAMKELEMASEKO, #SABC and owners of #ENCA. pic.twitter.com/AEp082GDQ6
— Bulelani Phillip (@BulelaniPhillip) December 19, 2019
ਸੈਮਕੇਲੋ ਨੇ ਦਾਅਵਾ ਕੀਤਾ ਕਿ ਪਿਲੇ ਵੱਲੋਂ ਉਸ ਨੂੰ ਰੈਟ ਕਿਹਾ ਗਿਆ ਸੀ ਜਦੋਂ ਕਿ ਉਸ ਨੇ ਬਾਕਾਇਦਾ ਤੌਰ ‘ਤੇ ਨੌਕਰੀ ਛੱਡਣ ਤੋਂ ਪਹਿਲਾਂ ਨੋਟਿਸ ਦਿੱਤਾ ਸੀ ਅਤੇ ਮਿਆਦ ਪੂਰੀ ਹੋਣ ‘ਤੇ ਹੀ ਡੈਸਕ ਛੱਡਣ ਲਈ ਕਿਹਾ ਸੀ।
ਮਸੇਕੋ ਵੱਲੋਂ ਪਿਲੇ ਦੇ ਚੈੱਨਲ ‘ਤੇ ਵੀ ਦੋਸ਼ ਲਾਏ ਗਏ ਹਨ ਕਿ ਉਨ੍ਹਾਂ ਵੱਲੋਂ ਰਾਜਨੀਤਕ ਪਾਰਟੀਆਂ ਦਾ ਪੱਖ ਪੂਰਿਆ ਜਾਂਦਾ ਹੈ।
ਹੁਣ ਪਤਾ ਲੱਗਾ ਹੈ ਕਿ ਪਿਲੇ ਵੱਲੋਂ ਆਪਣੀ ਗਲਤੀ ਲਈ ਇਹ ਕਹਿੰਦਿਆਂ ਮਾਫੀ ਮੰਗ ਲਈ ਗਈ ਹੈ ਕਿ ਜਿਹੜੇ ਕਥਨ ਉਸ ਵੱਲੋਂ ਬੋਲੇ ਗਏ ਉਹ ਸਹੀ ਨਹੀਂ ਸਨ। ਪਰ ਰਿਪੋਰਟਾਂ ਮੁਤਾਬਿਕ ਇਸ ਦੇ ਬਾਵਜੂਦ ਵੀ ਪਿਲੇ ਨੂੰ ਬਰਖਾਸਤ ਕਰ ਦਿੱਤਾ ਗਿਆ ਹੈ।
NOTE: eNCA and KANTHAN PILLAY PART COMPANY
eNCA has parted company with its Director of News Kanthan Pillay with immediate effect. This follows outrage and condemnation after a tweet he posted.
The tweet does not represent the views of e-Media Investments and the channel. 1/4 pic.twitter.com/3hH4WNvPGZ
— eNCA (@eNCA) December 20, 2019
