ਐਡਮਿੰਟਨ / ਹੈਲੀਫੈਕਸ : ਕੈਨੇਡਾ ਵਿੱਚ ਕੋਰੋਨਾ ਦੇ ਨਵੇਂ ਮਾਮਲਿਆਂ ਵਿੱਚ ਵਾਧਾ ਲਗਾਤਾਰ ਜਾਰੀ ਹੈ। ਸ਼ਨੀਵਾਰ ਨੂੰ ਕਈ ਸੂਬਿਆਂ ‘ਚ COVID-19 ਦੇ ਸਿੰਗਲ-ਦਿਨ ਦੇ ਰਿਕਾਰਡ ਮਾਮਲੇ ਰਿਪੋਰਟ ਕੀਤੇ ਗਏ । ਸ਼ਨੀਵਾਰ ਨੂੰ ਅਲਬਰਟਾ ਸੂਬੇ ਵਿੱਚ COVID-19 ਲਾਗ ਦੇ ਰਿਕਾਰਡ 2433 ਨਵੇਂ ਮਾਮਲੇ ਦਰਜ ਕੀਤੇ ਗਏ । ਸਿਹਤ ਵਿਭਾਗ ਅਨੁਸਾਰ ਇੱਥੇ ਇੱਕ ਵਿਅਕਤੀ ਦੀ ਜਾਨ ਕੋਰੋਨਾ ਕਾਰਨ ਚਲੀ ਗਈ। ਉਧਰ ਨੋਵਾ ਸਕੋਸ਼ੀਆ ਸੂਬੇ ਵਿੱਚ ਕੋਵਿਡ ਦੇ 148 ਨਵੇਂ ਮਾਮਲੇ ਦਰਜ ਕੀਤੇ ਗਏ।
ਇਹ ਲਗਾਤਾਰ ਤੀਸਰਾ ਦਿਨ ਹੈ ਜਦੋਂ ਅਲਬਰਟਾ ਸੂਬੇ ਵਿੱਚ ਰੋਜ਼ਾਨਾ 2000 ਤੋਂ ਵੱਧ ਕੋਰੋਨਾ ਦੇ ਮਾਮਲੇ ਦਰਜ ਹੋ ਰਹੇ ਹਨ। ਸੂਬੇ ਵਿੱਚ ਇਹ ਵੀ ਪਹਿਲੀ ਵਾਰ ਹੋਇਆ ਹੈ ਜਦੋਂ ਪ੍ਰਾਂਤ ਦੀ ਟੈਸਟ ਪੋਜ਼ੀਟਿਵਟੀ ਦਰ 12% ਤੋਂ ਉੱਪਰ ਗਈ ਹੋਵੇ।
ਯੂਨੀਵਰਸਿਟੀ ਆਫ਼ ਅਲਬਰਟਾ ਦੇ ਹਸਪਤਾਲ ਵਿੱਚ ਛੂਤ ਵਾਲੀ ਬਿਮਾਰੀ ਦੇ ਮਾਹਰ ਡਾ.ਐਲਨੋਰਾ ਸਕਸਿੰਜਰ ਨੇ ਕਿਹਾ, “ਇਹ ਸਚਮੁੱਚ ਚਿੰਤਾਜਨਕ ਹੈ। ਮੈਂ ਸੋਚਦਾ ਹਾਂ ਕਿ ਇਸ ਦਿਸ਼ਾ ਵਿੱਚ ਜੋ ਕੁਝ ਚੀਜ਼ਾਂ ਇਸ ਸਮੇਂ ਚੱਲ ਰਹੀਆਂ ਹਨ, ਉਹ ਬਹੁਤ ਬੁਰਾ ਸੰਕੇਤ ਹੈ ।”
ਅਲਬਰਟਾ ਦੀ ਚੀਫ ਮੈਡੀਕਲ ਅਫ਼ਸਰ ਡਾਕਟਰ ਦੀਨਾ ਹਿੰਸ਼ਾਅ ਅਨੁਸਾਰ 2433 ਨਵੇਂ ਕੇਸ ਦਰਜ ਹੋਏ ਹਨ। 646 ਲੋਕ ਹਸਪਤਾਲਾਂ ਵਿੱਚ ਭਰਤੀ ਹਨ, 152 ਆਈਸੀਯੂ ਵਿੱਚ ਦਾਖਲ ਹਨ। ਇੱਕ ਵਿਅਕਤੀ ਦੀ ਜਾਨ ਚਲੀ ਗਈ ਹੈ।
There are 646 people in hospital including 152 in ICU. Sadly, I must also report one additional death. My condolences go out to anyone grieving the loss of a loved one. (2/3)
— Alberta Chief Medical Officer of Health (@CMOH_Alberta) May 1, 2021
ਨੋਵਾ ਸਕੋਸ਼ੀਆ ਸੂਬੇ ਦੇ ਪ੍ਰੀਮੀਅਰ ਆਇਨ ਰੈਂਕਿਨ ਨੇ ਇੱਕ ਆਉਣ ਵਾਲੀ ਸਪਾਈਕ ਬਾਰੇ ਵਸਨੀਕਾਂ ਨੂੰ ਚੇਤਾਵਨੀ ਦਿੱਤੀ ਸੀ ਕਿਉਂਕਿ ਪ੍ਰੋਵਿੰਸ਼ੀਅਲ ਲੈਬਾਰਟਰੀਆਂ ਟੈਸਟਿੰਗ ਬੈਕਲਾਗ ਦੁਆਰਾ ਆਪਣੇ ਤਰੀਕੇ ਨਾਲ ਕੰਮ ਕਰਦੇ ਹਨ । ਸੂਬੇ ਦੇ ਮੁੱਖ ਮੈਡੀਕਲ ਅਫ਼ਸਰ, ਡਾ. ਰਾਬਰਟ ਸਟ੍ਰਾਂਗ ਨੇ ਕਿਹਾ ਕਿ ਟੈਸਟ ਵਿੱਚ ਵਾਧੇ ਕਾਰਨ ਪ੍ਰਾਂਤ ਵਿੱਚ 45,000 ਟੈਸਟਾਂ ਦਾ ਬੈਕਲਾਗ ਹੈ। ਅਜਿਹੇ ਵਿੱਚ ਅੰਕੜੇ ਹੋਰ ਵੀ ਵਧ ਸਕਦੇ ਹਨ।
148 cases reported today: As expected, the case number is much higher as the lab works through its backlog. People need to stay home, only go out if necessary, and closely follow the restrictions.#COVID19NS https://t.co/9ABPF5npTE
— Iain Rankin (@IainTRankin) May 1, 2021
ਮਹਾਂਮਾਰੀ ਦੀ ਤੀਜੀ ਲਹਿਰ ਦੇ ਦਰਮਿਆਨ ਦੋਵਾਂ ਸੂਬਿਆਂ ਨੇ ਪਾਬੰਦੀਆਂ ਸਖਤ ਕਰ ਦਿੱਤੀਆਂ ਹਨ ਅਤੇ ਮਾਮਲਿਆਂ ਨੂੰ ਵਧਣ ਤੋਂ ਰੋਕਣ ਲਈ ਕੋਸ਼ਿਸ਼ਾਂ ਤੇਜ਼ ਕਰ ਦਿੱਤੀਆਂ ਹਨ ।
ਦੱਸਣਯੋਗ ਹੈ ਕਿ ਨੋਵਾ ਸਕੋਸ਼ੀਆ ਨੇ ਪਿਛਲੇ ਹਫ਼ਤੇ, ਦੋ ਹਫ਼ਤਿਆਂ ਦੀ ਤਾਲਾਬੰਦੀ ਲਾਗੂ ਕੀਤੀ ਸੀ ਅਤੇ ਸਹਾਇਤਾ ਲਈ ਮਿਲਟਰੀ ਨੂੰ ਬੁਲਾਇਆ ਸੀ । ਸੂਬਾ ਸਰਕਾਰ ਨੇ ਜਨਤਕ ਆਦੇਸ਼ਾਂ ਨੂੰ ਤੋੜ ਕੇ ਇਕੱਠ ਕਰਨ ਵਾਲਿਆਂ ਲਈ ਜੁਰਮਾਨੇ ਵਧਾਏ ਹਨ, ਨਾਲ ਹੀ ਟੈਸਟਿੰਗ ਦੀ ਗਿਣਤੀ ਨੂੰ ਵੀ ਵਧਾਇਆ ਹੈ।
ਅਲਬਰਟਾ ਨੇ ਪੂਰੇ ਪ੍ਰਾਂਤ ਵਿਚ ਹਾਟਸਪਾਟ ਖੇਤਰਾਂ ਵਿਚ ਜਨਤਕ ਸਿਹਤ ਦੇ ਨਵੇਂ ਉਪਾਅ ਲਾਗੂ ਕੀਤੇ ਹਨ। ਇਸ ਵਿੱਚ ਸਕੂਲਾਂ ਲਈ ਆਨਲਾਈਨ ਤਾਲੀਮ ਜਾਰੀ ਰੱਖਣਾ ਅਤੇ ਜਿਮ ਬੰਦ ਕਰਨ ਵਰਗੇ ਉਪਰਾਲੇ ਸ਼ਾਮਲ ਹਨ ।
