ਚੰਡੀਗੜ੍ਹ: ਪੰਜਾਬ ‘ਚ ਹਜ਼ਾਰਾਂ ਕਰੋੜ ਰੁਪਏ ਦੇ ਡਰੱਗ ਮਾਮਲੇ ‘ਚ ਬਰਖਾਸਤ ਏਆਈਜੀ ਰਾਜਜੀਤ ਸਿੰਘ ਹੁੰਦਲ ਦੀ ਭਾਲ ਲਈ ਪੰਜਾਬ ਪੁਲਿਸ ਵਿਜੀਲੈਂਸ ਤੇ ਐਸਟੀਐਫ਼ ਦੀਆਂ ਟੀਮਾਂ ਲਾਗਾਤਾਰ ਛਾਪੇਮਾਰੀ ਕਰ ਰਹੀਆਂ ਹਨ, ਪਰ ਹਾਲੇ ਤੱਕ ਰਾਜਜੀਤ ਪੁਲਿਸ ਦੇ ਹੱਥ ਨਹੀਂ ਲੱਗ ਸਕਿਆ।
ਇਸ ਦੌਰਾਨ ਆਮ ਆਦਮੀ ਪਾਰਟੀ ਦੇ ਬੁਲਾਰੇ ਮਾਲਵਿੰਦਰ ਸਿੰਘ ਕੰਗ ਨੇ ਕਿਹਾ ਰਾਜਜੀਤ ਸਿੰਘ ਦੇ ਫੜੇ ਜਾਣ ‘ਤੇ ਕਈ ਵੱਡੇ ਅ਼ਫ਼ਸਰਾਂ ਤੇ ਸਰਕਾਰੀ ਕਰਮਜਚਾਰੀਆਂ ਦੇ ਨਾਮ ਸਾਹਮਣੇ ਆਉਣ, ਕੰਗ ਨੇ ਕਿਹਾ ਕਿ ਰਾਜਜੀਤ ਦੀ ਮਦਦ ਪੰਜਾਬ ਪੁਲਿਸ ਦੇ ਕਈ ਸੀਨੀਆਰ ਅਫ਼ਸਰਾਂ ਨੇ ਕੀਤੀ ਹੈ। ਜਦੋਂ ਸਾਰਿਆਂ ਦੇ ਨਾਮ ਸਾਹਮਣੇ ਆਏ ਤਾਂ ਵੱਡੇ ਖੁਲਾਸੇ ਹੋਣਗੇ। ਫਿਲਹਾਲ ਪੁਲਿਸ ਰਾਜਜੀਤ ਸਿੰਘ ਬਾਰੇ ਹਾਲੇ ਤੱਕ ਕੋਈ ਵੀ ਇਨਪੁੱਟ ਨਹੀਂ ਲੈ ਸਕੀ, ਜਦੋਂ ਤੋਂ ਰਾਜਜੀਤ ਸਿੰਘ ਨੂੰ ਨੌਕਰੀ ਤੋਂ ਬਰਖਾਸਤ ਕੀਤਾ ਗਿਆ ਉਦੋਂ ਤੋਂ ਉਹ ਫਰਾਰ ਚੱਲ ਰਿਹਾ ਹੈ। ਪੰਜਾਬ ਪੁਲਿਸ ਨੇ ਰਾਜੀਜੀਤ ਹੁੰਦਲ ਖਿਲਾਫ਼ ਲੁੱਕ ਆਊਟ ਨੋਟਿਸੀ ਵੀ ਜਾਰੀ ਕੀਤਾ ਹੈ ਤਾਂ ਜੋ ਵਿਦੇਸ਼ ਨਾ ਭੱਜ ਜਾਵੇ। ਇਸ ਤੋਂ ਇਲਾਵਾ ਰਾਜਜੀਤ ਸਿੰਘ ਜਿਹੜੇ 2 ਮੋਬਾਇਲ ਨੰਬਰ ਚਲਾ ਰਿਹਾ ਹੈ ਉਹ ਵੀ ਬੰਦ ਪਏ ਹਨ।
28 ਮਾਰਚ ਨੂੰ ਪੰਜਾਬ ਹਰਿਆਣਾ ਹਾਈਕੋਰਟ ਵਿੱਚ ਡਰੱਗ ਮਾਮਲੇ ਦੀਆਂ ਬੰਦ ਪਈਆਂ 4 ਜਾਂਚ ਰਿਪੋਰਟ ਖੋਲ੍ਹੀਆਂ ਗਈਆਂ ਸਨ। ਜਿਹਨਾਂ ਵਿਚੋਂ ਹਾਈਕੋਰਟ ਨੇ ਤਿੰਨ ਫਾਇਲਾਂ ‘ਤੇ ਪੰਜਾਬ ਸਰਕਾਰ ਨੂੰ ਕਾਰਵਾਈ ਕਰਨ ਦੇ ਹੁਕਮ ਦਿੱਤੇ ਸਨ ਅਤੇ ਇੱਕ ਫਾਇਲ ਨੂੰ ਮੁੜ ਸੀਲ ਬੰਦ ਕਰ ਦਿੱਤਾ ਸੀ। 5 ਅਪ੍ਰੈਲ ਨੂੰ ਇਹ ਰਿਪੋਰਟਾਂ ਪੰਜਾਬ ਸਰਕਾਰ ਕੋਲ ਪਹੁੰਚੀਆਂ। ਜਿਸ ਤੋਂ ਬਾਅਦ ਮਾਨ ਸਰਕਾਰ ਨੇ ਸਭ ਤੋਂ ਪਹਿਲੀ ਕਾਰਵਾਈ ਰਾਜਜੀਤ ਸਿੰਘ ਹੁੰਦਲ ਨੂੰ ਬਰਖਾਸਤ ਕਰਕੇ ਅਤੇ ਉਸ ਦੇ ਖਿਲਾਫ਼ ਆਮਦਨ ਦੀ ਜਾਂਚ ਕਰਨ ਲਈ ਵਿਜੀਲੈਂਸ ਨੂੰ ਹੁਕਮ ਜਾਰੀ ਕੀਤੇ ਸਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
