ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਗੁਜਰਾਤ ਦੇ ਸੋਮਨਾਥ ਮੰਦਿਰ ਨੇੜੇ ਨਵੇਂ ਸਰਕਟ ਹਾਊਸ ਦਾ ਉਦਘਾਟਨ ਕਰਨਗੇ। ਉਹ 11 ਵਜੇ ਵੀਡੀਓ ਕਾਨਫਰੰਸਿੰਗ ਰਾਹੀਂ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣਗੇ ਅਤੇ ਨਵੀਂ ਇਮਾਰਤ ਦਾ ਉਦਘਾਟਨ ਕਰਨ ਦੇ ਨਾਲ-ਨਾਲ ਲੋਕਾਂ ਨੂੰ ਸੰਬੋਧਨ ਕਰਨਗੇ।
ਹਰ ਸਾਲ ਸੋਮਨਾਥ ਮੰਦਰ ‘ਚ ਦੇਸ਼ ਵਿਦੇਸ਼ ਤੋਂ ਲੱਖਾਂ ਸ਼ਰਧਾਲੂ ਆਉਂਦੇ ਹਨ। ਮੌਜੂਦਾ ਸਰਕਾਰੀ ਸੁਵਿਧਾਵਾਂ ਮੰਦਰ ਤੋਂ ਕਾਫ਼ੀ ਦੂਰ ਹਨ ਇਸ ਲਈ ਇੱਥੇ ਇਕ ਨਵੇਂ ਸਰਕਟ ਹਾਊਸ ਦੀ ਜ਼ਰੂਰਤ ਮਹਿਸੂਸ ਹੋ ਰਹੀ ਸੀ। ਨਵਾਂ ਸਰਕਟ ਹਾਊਸ 30 ਕਰੋੜ ਦੀ ਲਾਗਤ ਨਾਲ ਬਣਿਆ ਹੈ ਤੇ ਇਹ ਮੰਦਰ ਦੇ ਕੋਲ ਹੀ ਹੈ।
ਪੀਐਮਓ ਦਫ਼ਤਰ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ 30 ਕਰੋੜ ਰੁਪਏ ਵਿੱਚ ਸਰਕਟ ਹਾਊਸ ਬਣ ਚੁੱਕਾ ਹੈ। ਸਰਕਾਰ ਵੱਲੋਂ ਜਾਰੀ ਕੀਤੇ ਗਏ ਬਿਆਨ ਅਨੁਸਾਰ ਇਸ ਸਰਕਟ ਹਾਊਸ ਨੂੰ ਆਧੁਨਿਕ ਸਹੂਲਤਾਂ ਨਾਲ ਲੈਸ ਕੀਤਾ ਗਿਆ ਹੈ। ਵੀਆਈਪੀ ਅਤੇ ਡੀਲਕਸ ਕਮਰੇ ਵੀ ਇੱਥੇ ਉਪਲਬਧ ਹਨ। ਇੱਥੇ ਇੱਕ ਕਾਨਫਰੰਸ ਅਤੇ ਆਡੀਟੋਰੀਅਮ ਹਾਲ ਵੀ ਹੈ।ਇਸ ਨੂੰ ਇਸ ਤਰ੍ਹਾਂ ਡਿਜ਼ਾਈਨ ਕੀਤਾ ਗਿਆ ਹੈ ਕਿ ਇਸ ਦੇ ਹਰ ਕਮਰੇ ‘ਚੋਂ ਸਮੁੰਦਰ ਦਾ ਨਜ਼ਾਰਾ ਦਿਖਾਈ ਦੇਵੇ।
