ਅਬੁਜਾ: ਸਮੁੰਦਰੀ ਡਾਕੂਆਂ ਵੱਲੋਂ ਅਫਰੀਕਾ ਦੇ ਪੱਛਮੀ ਤੱਟ ਕੋਲੋਂ ਪਿਛਲੇ ਮਹੀਨੇ ਇੱਕ ਕਮਰਸ਼ੀਅਲ ਜਹਾਜ਼ ਤੋਂ ਅਗਵਾ ਕੀਤੇ ਗਏ 19 ਭਾਰਤੀਆਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ।
ਹਾਲਾਂਕਿ ਅਗਵਾ ਕੀਤੇ ਗਏ ਭਾਰਤੀਆਂ ਚੋਂ ਇੱਕ ਦੀ ਕੈਦ ਵਿੱਚ ਹੀ ਮੌਤ ਹੋ ਗਈ ਹੈ ਅਬੂਜਾ ਸਥਿਤ ਭਾਰਤੀ ਉੱਚ ਆਯੋਗ ਨੇ ਦੱਸਿਆ ਕਿ ਉਸ ਨੇ ਭਾਰਤੀਆਂ ਦੀ ਰਿਹਾਈ ਲਈ ਨਾਈਜੀਰੀਆਈ ਅਧਿਕਾਰੀਆਂ ਦੇ ਨਾਲ ਨਾਲ ਗੁਆਂਢੀ ਦੇਸ਼ਾਂ ਤੋਂ ਵੀ ਸਹਾਇਤਾ ਮੰਗੀ ਸੀ।
ਦੱਸ ਦਈਏ ਕਿ ਅਫਰੀਕਾ ਦੇ ਪੱਛਮੀ ਤੱਟ ਦੇ ਕੋਲ ਜਹਾਜ਼ ਐੱਮਟੀ ਡਿਊਕ ਤੋਂ 15 ਦਸੰਬਰ ਨੂੰ ਚਾਲਕ ਦਲ ਦੇ 20 ਭਾਰਤੀ ਮੈਂਬਰਾਂ ਨੂੰ ਅਗਵਾ ਕਰ ਲਿਆ ਗਿਆ ਸੀ। ਅਬੂਜਾ ਸਥਿਤ ਭਾਰਤੀ ਕਮਿਸ਼ਨ ਨੇ ਟਵੀਟ ਕਰ ਦੱਸਿਆ ਕਿ ਉੱਨੀ ਭਾਰਤੀ ਨਾਗਰਿਕਾਂ ਨੂੰ ਸ਼ਨੀਵਾਰ ਨੂੰ ਰਿਹਾਅ ਕਰ ਦਿੱਤਾ ਗਿਆ। ਜਦਕਿ ਡਾਕੂਆਂ ਦੀ ਕੈਦ ਵਿੱਚ ਇੱਕ ਭਾਰਤੀ ਦੀ ਮੌਤ ਹੋ ਗਈ ਭਾਰਤ ਨੇ ਅਗਵਾ ਕੀਤੇ ਗਏ ਭਾਰਤੀਆਂ ਦੀ ਰਿਹਾਈ ਚ ਸਹਾਇਤਾ ਲਈ ਨਾਈਜੀਰੀਆਈ ਅਧਿਕਾਰੀਆਂ ਦਾ ਧੰਨਵਾਦ ਕੀਤਾ ਹੈ।
Indian Govt & Mission gave highest priority and worked with @NigeriaGov on release of 20 Indian seafarers kidnapped on 15 Dec from MV Duke. 19 were released yesterday. One sadly died in captivity in adverse conditions. Our deepest condolences.🙏Mission assiting in speedy return.
- Advertisement -
— India in Nigeria (@india_nigeria) January 19, 2020
ਭਾਰਤੀ ਉੱਚ ਆਯੋਗ ਨੇ ਕਿਹਾ ਭਾਰਤ ਸਰਕਾਰ ਨੇ ਭਾਰਤੀਆਂ ਦੀ ਰਿਹਾਈ ਨੂੰ ਗੰਭੀਰਤਾ ਨਾਲ ਲਿਆ ਅਤੇ ਨਾਈਜੀਰੀਆਈ ਦੀ ਸਰਕਾਰ ਦੇ ਨਾਲ ਮਿਲ ਕੇ ਉਨ੍ਹਾਂ ਨੂੰ ਛਡਾਉਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ। ਪਰ ਵਿਰੋਧੀ ਪਰਿਸਥਿਤੀਆਂ ਵਿੱਚ ਇੱਕ ਭਾਰਤੀ ਦੀ ਮੌਤ ਹੋ ਗਈ ਜੋ ਦੁਖਦ ਹੈ। ਦੂਤਾਵਾਸ ਭਾਰਤੀਆਂ ਦੀ ਵਾਪਸੀ ਵਿੱਚ ਮਦਦ ਕਰ ਰਿਹਾ ਹੈ।
